ಅ.18: ಬೆಂಗಳೂರಿಗ್ ವರ್ಗಾವಣೆ ಆಯಿನ ಹೊಸದಿಗಂತ ಪತ್ರಿಕೆದ ಉಡುಪಿ ಜಿಲ್ಲಾ ವರದಿಗಾರೆರಾಯಿನ ನವ್ಯಜ್ಯೋತಿ ನೆಲ್ಲಿಜೆ ಬೊಕ್ಕ ಉದಯವಾಣಿ ಉಡುಪಿ ವರದಿಗಾರೆರಾಯಿನ ತೃಪ್ತಿ ಕುಮ್ರಗೋಡು ಮೊಕ್ಲೆಗ್ ಉಡುಪಿ ಜಿಲ್ಲಾ ಕಾರ್ಯನಿರತರ ಪತ್ರಕರ್ತರ ಸಂಘದ ವತಿಡ್ದ್ ಸೋಮವಾರ ಉಡುಪಿ ಪತ್ರಿಕಾಭವನೊಡ್ ಬೀಳ್ಕೊಡುಗೆ ಸಮಾರಂಭೊನ್ ಮಲ್ದಿತ್ತೆರ್.
ಈ ಪೊರ್ತುಡ್ ನವ್ಯಜ್ಯೋತಿ ನೆಲ್ಲಿಜೆ ಬೊಕ್ಕ ತೃಪ್ತಿ ಕುಮ್ರಗೋಡು ಮೊಕ್ಲೆಗ್ ಮಾನಾದಿಗೆ ಮಲ್ತೆರ್. ಸಂಘದ ಜಿಲ್ಲಾಧ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಅಲೆವೂರು ಸಭೆತ್ತ ಅಧ್ಯಕ್ಷತೆಡಿತ್ತೆರ್. ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಪ್ರಮೋದ್ ಸುವರ್ಣ ಬೊಕ್ಕ ಹರ್ಷಿಣಿ ಉಪಸ್ಥಿತರಿತ್ತೆರ್. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದಾಯ್ತ ಮಲ್ತೆರ್. ಪತ್ರಕರ್ತೆರಾಯಿನ ಚೇತನ್ ಮಟಪಾಡಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಪತ್ರಕರ್ತ ಸಂಘದ ಸದಸ್ಯೆರ್ ಉಪಸ್ಥಿತರಿತ್ತುದ್ ನವ್ಯ ಜ್ಯೋತಿ ಬೊಕ್ಕ ತ್ರಪ್ತಿ ಕುಮ್ರಗೋಡು ಮೊಕ್ಲೆಗ್ ಶುಭಾಶಯ ಪಂಡೆರ್.
by 