ಉಚ್ಚಿಲ ಮಹಾಲಕ್ಷ್ಮಿ ಅಪ್ಪೆನ ಬಂಗಾರ್ದ ಮುಗುಳಿಗ್‌ ಸಂಗ್ರಹ ಮಲ್ತಿನ ಬಂಗಾರ್ ಬೊಕ್ಕ ಪಣವು ಸಮರ್ಪಣೆ ಮಲ್ತಿನ ಭಕ್ತೆರ್.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಅಪ್ಪೆನ ಬಂಗಾರ್ದ ಕಳಶದ ಕುಂದಾಪುರ ಬೊಕ್ಕ ಉಡುಪಿ ವಲಯದ ಸ್ವರ್ಣ ಸಂಗ್ರಹ ಬೊಕ್ಕ ಧನಸಂಗ್ರಹದ ಸಮರ್ಪಣ ಕಾರ್ಯಕ್ರಮ ಇನಿ ಬಗ್ವಾಡಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನಡ್ದ್ ಸಮರ್ಪಣ ವಿಶೇಷ ರಥದ ಮುಖೇನ ಸುರುವಾದ್ ಕೋಟಾದ ಹಳವು ಮಕ್ಕಳ ತಾಯಿ ಶ್ರೀ ಅಮೃತೇಶ್ವರಿ ದೇವಸ್ಥಾನಗ್ ಬತ್ತುದ್ ಬೆಣ್ಣೆ ಕುದ್ರು ಬಾರ್ಕೂರು ಶ್ರೀ ಕುಲಮಾಹಾಸ್ತ್ರೀ ಅಮ್ಮನ ಸಾನ್ನಿಧ್ಯಗ್ ಬತ್ತುದ್ ವಿಶೇಷ ಪೂಜೆ ಮಲ್ತುದ್ ಪ್ರಾರ್ಥನೆ ಮಲ್ತುದ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ಅಪ್ಪೆನ ಕ್ಷೇತ್ರೊಗ್ ಸಮರ್ಪಣೆ ಮಲ್ತೆರ್. ಈ ಒಂಜಿ ಪುಣ್ಯಪ್ರದವಾಯಿನ ಕಾರ್ಯೊಗ್ ಮೊಗವೀರ ಸಮಾಜದ ನಾಯಕೆರು ಮಾರ್ಗದರ್ಶಕರಾಯಿನ ನಾಡೋಜ. ಡಾ.ಜಿ.ಶಂಕರ್ ಮೆರೆನ ದಿವ್ಯ ಉಪಸ್ಥಿತಿಟ್ ನಡತುಂಡ್. . ಈ ಕಾರ್ಯಕ್ರಮದ ವಿಶೇಷ ಸಭೆ ಉಚ್ಚಿಲ ಮೊಗವೀರ ಭವನಡ್ ನಡತುಂಡ್ .ಸ್ವರ್ಣ ಕಳಶ ಸಮಿತಿದ ಮಾತಾ ವಲಯದ ಅಧ್ಯಕ್ಷೆರೆಗ್ , ಉಚ್ಚಿಲ ಅಮ್ಮನ ಸ್ವಯಂಸೇವಕೆರೆಗ್ ಸೊಲ್ಮೆ ಸಂದಾಯ್ತ ಮಲ್ತೆರ್.