ಪ್ರತಿಯೊಂಜಿ ಜೋಕ್ಲೆಡ ಒಂಜತ್ತ್ ಒಂಜಿ ಪ್ರತಿಭೆ ಉಪ್ಪುಂಡ್. ಅವ್ವೆನ್ ಪಿದಾಯಿ ಪಾಡರೆಗ್ ಸತತ ಐನ್ ವರುಷಡಿಂಚಿ ಪುನರೂರು ಪ್ರತಿಷ್ಠಾನ ಪ್ರತಿಭಾ ಸೌರಭದ ಮುಖೇನ ಪ್ರೌಢಶಾಲಾ ಜೋಕ್ಲೆಗ್ ಅವಕಾಶ ಕೊರ್ದಿತ್ತುದ್, ಗ್ರಾಮೀಣ ಪ್ರದೇಶದ ಜೋಕ್ಲೆಗ್ ಉಂದೊಂಜಿ ವರದಾನ ಆತುಂಡ್ ಪಂಡುದ್ ಉಡುಪಿ ವಲಯದ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ ಅಧ್ಯಕ್ಷೆರಾಯಿನ ಜನಾರ್ದನ್ ಕೊಡವೂರು ಮೇರು ಪುನರೂರು ಪ್ರತಿಷ್ಠಾನ(ರಿ.) ನೆತ್ತ ಆಶ್ರಯೊಡ್ ಬೊಕ್ಕ ಜನವಿಕಾಸ ಸಮಿತಿ ಮುಲ್ಕಿ ನೆತ್ತ ಸಹಕಾರಡ್ ಜೋಕ್ಲೆನ ಪ್ರತಿಭೆಲೆನ್ ಗುರುತಿಸಾದ್ ಪ್ರೂತ್ಸಾಹ ಮಲ್ಫುನ ಸಲುವಾದ್ ಕಟೀಲು ಶ್ರೀ ಗೋಪಾಲಕೃಷ್ಣ ಆಸ್ರಣ್ಣ ಸಭಾಂಗಣಡ್ ನಡತಿನ ಪ್ರತಿಭಾ ಸೌರಭ- 2021ನ್ ಉದೀಪನ ಮಲ್ತುದ್ ಪಾತೆರಿಯೆರ್.
ಪುನರೂರು ಪ್ರತಿಷ್ಠಾನ(ರಿ) ನೆತ್ತ ಗೌರವ ಅಧ್ಯಕ್ಷರಾಯಿನ ಧರ್ಮದರ್ಶಿ ಶ್ರೀ ಹರಿಕೃಷ್ಣ ಪುನರೂರು ಮೇರು ಅಧಕ್ಷತೆಡಿತ್ತೆರ್.
ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಳದ ಅನುವಂಶಿಕ ಅರ್ಚಕೆರಾಯಿನ ಗೋಪಾಲಕೃಷ್ಣ ಆಸ್ರಣ್ಣೆರು ಕಾರ್ಯಕ್ರಮೊಗ್ ಶುಭ ಬಯಕಿಯೆರ್.
ದಕ್ಷಿಣ ಕನ್ನಡ ಜಿಲ್ಲಾ ಧಾರ್ಮಿಕ ಪರಿಷತ್ ನ ಸದಸ್ಯೆರಾಯಿನ ಕೊಡೆತ್ತೂರು ಭುವನಾಭಿರಾಮ ಉಡುಪ, ಕರ್ನಾಟಕ ಬ್ಯಾಂಕ್ ಕಟೀಲು ಶಾಖೆದ ಶಾಖಾ ಪ್ರಬಂದಕೆರಾಯಿನ ಮಿಥುನ್ ಆಚಾರ್ಯ, ಪುನರೂರು ಪ್ರತಿಷ್ಠಾನ(ರಿ) ನೆತ್ತ ಗೌರವ ಅಧ್ಯಕ್ಷೆರಾಯಿನ ಎಚ್.ಕೆ ಉಷಾರಾಣಿ, ಪ್ರಧಾನ ಕಾರ್ಯದರ್ಶಿ ಶ್ರೇಯಾ ಪುನರೂರು, ಜನ ವಿಕಾಸ ಸಮಿತಿ ಮುಲ್ಕಿದ ಅಧ್ಯಕ್ಷೆರಾಯಿನ ಪ್ರಾಣೇಶ್ ಭಟ್ ದೇಂದಡ್ಕ ಬೊಕ್ಕ ಸರ್ವ ಸದಸ್ಯೆರು ಈ ಸಂದರ್ಭೊಡ್ ಉಪಸ್ಥಿತರಿತ್ತೆರ್.
ಪುನರೂರು ಪ್ರತಿಷ್ಠಾನ(ರಿ) ನೆತ್ತ ಅಧ್ಯಕ್ಷೆರಾಯಿನ ದೇವಪ್ರಸಾದ್ ಪುನರೂರು ಪ್ರಾಸ್ತಾವಿಕ ಪಾತೆರ್ದ್ ಸ್ವಾಗತ ಮಲ್ತೆರ್. ಜನವಿಕಾಸ ಸಮಿತಿ ಮೂಲ್ಕಿದ ಪ್ರಧಾನ ಕಾರ್ಯದರ್ಶಿ ದಾಮೋದರ ಶೆಟ್ಟಿ ಕೊಡೆತ್ತೂರು ಧನ್ಯವಾದ ಮಲ್ತುದ್ ಜಿತೇಂದ್ರ ವಿ.ರಾವ್ ಹೆಜಮಾಡಿ ನಿರೂಪಣೆ ಮಲ್ತೆರ್..
ಮುಲ್ಕಿ ಹೋಬಳಿದ ಒಟ್ಟು 25 ಪ್ರೌಢಶಾಲೆದ 486 ವಿದ್ಯಾರ್ಥಿಲು ಭಾಷಣ, ಪ್ರಬಂಧ, ಚಿತ್ರಕಲೆ ಬೊಕ್ಕ ಕಸದಿಂದರಸ ಸ್ಪರ್ಧೆಡ್ ಪಾಲ್ ಪಡೆಯೆರ್.
by 