ಧರ್ಮಸ್ಥಳ ಆಯುರ್ವೇದ ಕಾಲೇಜ್

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು, ಆಸ್ಪತ್ರೆ ಬೊಕ್ಕ  ಸಂಶೋಧನ ಕೇಂದ್ರ, ಉಡುಪಿ
ವಿದ್ಯಾರ್ಥಿ ಪರಿಷತ್ ಉದಿಪನೆ- 2024- 25
ಉಡುಪಿದ  ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು, ಆಸ್ಪತ್ರೆ ಬೊಕ್ಕ ಸಂಶೋಧನ ಕೇಂದ್ರದ 2024- 25ನೇ ಸಾಲುದ ವಿದ್ಯಾರ್ಥಿ ಪರಿಷತ್ ಉದಿಪನ ಭಾವಪ್ರಕಾಶ ಸಭಾಂಗಣಡ್ 08.08.2024ಗ್ ನಡತುಂಡ್. ಮಲ್ಲ ಬಿನ್ನೆರಾದ್ ಮಾಜಿ ರಾಜ್ಯ ಎನ್.ಎಸ್.ಎಸ್. ಅಧಿಕಾರಿಲು ಬೊಕ್ಕ ಕರ್ನಾಟಕ ಸರ್ಕಾರದ ಪದನಿಮಿತ್ತ ಸಹಾಯಕ ಕಾರ್ಯದರ್ಶಿ ಡಾ. ಗಣನಾಥ ಶೆಟ್ಟಿ ಯೆಕ್ಕಾರ್ ಮೇರು ಉಪಸ್ಥಿತರಿತ್ತೆರು. ವೇದಿಕೆಡ್  ಮಲ್ಲ ಬಿನ್ನೆರೆನೊಟ್ಟುಗ್ ಪ್ರಾಂಶುಪಾಲೆರಾಯಿನ ಡಾ. ಮಮತಾ ಕೆ. ವಿ., ವೈದ್ಯಕೀಯ ಅಧೀಕ್ಷಕೆರಿಯಿನ ಡಾ. ನಾಗರಾಜ್ ಎಸ್, ಬೇತೆ ಬೇತೆ ವಿಭಾಗಲೆದ ಡೀನ್ ಲಾಯಿನ ಡಾ. ವೀರಕುಮಾರ ಕೆ., ಡಾ. ಶ್ರೀಲತಾ ಕಾಮತ್, ಡಾ. ಅಶೋಕ್ ಕುಮಾರ್ ಬಿ. ಎನ್. ಬೋಕ್ಕ ಡಾ. ರಜನೀಶ್ ವಿ. ಗಿರಿ, ಸ್ನಾತಕ ವಿದ್ಯಾರ್ಥಿಲಾಯಿನ  ಶ್ರೀ. ಗುರುಗೋವಿಂದ ಹೆಚ್.ಯು., ಕು. ಸ್ವಸ್ತಿ ಎನ್. ಶೆಟ್ಟಿ, ಡಾ. ಶಿಖಾ ಸಹೋರೆ, ಡಾ. ಕೊಟ್ರೇಶ್ ಬಿ. ಎಮ್. ಉಪಸ್ಥಿತರಿತ್ತೆರು.

ಡಾ. ಗಣನಾಥ ಶೆಟ್ಟಿ ಯೆಕ್ಕಾರ್ ಮೇರು ಕಾಲೇಜು ಕಾರ್ಯಕ್ರಮದ ನಿಖರ ನಿರ್ವಹಣೆಗ್ ಪರಿಷತ್ತು ಸ್ಥಾಪನೆ ಮಲ್ಪುನ ಉದ್ದೇಶನ್ ವಿವರಣೆ ಕೊರಿಯೆರು. ಸಮಾಜದ ಪರಿವರ್ತನೆಗ್ ಆಂತರಿಕ ಬದಲಾವಣೆ ಅಗತ್ಯ ಉಂಡು ಪಂಡೆರ್.ದು  ವಿದ್ಯಾರ್ಥಿಲೆಡ  ಗುಣಮಟ್ಟದ ನಾಯಕತ್ವ ಮುಖ್ಯ, ರಾಜಕೀಯ ಅರಿವು ಬುಲೆಪಾವುನವ್, ಧರ್ಮ ಅತ್ತುಂಡ ಬೇತೆ ಕಟ್ಟುಪಾಡುಲೆಡ್ ಮುಕ್ತವಾದ್ ತೀರ್ಮಾನ ಮಲ್ಪುನ  ಅಗತ್ಯ ಉಂಡು ಪಂಡೆರು.

ಪ್ರಾಂಶುಪಾಲೆರಾಯಿನ  ಡಾ. ಮಮತಾ ಕೆ. ವಿ.ಪೊಸ  ವಿದ್ಯಾರ್ಥಿ ಸಂಘಟನೆಗ್ ಅಭಿನಂದನೆ ಮಲ್ತುದ್, ಅಕ್ಲೆಗ್ ಕಾಲೇಜಿದ ದೃಷ್ಟಿ ಬೊಕ್ಕ ಗುರಿನ್  ಪ್ರತಿಬಿಂಬಿಸಾವುನ ಜವಾಬ್ದಾರಿನ್  ಆಗ್ರಹ ಮಲ್ತೆರು.

ವಿದ್ಯಾರ್ಥಿ ಪರಿಷತ್ತುದ ಅಧ್ಯಕ್ಷೆರಾಯಿನ  ಶ್ರೀ. ಗುರುಗೋವಿಂದ ಹೆಚ್. ಯು. ಸ್ವಾಗತ ಮಲ್ತೆರು. ಪೊಸತಾದ್ ನೇಮಕ ಆಯಿನ ಸ್ನಾತಕ ಬೊಕ್ಕ ಸ್ನಾತಕೋತ್ತರ ಪರಿಷತ್ತುದ ಪದಾಧಿಕಾರಿಲೆನ  ಪುದರುನ್ ಡಾ. ರಜನೀಶ್ ವಿ. ಗಿರಿ ಬೊಕ್ಕ ಡಾ. ಆಶೋಕ್ ಕುಮಾರ್ ಬಿ. ಎನ್. ಘೋಷಣೆ ಮಲ್ತೆರು. ಡಾ. ವೀರಕುಮಾರ ಕೆ. ಪ್ರಮಾಣವಚನ  ಬೋಧನೆ ಮಲ್ತೆರು. ಮಾಜಿ ವಿದ್ಯಾರ್ಥಿ ಕೌನ್ಸಿಲ್ ಅಧ್ಯಕ್ಷೆ ಕುಮಾರಿ ಮೇಘನಾ. ಜಿ. ಕೆ. ಬೊಕ್ಕ  ಶ್ರೀ ಅರುಣ್ ಕಂಕಟ್ಟೆ  2023- 24ನೇ ಸಾಲುದ  ವಾರ್ಷಿಕ ವರದಿನ್  ಪೊಸ ಅಧ್ಯಕ್ಷೆರಾಯಿನ  ಶ್ರೀ ಗುರುಗೋವಿಂದ ಹೆಚ್.ಯು. ಬೊಕ್ಕ  ಕಾರ್ಯದರ್ಶಿ ಕುಮಾರಿ ಸ್ವಸ್ಥಿ ಎನ್. ಶೆಟ್ಟಿ ಗ್  ಹಸ್ತಾಂತರ ಮಲ್ತೆರು.

ಕುಮಾರಿ ಸ್ವಸ್ಥಿ ಎನ್. ಶೆಟ್ಟಿ ಧನ್ಯವಾದ ಮಲ್ತೆರ್..