ಪರವೂರುಡು ಇಪ್ಪುನ ನಮ್ಮೂರ್ದ ಕಲಾವಿದೆ “ಕೀರ್ತಿ ಕಾರ್ಕಳ” ಮೆರೆನ ಬಗ್ಗೆ ಪನರೆ ರಡ್ಡ್ ಪಾತೆರ ಇಜ್ಜಿ, ಶ್ರೀಯುತ. ಮಧುಸೂದನ್ ಬೊಕ್ಕ ಶ್ರೀಮತಿ. ವಾರಿಜ ದಂಪತಿಳೆನ ಸುರುತ್ತ ಪುತ್ರೆಯಾದ್ ಜನ್ಮೊನು ಪಡೆಯಿನ ಮೇರ್ ರಡ್ಡ್ ಮೆಗ್ದಿನಕ್ಲು ಮೆರೆಗ್, ಸುರುತ್ತ ಮೆಗ್ದಿ ಸಂಧ್ಯಾ ಅರೆನ ಪತಿದೇವೆರ್ ವಿಶ್ವನಾಥ ಅಂಚೆನೇ ರಡ್ಡನೇ ಮೆಗ್ದಿ ವಿಧ್ಯಾ ಅರೆನ ಪತಿದೇವೆರ್ ಪ್ರೀತಿಮ್ ಅಂಚೆನೇ ಬಾಲ್ಯೋರ್ದು ಮೆರೆನ ಮಾಮ ರಮೇಶ್ ಪೂಜಾರಿ ಅರೆನ ಧರ್ಮಪತ್ನಿ ಕಲಾವತಿ ಮೊಕ್ಲೆನ ಇಲ್ಲಡ್ ಬುಲೆಯಿನ ಮೇರ್ ಗುರುನಗರ ಆನೆಕೆರೆ ಕಾರ್ಲದ ಒಂಜಿ ಎಲ್ಯ ಪ್ರತಿಭೆಯಾದ್ ಅವ್ವೆತ್ತೊ ಜಾಲತಾಣೊಳೆಡ್ ಮಿನ್ಕೊಂದುಲ್ಲೆರ್.
ಇಲ್ಲಡ್ ಬಡಪತ್ತ್ ದ ಜೀವನ ಆಂಡಲಾ ಮೆರೆನ ಪ್ರತಿಭೆಗ್ ಬಡಪತ್ತ್ ಇಜ್ಜಾಂಡ್, ಯಾನೊಂಜಿ ಮಾತೇರೆಲೆಕ್ಕ ಆವೋಡು, ತನ್ನ ಪ್ರತಿಭೆಡ್ ಎನ್ನ ಊರೋಗು ಪೆರ್ಮೆ ಆವೋಡು, ಕೀರ್ತಿ ಕನವೊಡು ಪನ್ಪಿನವ್ವು ಮೆರೆನ ಆಸ್ ಆದ್ ಇತ್ತ್ಂಡಲಾ ಮೆರೆನ ಪ್ರತಿಭೆಗ್ ವೇದಿಕೆ ತಿಕ್ಕಂದೆ ಪೋಂಡು, ಪ್ರತಿಭೆ ಪನ್ಪಿನವ್ವು ಮಾತೇರೆಡ್ಲಾ ಇಪ್ಪುಂಡು ಆಂಡ ವೇದಿಕೆ ತಿಕ್ಕುನವ್ವು ಬಾರಿ ಕಮ್ಮಿ, ಇಂಚ ಇಪ್ಪುನಗ ಟಿಕ್ ಟಾಕ್, ಈ ರೀತಿದ ವೀಡಿಯೊಲೆನ ಶೋಶಲ್ ಮೀಡಿಯಡ್ ಪಾಡ್ರೆ ಸುರು ಮಲ್ತಿನ ಮೇರ್ ಮೆರೆನ ಅಭಿನಯೊನು ತೂದು ಮಸ್ತ್ ಜನ ಮೆರೆಗ್ ಅವಹೇಳನ, ಮಕ್ಕರ್ ಮಲ್ತಿನಿ ಅತ್ತಂದೆ ಎಡ್ಡೆಪ್ಪು ಬಯಕಿನ ಕೆಲವೊಂಜಿ ಜನ ಮಾತ್ರ. ನನಾ ಎಂಕ್ ಏರ್ ಅವಕಾಶ ಕೊರುವೆರ್ ಪಂಡ್ದ್ ಯೋಚನೆ ಮಲ್ಪುನ ಸಂದರ್ಭಡ್ ತಿಕ್ಕಿನ ಆ ವ್ಯಕ್ತಿ “ಕಲಾವಿದರ ಬದುಕು” ಪನ್ಪಿನ ಫೇಸ್ಬುಕ್ ಪೇಜ್ ದ ಸಂಚಾಲಕೆರ್ ಆಯಿನ ಯುವ ಗಾಯಕೆ, ಯುವ ಸಾಹಿತಿ “ಸುಜಿತ್ ಎಸ್ ನಾರಾವಿ” ಮೆರೆನ ಪೇಜ್. ಪೊಸ ಪೊಸ ಕಲಾವಿದೆರೆಗ್ ಅವಕಾಶ ಕೊರೊಂದು ಅವ್ವೆತ್ತೊ ಮೂಡೆಡ್ ಇತ್ತಿನ ಕಲಾವಿದೆರೆನ್ ಬುಲೆಪಾಯಿನ ವೇದಿಕೆ “ಕಲಾವಿದರ ಬದುಕು” ಈ ಪೇಜ್ ದ ಮುಖಾಂತರ ಮೆರೆನ ಪ್ರತಿಭೆಗ್ ಸುರುತ್ತ ವೇದಿಕೆ ತಿಕ್ಕ್ ದ್ ಮೆರೆನ ಪ್ರತಿಭೆ ನಾಲೂರುಗು ಪಸರ್ ದ್ ನನಾತ್ ಪೇಜ್ ದ ಮುಖಾಂತರ ಮೆರೆಗ್ ಅವಕಾಶ ತಿಕ್ಕೊಂದು ಬತ್ತ್ಂಡ್. ಎನ್ನ ಪ್ರತಿಭೆಗ್ ಸುರುತ್ತ ಅವಕಾಶ ಕೊರಿನ “ಸುಜಿತ್ ಎಸ್ ನಾರಾವಿ” ಮೆರೆಗ್ ಸುರುಕ್ಕಾದ್ ಸೊಲ್ಮೆಲೆನ್ ಸಂದೈತ ಮಲ್ಪುವೆ ಪಂಡ್ದ್ ಮೆರೆನ ಪಾತೆರ.
ಕೀರ್ತಿ ಕಾರ್ಕಳ ಮೇರ್ ದುಂಬು ನಡತ್ತ್ ಬತ್ತಿನ ಸಾದಿದ ಬಗ್ಗೆ ಪನ್ಪುನಾಂಡ, ನಮಕ್ಕೊಂಜಿ ಪೆರ್ಮೆದ ವಿಷಯ ದಾದ ಪಂಡ “ಒರಿಯರ್ದೊರಿ ಅಸಲ್ ಅಂಬರ್ ಕ್ಯಾಟರಸ್ ಅಂಚೆನೇ ಪ್ರಕಾಶ್ ಪಡುಬಿದ್ರಿ ಮೆರೆನ ಭಾಗ್ಯ ಚಿಕ್ಕ ಚಲನಚಿತ್ರೊಡು ಎಲ್ಯ ಪಾತ್ರೊಡು ಅಭಿನಯ ಮಲ್ತಿನ ಮೇರ್ ಡಿಡಿ-1 ಚಾನೇಲ್ಡ್ ಪ್ರಸಾರ ಆವೊಂದು ಇತ್ತಿನಂಚಿನ ನೆನಪಿನ ನಾವೆ, ಬಂದೆ ಬರುತ್ತವೆ ಕಾಲ ಪನ್ಪಿನ ಧಾರವಾಹಿಡ್ ಡಾಕ್ಟರ್ ಬೊಕ್ಕ ಪ್ರೆಂಡ್ ರೋಲ್ ಅಂಚೆನೇ ಝೀ ಕನ್ನಡದ “ಜೋಗುಳ” ಧಾರವಾಹಿಡ್ ಅಭಿನಯ ಮಲ್ತಿನ ಈ ಕಲಾವಿದೆ, ಪರವೂರುಡು ಏತ್ ಬೇಲೆದ ಒತ್ತಡ ಇತ್ತ್ಂಡಲಾ ನಮ್ಮ ತುಳುನಾಡ್ದ ಅಭಿಮಾನಿಲೆಗೋಸ್ಕರ ಮನರಂಜನೆ ಕೊರ್ಪುನ ಕಾರ್ಯಕ್ರಮ ಕೊರೊಂದಿಪ್ಪುನ ಮೇರ್ ಜನಕ್ಲೆಗೋಸ್ಕರ ಟೈಮ್ ಫ್ರೀ ದೀವೊಂದು ಖುಷಿ ಕೊರ್ಪುನಂಚಿನ ಎಡ್ಡೆ ಬೇಲೆನ್ ಮಲ್ತೊಂದುಲ್ಲೆರ್.
