*ಕುಕ್ಕೆ ಸುಬ್ರಹ್ಮಣ್ಯಡ್ ಒರಾನೆ ಬರ್ಸ, ಸಂತೆದಕ್ಲೆಗ್ ನಷ್ಟ!

#

ಕುಕ್ಕೆ
ಸುಬ್ರಹ್ಮಣ್ಯಡ್ ಗುರುವಾರ ಬಯ್ಯಡ್ ಒರಾನೆ ಭಾರಿ ಬರ್ಸ ಬತ್ತಿನೆರ್ದಾವರ
ಷಷ್ಠಿ ಮಹೋತ್ಸವದ ಹಿನ್ನೆಲೆಡ್ ಬೇರೊಗು ಬೈದಿನ ಸಂತೆದಕುಲು ಭಾರಿ ಕಷ್ಟ ನಷ್ಟ ಅನುಭವಿಸ್ ದೆರ್.
ಷಷ್ಠಿ ಮಹೋತ್ಸವ ಹಿನ್ನೆಲೆಡ್ ಎಲ್ಯ ಎಲ್ಯ ಅಂಗಡಿನ್ ಬಾಡಿಗೆ ಕೊರ್ದು ದೆತೊಂದಿತ್ತೆರ್.
ಡಿ.6 ಗುರುವಾರ ಸುಮಾರ್ 2 ಗಂಟೆ ಬರ್ಸ ಬತ್ತಿನ ಕಾರಣ ಕೆಲ ಅಂಗಡಿಲೆಗ್ ನೀರ್ ಪೊಗ್ಗುದುಂಡು. ಕೆಲ ಅಂಗಡಿಲೆಡ್ ನನಲ ನೀರ್ ಉಂತುದುಂಡು. ಬುಡ್ಪಾದ್ ದೀತಿನ ಗೊಬ್ಬುನದ ಸಾಮಾನ್ ಲೆನ್ ಕುಡ ಮುಚ್ಚಿದ್ ದೀವೊಡಾದ್ ಬೈದ್ಂಡ್. ಕೆಲವು ಸೊತ್ತುಲು ಚಂಡಿಯಾದ್ ಹಾಳಾತ್ಂಡ್ ಪಂದ್ ಬೇರದಕುಲು ಪನೊಂದುಲ್ಲೆರ್.
ಒಟ್ಟಾರೆ ಈ ಎಲ್ಯ ಎಲ್ಯ ಅಂಗಡಿದಕುಲು ಕಷ್ಟೊಗು ತಿಕೊಂದೆರ್. ಅಂಗಡಿ ಸುತ್ತ, ಅತ್ತ್ ಡ ಅಂಗಡಿದ ತಿರ್ತ್ ಜಲ್ಲಿ ಪಾಡ್ದ್ ತಾತ್ಕಾಲಿಕ ಪರಿಹಾರ ಮಲ್ಪೊಡು ಪಂದ್ ವ್ಯಪಾರಸ್ಥೆರ್ ಮನವಿ ಮಲ್ದೆರ್. ದೇವಸ್ಥಾನದ ಆಡಳಿತ ಮಂಡಳಿ ನೆಕ್ಕ್ ಪರಿಹಾರ ಮಲ್ತ್ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್.