ರೇಡಿಯೋ ಮಣಿಪಾಲಗ್ ರಾಜ್ಯ ಮಾಹಿತಿ ಶಿಕ್ಷಣ & ಸಂವಹನ ತಜ್ಞೆರೆನ ಭೇಟಿ

ಸ್ವಚ್ಛ ಭಾರತ್ ಮಿಷನ್ (ಗ್ರಾ), ಗ್ರಾಮೀಣ ಕುಡಿಯುವ ನೀರು ಬೊಕ್ಕ ನೈರ್ಮಲ್ಯ ಇಲಾಖೆ, ಕರ್ನಾಟಕ ಸರ್ಕಾರದ ರಾಜ್ಯ ಮಾಹಿತಿ, ಶಿಕ್ಷಣ ಬೊಕ್ಕ ಸಂವಹನ ತಜ್ಞೆರಾಯಿನ
ಮಲ್ಲಿಕಾರ್ಜುನ ಪಿ. ಎಸ್. ಉಡುಪಿ ಜಿಲ್ಲೆದ ಮಣಿಪಾಲದ ಮಣಿಪಾಲ್ ಇನ್ಸ್ಟಿಟ್ಯೂಟ್ ಅಫ್ ಕಮ್ಯುನಿಕೇಶನ್ ಕ್ಯಾಂಪಸ್ ಡುಪ್ಪುನ ರೇಡಿಯೋ ಮಣಿಪಾಲ 90.4 MHz ಸಮುದಾಯ ಬಾನುಲಿ ಕೇಂದ್ರೊಗ್ ಬುಧವಾರ ಭೇಟಿ ಕೊರಿಯೆರ್.

ಇಲಾಖೆ ಅನುಷ್ಠಾನ ಮಲ್ತೊಂದುಪ್ಪುನ “ಸ್ವಚ್ಛ ಭಾರತ್ ಮಿಷನ್ (ಗ್ರಾ) ಬೊಕ್ಕ ಜಲ ಜೀವನ್ ಮಿಷನ್ ಯೋಜನೆ” ದ ಅಭಿವೃದ್ಧಿ ಕಾರ್ಯಕ್ರಮೊಲೆನ್ ಗ್ರಾಮೀಣ ಜನಕ್ಲೆಗ್ ಅರ್ಥ ಮಲ್ಪುನ ನಿಲೆಟ್ ಬೇತೆ ಬೆಎ ಮಾಹಿತಿ, ಶಿಕ್ಷಣ ಬೊಕ್ಕ ಸಂವಹನ ಚಟುವಟಿಕೆ ಕಾರ್ಯಕ್ರಮೊಲೆನ್ ರೇಡಿಯೋ ಮಣಿಪಾಲ ಸಮುದಾಯ ಬಾನುಲಿ ಕೇಂದ್ರಡ್ದ್ ಪ್ರಸಾರಮಲ್ತೊಂದುಪ್ಪುನ ಬಗ್ಗೆ ಮಾಹಿತಿ ದೆತೊನೊಂದು ಪರಿಶೀಲನೆ ಮಲ್ತುದ್ ಅಗತ್ಯ ಸಲಹೆಲೆನ್ ಕೊರಿಯೆರ್..

ರೇಡಿಯೋ ಮಣಿಪಾಲ ಸಮುದಾಯ ಬಾನುಲಿ ಕೇಂದ್ರಡ್ದ್ ‘ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ’ ಎನ್ನುವ ಶೀರ್ಷಿಕೆಯುಪ್ಪುನ ಸರಣಿ ಕಾರ್ಯಕ್ರಮನ್
ಬೇತೆ ಬೇತೆ ರೀತಿದ ಜಿಂಗಲ್ಸ್, ಸಂದರ್ಶನ, ನೇರ ಫೋನ್-ಇನ್/ಅಂತರ್ ಸಂವಹನ ಕಾರ್ಯಕ್ರಮ, ನುಡಿಚಿತ್ರ, ಪ್ರಕರಣ ಅಧ್ಯಯನ, ಅನುಭವ ಹಂಚಿಕೆ, ಕಥೆ, ನಾಟಕ, ಸ್ಫೂರ್ತಿದಾಯಕ ಪಾತೆರೊಲು, ಸಲಹೆ ಇಂಚ ಮಸ್ತ್ ಬಾನುಲಿ ಕಾರ್ಯಕ್ರಮ ಪ್ರಸಾರದ ಮೂಲಕ ರೇಡಿಯೋ ಮಣಿಪಾಲ ಸಮುದಾಯ ಬಾನುಲಿ ಕೇಂದ್ರ ಕೇನುನಕಲೆಗ್ ಅರಿವು ಮೂಡಿಸಾವುನ ಬಗ್ಗೆ ರೇಡಿಯೊ ಮಣಿಪಾಲದ ಸಂಯೋಜಕೆರಾಯಿನ ಡಾ.ರಶ್ಮಿ ಅಮ್ಮೆಂಬಳ ಮಾಹಿತಿ ಕೊರಿಯೆರ್. ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಷನ್ ದ ನಿರ್ದೇಶಕೆರಾಯಿನ ಡಾ.ಪದ್ಮಾರಾಣಿ ರೇಡಿಯೋ ಮಣಿಪಾಲ ಸ್ಟುಡಿಯೋ ಸವಲತ್ತುಗಳ ಕುರಿತಾದ್ ಪರಿಚಯ ಮಲ್ತೆರ್.
ಈ ಸಂದರ್ಭಡ್ ಉಡುಪಿ ಜಿಲ್ಲಾ ಪಂಚಾಯತ್ ನ ಜಿಲ್ಲಾ ಐಇಸಿ ಸಮಾಲೋಚಕೆರಾಯಿನ ಪ್ರದೀಪ್ ರಾಜ್, ಸಿಬ್ಬಂದಿಲಾಯಿನ ಮಂಜುನಾಥ್ , ಸುಧೀರ್ ಬೊಕ್ಕ ಪೀಟರ್ ಉಪಸ್ಥಿತರಿತ್ತೆರ್.