ಅಂಚೆನೇ ಇಂಚಪ್ಪಗ್ ಸುರು ಮಲ್ತಿನ ಫ್ರಾಂಕ್ ಕಾಲ್ ಪನ್ಪಿನ ಎಲ್ಯ ಗೇಮ್ ಶೋ ಕಾರ್ಯಕ್ರಮೊನ್ಲಾ ಮಲ್ತೊಂದುಲ್ಲೆರ್. ಅವ್ವು ಅತ್ತಂದೆ ತುಳುನಾಡ ಅಭಿಮಾನಿಲೆನ ಲೆಕ್ಕೊರ್ದು “ತುಳುನಾಡ ತುಡರ್” ಪನ್ಪಿನ ಬಿರುದು ಮೆರೆನ ಪಾಲ್ಗ್ ಒದಗುದ್ ಬತ್ತ್ಂಡ್. ತುಳುನಾಡೋರ್ಮೆ ತುಳುನಾಡ ತುಡರ್ ಕೀರ್ತಿ ಕಾರ್ಕಳ ಪನ್ಪಿನ ಪುದರ್ ಡ್ ಮೆರೆನ ಪ್ರತಿಭೆ ಊರೋರ್ಮೆ ಪಸರೊಂದುಂಡು. ಸರಿಯಾಯಿನ ವೇದಿಕೆ ತಿಕ್ಕಂದೆ ಫ್ಯಾಮಿಲಿದ ಕೆಲವೊಂಜಿ ವಿಷಯೊಲೆಡ್ ಗಲ್ಪ್ ಗ್ ಬತ್ತಿನ ಮೇರ್ ಕಲೆ ಪನ್ಪಿನವ್ವು ಕೈ ಬುಡಂದೆ ಕಲೆಕ್ಕ್ ಹೆಚ್ಚ ಮಹತ್ವ ಕೊರಿಯೆರ್. ನನಾ ದುಂಬುಗು ಮೆರೆನ ಪ್ರತಿಭೆ ಕೇವಲ ತುಳುನಾಡ್ ಅತ್ತಂದೆ ದೇಶ-ವಿದೇಶ, ಪರವೂರುಡು ನನಾತ್ ಪುಗಾರ್ತೆ ಕನವಡ್, ಮೆರೆನ ಕೀರ್ತಿ ಪತಾಕೆ ತುಳುನಾಡೋರ್ಮೆ ಪಸರಡ್ ಪಂಡ್ದ್ “ಕಲಾವಿದರ ಬದುಕು” ಬೊಕ್ಕ “ಪಿಂಗಾರ ಕ್ರಿಯೇಷನ್ಸ್ ನಾರಾವಿ” ತಂಡೊದ ವತಿರ್ದ್ ಇರೆಗ್ ಎಡ್ಡೆಪ್ಪುನು ಬಯಕೊಂದು, ನಂಬಿನಂಚಿನ ಧೈವ-ದೇವೆರೆನ ಆಶೀರ್ವಾದ, ಕಲಾಮಾತೆ ಅಪ್ಪೆ ಶಾರದಾಂಭೆನ ಆಶೀರ್ವಾದ ಸದಾ ಇರೆನ ಮಿತ್ತ್ ಇಪ್ಪಡ್ ಪಂಡ್ದ್ ಆ ದೇವೆರೆಡ ಭಕ್ತಿಡ್ ನಟ್ಟೊಂದುಲ್ಲೆ, ಸೊಲ್ಮೆಲು.
✍️ಬರವು:- ಸುಜಿತ್ ಎಸ್ ನಾರಾವಿ
by 