ನಾರಾಯಣ ಗುರು ಜಯಂತಿ

ರಾಷ್ಟ್ರೀಯ ಬಿಲ್ಲವ ಈಡಿಗ ನಾಮಧಾರಿ ಧೀವರ ಮಹಾಮಂಡಳಿ (ರಿ)ಉಡುಪಿ ಜಿಲ್ಲೆ ವತಿಡ್ದ್  ಶ್ರೀ ನಾರಾಯಣ ಗುರುಗಳ ಜಯಂತಿ, ಆಚರಣೆ ಬೊಕ್ಕ ಸೀಪೆ ತಿಂಡಿ ವಿತರಣೆ ನಡತುಂಡ್

17೦ ನೇ ಶ್ರೀ ನಾರಾಯಣ ಗುರುಕುಲೆನ ಜಯಂತಿನ್ ರಾಷ್ಟ್ರೀಯ ಬಿಲ್ಲವ ಈಡಿಗ ನಾಮಧಾರಿ ಧೀವರ ಮಹಾಮಂಡಳಿ (ರಿ)ಉಡುಪಿ ಜಿಲ್ಲೆ ವತಿಡ್ದ್  ಉಡುಪಿ ಕೆ ಎಸ್ ಅರ್ ಟಿಸಿ ಬಸ್ ನಿಲ್ದಾಣದಲ್ಪದ  ಸ್ಮರಣಿಕ ಸಭಾಂಗಣಡ್  ಅಚರಣೆ ಮಲ್ತೆರ್.ಮಂಡಳಿದ ಜಿಲ್ಲಾಧ್ಯಕ್ಷೆರಾಯಿನ  ಚಂದ್ರಹಾಸ ಕಾಪು ತುಡರ್ ಅರ್ಲಾದ್ ನಾರಾಯಣ ಗುರುಕುಲೆನ  ಪಟಕ್  ಪುಷ್ಪಾರ್ಚನೆ ಮಲ್ಪುನ ಮೂಲಕ ಕಾರ್ಯಕ್ರಮನ್  ಉದಿಪನ ಮಲ್ತೆರು.

ಈ ಸಂಧರ್ಭಡ್  ಪಾತೆರಿನ ಆರು ಒಂಜೇ ಮತ ಒಂಜೇ ಜಾತಿ ಒಂಜೇ ಧರ್ಮ ಪನ್ಪಿನ ನಾರಾಯಣ ಗುರುಕುಲೆನ ಸಂದೇಶ ಇಡೀ ಮಾನವ ಕುಲಕ್  ಕೊರ್ತಿನ  ಬಾರೀಮಲ್ಲ ಕೊಡುಗೆಯಾದುಂಡ್..ಮಾನವೀಯತೆ ಇಪ್ಪಂದೆ ,ಮೂಡ ನಂಬಿಕೆಲು ಹೆಚ್ಚಾಯಿನ  ಕಾಲಡ್  ಮಹಾನ್ ಮಾನವಾತಾವಾದಿಯಾದ್  ಸಮಾಜದ ಕಣ್ಣು ಅರ್ಲಾಯಿನ ದಾರ್ಶನಿಕ ಶ್ರೀ ನಾರಾಯಣಗುರುಕುಲು ಪಂಡೆರು.

ಕಾರ್ಯಕ್ರಮ ಡ್  ಮಲ್ಲ ಬಿನ್ನೆರಾದ್ ಪಾಲ್ ಪಡೆಯಿನ  ರಾಜ್ಯ ರಾಷ್ಟ್ರೀಯ ಬಿಲ್ಲವ ಈಡಿಗ ನಾಮಧಾರಿ ಧೀವರ ಮಹಾಮಂಡಳಿ (ರಿ) ರಾಜ್ಯ ಉಪಾಧ್ಯಕ್ಷೆರಾಯಿನ ದಿವಾಕರ್ ಸನಿಲ್ ಪಾತೆರ್ದ್  ಸಮಾನತೆದ ಹರಿಕಾರ ವಿಶ್ವಮಾನವ ಸಂದೇಶನ್  ಜಗತ್ತುಗ್  ಕೊರ್ತಿನ ಬ್ರಹ್ಮಶ್ರೀ ನಾರಯಣ ಗುರುಕುಲೆನ  ಜಯಂತಿನ್ ಅರ್ಥಪೂರ್ಣವಾದ್ ಅಚರಣೆ ಮಲ್ತೊಂದುಲ್ಲ.ನಾರಾಯಣಗುರುಕುಲೆನ ಸಂದೇಶ ಸಮಾಜದ ಕಟ್ಟಕಡೆತ್ತ  ವ್ಯಕ್ತಿಗುಲಾ  ತಲುಪುನ ಉದ್ದೇಶಡ್  ವಿದ್ಯಾರ್ಥಿಲೆಗ್  ಅನ್ ಲೈನ್ ಭಾಷಣ ಸ್ಪರ್ಧೆನಾ ಸಂಘಟನೆ ಅಯೋಜನೆ ಮಲ್ದುಂಡ್ ಆತೇ  ಅತ್ತಾವಂದೇ ಉತ್ತರ ಕನ್ನಡ ಜಿಲ್ಲೆಡ್ ಆಯಿನ  ಗುಡ್ಡ ಕುಸಿತಡಾದ್ ಸಂಕಷ್ಟಕ್ಕೊಳಗಾಯಿನ  ಸುಮಾರು ಏಳು ಕುಟುಂಬಲೆಗ್  ಧನ ಸಹಾಯ ಕಾರ್ಯಕ್ರಮನ್  ಆಯೋಜನೆ ಮಲ್ದುಂಡ್ ಪಂಡೆರು.

ಉದ್ಘಾಟನಾ ಕಾರ್ಯಕ್ರಮಡ್ ಬೊಕ್ಕ ನಗರದ ಕೆ ಎಸ್ ಅರ್ ಟಿಸಿ ಬೊಕ್ಕ  ಖಾಸಗಿ ಬಸ್ ನಿಲ್ದಾಣ ಡ್ ಸಾರ್ವಜನಿಕೆರೆಗ್ ಸೀಪೆ ತಿಂಡಿ ವಿತರಣೆ ಮಲ್ತೆರ್..

ಕಾರ್ಯಕ್ರಮಡ್  .ಪ್ರಧಾನ ಕಾರ್ಯದರ್ಶಿ
ಪ್ರಕಾಶ್ ಕೊಡವೂರು, ಕೋಶಾಧಿಕಾರಿ ಉದಯ ಸನಿಲ್‌,
ಜಯ  ಕುಮಾರ್ ಪರ್ಕಳ ,ದಿವಾಕರ್ ಪೂಜಾರಿ ಅಂಬಲಪಾಡಿ,
ವಿಶುಕುಮಾರ್ ಕಲ್ಯಾಣಪುರ,
ಸಂತೋಷ್ ಬೈರಂಪಳ್ಳಿ
ಬಾಲಚಂದ್ರ ಕಿದಿಯೂರು
ಬಾಲಕೃಷ್ಣ ಮಲ್ಪೆ.ಕೃಷ್ಣ ಸನಿಲ್,ಅಶ್ವಿನ್ ಕುಮಾರ್ ಉಪಸ್ಥಿತರಿತ್ತೆರು.