ರಾಮಾಂಜಿಗ್ ಬ್ಯಾಂಕ್ ಆಫ್ ಬರೋಡಾ ಸಾಧಕ ಪ್ರಶಸ್ತಿ…

ರಾಮಾಂಜಿಗೆ ಬ್ಯಾಂಕ್ ಆಫ್ ಬರೋಡಾ ಸಾಧಕ ಪುರಸ್ಕಾರ
ಉಡುಪಿದ ಉದಯೋನ್ಮುಖ ಪ್ರತಿಭೆ, ಕುಂದಾಪುರ ನಮ್ಮ ಭೂಮಿದ ರಾಮಾಂಜಿ ಆರು ಮಂಗಳೂರು ವಿಶ್ವವಿದ್ಯಾನಿಲಯದ ಸ್ನಾತಕೋತ್ತರ ಪದವಿ ಕೋರ್ಸ್ಗ್ ಡ್ ಶಿಕ್ಷಣ, ಕ್ರೀಡೆ ಬೊಕ್ಕ ಸರ್ವಾಂಗೀಣ ಕ್ಷೇತ್ರೊಲೆಡ್ ಮಲ್ದಿನ ವಿಶೇಷ ಸಾಧನೆಗ್ ಬ್ಯಾಂಕ್ ಆಫ್ ಬರೋಡ ಸಾಧಕ ಪುರಸ್ಕಾರ ಕೊರ್ದ್ ಮಾನಾದಿಗೆ ಮಲ್ತೊಂದುಂಡ್.
ರಾಮಾಂಜಿ ಸೇರಿನಂಚ ಕಡೇತ್ತ ಸ್ನಾತಕೋತ್ತರ ಮೂಜಿ ಜನ ವಿದ್ಯಾರ್ಥಿಲು ಈ ಪುರಸ್ಕಾರಗ್ ಆಯ್ಕೆಯಾದಿತ್ತುದ್, ಮಾ. 18 ತಾರೀಕುದಾನಿ ಮಂಗಳೂರು ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸಭಾಂಗಣಡ್ ನಡಪುನ ಕಾರ್ಯಕ್ರಮಡ್ ವಿಶ್ವವಿದ್ಯಾನಿಲಯದ ಕುಲಪತಿ ಪ್ರೊ. ಪಿ.ಎಸ್. ಯಡಪಡಿತ್ತಾಯ ಅರೆನ ಅಧ್ಯಕ್ಷತೆಡ್ ಪುರಸ್ಕಾರ ಪ್ರದಾನ ಮಲ್ಪುವೆರ್.
ರಾಮಾಂಜಿ ಆರು ಮಂಗಳೂರು ವಿವಿ ದ ಎಸ್‌ವಿಪಿ ಕನ್ನಡ ಅಧ್ಯಯನ ಸಂಸ್ಥೆಡ್ 2022-23 ನೇ ಸಾಲುದ ಕನ್ನಡ ಸ್ನಾತಕೋತ್ತರ ಪದವಿ ಪರೀಕ್ಷೆಡ್ ಶೇ.೮೦.೦೩ ಫಲಿತಾಂಶ ಪಡೆದ್ ಸಾಧನೆ ತೋಜಾದೆರ್.
ರಾಮಾಂಜಿ ಅರೆಗ್ ಕಲೆ, ಸಾಹಿತ್ಯ, ಸಂಸ್ಕೃತಿ, ಪರಿಸರ, ಶಿಕ್ಷಣ ಇಂಚ ‌ಬೇತೆ ಬೇತೆ ಕ್ಷೇತ್ರೊಲೆಡ್ ಸಲ್ಲಿಸಾವೊಂದುಪ್ಪುನ ಸೇವೆನ್ ಪರಿಗಣಿಸಾದ್ ಇಂಚಪ್ಪೊಗ್ ಬೆಂಗಳೂರುದ ಸಿದ್ಧಾರೂಢ ಮಿಷನ್ ಸಂಸ್ಥೆದ ವತಿಡ್ದ್ ಕರ್ನಾಟಕ ಕಲಾಭೂಷಣ ' ರಾಷ್ಟ್ರೀಯ ಪ್ರಶಸ್ತಿ ಪ್ರಾಪ್ತ ಆದಿತ್ತುಂಡ್. ರಾಮಾಂಜಿ ಉಡುಪಿದ ಎಂಜಿಎಮ್ ಕಾಲೇಜಿಡ್ ಪದವಿ ಶಿಕ್ಷಣೊನ್ ಪತ್ರಿಕೋದ್ಯಮಡ್ ಪೂರೈಸಾದ್ , ಬೊಕ್ಕ ಮಂಗಳೂರು ವಿಶ್ವವಿದ್ಯಾನಿಲಯದ ಎಸ್‌ವಿಪಿ ಕನ್ನಡ ಅಧ್ಯಯನ ಸಂಸ್ಥೆಡ್ ಸ್ನಾತಕೋತ್ತರ ಪದವಿ ಮಲ್ತುದೆರ್. ರಾಜ್ಯ ಯುವ ಸಂಘಟನೆಲೆನ ಒಕ್ಕೂಟಡ್ದ್ 75ನೇ ಸ್ವಾತಂತ್ರ‍್ಯದ ಅಮೃತ ಮಹೋತ್ಸವದ ಅಂಗವಾದ್ ರಂಗಭೂಮಿ ಕ್ಷೇತ್ರದ ಸಾಧನೆಗಾದ್ ` ರಾಜ್ಯ ಯುವ ಪ್ರಶಸ್ತಿ’ ಸೇರಿನಂಚ ಕೆಲವು ಸಂಘ ಸಂಸ್ಥೆಲು ಮೆರೆನ್ ಗೌರವಿಸಾದುಂಡ್.