ಧೀರಜ್ ಬೆಳ್ಳಾರೆ

ಧೀರಜ್ ಬೆಳ್ಳಾರೆಗ್  ಕರ್ನಾಟಕ ಅಚಿವರ್ಸ್ ಬುಕ್ ಅವಾರ್ಡ್. ಉಡುಪಿ, ಕಟಪಾಡಿ ತ್ರಿಶಾ ವಿದ್ಯಾ ಕಾಲೇಜಿದ ಕನ್ನಡ ಪ್ರಾಧ್ಯಾಪಕರಾಯಿನ ಧೀರಜ್ ಬೆಳ್ಳಾರೆಗ್ ಕರ್ನಾಟಕ ಅಚೀವರ್ಸ್ ಬುಕ್ ಆಫ್ ರೆಕಾರ್ಡ್ಸ್ (KABR) ವತಿಡ್ದ್ ಜನವರಿ 10, 2025 ಗ್ , ರಾಷ್ಟ್ರೀಯ ದಾಖಲೆ ಪ್ರಮಾಣಪತ್ರ ಕೊರ್ದ್ ಮಾನಾದಿಗೆ ಮಲ್ತೆರ್.. ಮೇರು ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲ್ಲೂಕುದ ಕಳಂಜದ ಯುವ  ಉತ್ಸಾಹಭರಿತ ಬರಹಗಾರೆರಾದಿತ್ತುದ್,"ಸ್ಟೇಟಸ್ ಕಥೆಗಳು" ಪನ್ಪಿನ ಶೀರ್ಷಿಕೆದ ಸರಣಿಯಡಿಟ್ ಜುಲೈ 2020 ಡ್ದ್ ಡಿಸೆಂಬರ್ 2024 ಮುಟ 1,635 ಕಿನ್ನ ಕಥೆಕುಲೆನ್ ಬರೆಪಿನ ಮೂಲಕ ಈ ಗಮನಾರ್ಹ ಸಾಧನೆನ್ ಮಲ್ದೆರ್. ಈ ಕಥೆಕುಲು ಕನ್ನಡ ವೆಬ್ಸೈಟ್ ಡ್ ನಿರಂತರವಾದ್ ಪ್ರಕಟ ಆವೊಂದಿತ್ತುದ್, ನೈತಿಕ ಮೌಲ್ಯಗಳು, ಜೀವನ ಪಾಠಗಳು ಬೊಕ್ಕ ಪ್ರಬಲ ಸಾಮಾಜಿಕ ಸಂದೇಶಲೆನ್ ಉತ್ತೇಜನ ಮಲ್ಪರೆಗ್ ಪುಗಾರ್ತೆನ್ ಪಡೆಯಿನ ಮೆರೆನ ಕಥೆಕುಲು ಓದುಗೆರೆನ್ ಶ್ರೀಮಂತ ಮಲ್ಪುನ ಅತ್ತಾವಂದೆ, ಸಾಮಾಜಿಕ ಯೋಗಕ್ಷೇಮಗುಲಾ ಪ್ರಮುಖ ಕೊಡುಗೆ ಕೊರ್ತುಂಡ್.ಮೆರೆನ ಸುರುತ ನೂರು ಕತೆಕುಲೆನ್ ಕನ್ನಡ ಪುಸ್ತಕ ಪ್ರಾಧಿಕಾರಡ್ ಪ್ರಕಟಣೆ ಆತುಂಡ್.ಕತೆ ಬರವಣಿಗೆ ದೊಟ್ಟುಗ್, ನಾಟಕ, ಅಭಿನಯಡುಲಾ ತನ್ನ ಛಾಪು ಮೂಡಿಸಾವೊಂದುಪ್ಪುನ ಬಹುಮುಖ ಪ್ರತಿಭೆ. ಮೆರೆನ ಈ ಸಾಧನೆಗ್ ಸಂಸ್ಥೆದ ಸಂಸ್ಥಾಪಕೆರು ಸಿಎ ಗೋಪಾಲಕೃಷ್ಣ ಭಟ್ ಬೊಕ್ಕ ಶಿಕ್ಷಕ ಶಿಕ್ಷಕೇತರ ವೃಂದದಕುಲು ಶುಭಹಾರೈಸಾದೆರ್. ಮಣಿಮಜಲು ಗುರುವಪ್ಪ ಬೊಕ್ಕ ಸುಮತಿ ದಂಪತಿಲೆನ ಮಗೆ ಆಯಿನ ಮೇರ್ ಬಾಳಿಲ ವಿದ್ಯಾಬೋಧಿನಿ ಬೊಕ್ಕ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಬೆಳ್ಳಾರೆದ ಪರ ವಿದ್ಯಾರ್ಥಿ.