ಸೋಮಾರ ನಡಪುನ ಕರ್ನಾಟಕ ಬಂದ್ ಗ್ ರಾಜ್ಯ ಬಸ್ ಮಾಲಕ ಸಂಘೊಲೆನ ಒಕ್ಕೂಟದ ಬೆಂಬಲ ಇಜ್ಜಿ: ಕುಯಿಲಾಡಿ

ಉಡುಪಿಡ್ ಬೇತೆ ಬೇತೆ ಸಂಘಟನೆಲು ಮಲ್ಪುನ ಕರ್ನಾಟಕ ಬಂದ್ ಗ್ ರಾಜ್ಯ ಬಸ್ ಮಾಲಕ ಸಂಘೊಲೆನ ಒಕ್ಕೂಟದ ಬೆಂಬಲ ಇಜ್ಜಿ ಪಂಡುದ್ ಒಕ್ಕೂಟದ ಆಧ್ಯಕ್ಷೆರಾಯಿನ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.ದಿನೊಲಾ ಇತ್ತಿಲೆಕ್ಕನೇ ಬಸ್ ಸಂಚಾರ ಉಪ್ಪುಂಡ್.

ಕೊರೊನಾ ಕಾರಣ ಬಸ್ ಉದ್ಯಮಗ್ ಬಾರೀ ಪೆಟ್ಟು ಬೂರ್ದುಂಡ್,ಅಂಚಾದ್ ಒವ್ವೇ ಕಾರಣೊಗ್ ಬಸ್ ಬಂದ್ ಮಲ್ಪುನ ಸ್ಥಿತಿಟ್ ಸದ್ಯೊಗಿಜ್ಜಿ. ಬಸ್ ಉದ್ಯಮ ಒಂತೆ ಸುಧಾರ್ತೊಂದ್ ಬನ್ನಗ ಕುಡ ಬಂದ್ ಮಲ್ತುಂಡ ಬಾರೀ ನಷ್ಟ ಆಪಿನ ಸಾಧ್ಯತೆ ಉಂಡು.ಅಂಚಾದ್ ಒವ್ವೇ ಸಂಘಟನೆಲು ಎಂಕ್ಲೆನ್ ಬಸ್ ಬಂದ್ ಗಾದ್ ಕೇನುನೇ ಬೊಡ್ಚಿ ಪಂಡುದ್ ಆರು ಪತ್ರಿಕೆಗ್ ಹೇಳಿಕೆ ಕೊರ್ತೆರ್.