ಕೊಡಮಂದಾಯಗ್ ಪೂತ್ತ ದಂಡಿಗೆ..

ವೇಣೂರು ಕೈತಲುದ ಪೆರಿಂಜೆ ಪಡ್ಯಾರಬೆಟ್ಟು ಮೂಲ ಕೊಡಮಂದಾಯ ದೈವಸ್ಥಾನಗ್ , ದೈವೊಲೆಗ್ ಪಾಡಿನ ಪೂತ ಮಾಲೆನ್ ಸಂಗ್ರಹ ಮಲ್ತ್ ದೀಯರೆಗ್ , ಅಪೂರ್ವ ಕೆತ್ತನೆದ " ಪುಷ್ಪ ದಂಡಿಗೆ " ನ್ ಪಡ್ಯಾರಬೆಟ್ಟು ದೈವಸ್ಥಾನದ ವಾರ್ಷಿಕ ಉತ್ಸವದ ಸಂದರ್ಭಡ್ ಇನಿ , ಪಡ್ಯಾರಬೆಟ್ಟು ದೈವಸ್ಥಾನದ ಅನುವಂಶಿಕ ಪ್ರಧಾನ ಅರ್ಚಕೆರಾಯಿನ ಮಾರೂರು ಖಂಡಿಗ ಶ್ರೀ ರಾಮದಾಸ ಅಸ್ರಣ್ಣೆರು ದೈವಸ್ಥಾನಗ್ ಸೇವಾರೂಪವಾದ್ ಸಮರ್ಪಣೆ ಮಲ್ತೆರ್ . ಮೂಡುಬಿದಿರೆ ದೇವಕೀ ಲಕ್ಷ್ಮಿ ಸಾ ಮಿಲ್ ದ ಮಾಲಕೆರಾಯಿನ ಪ್ರೇಮನಾಥ ಮಾರ್ಲರು , ಅರೆನವ್ವೇ ಮಿಲ್ ಡ್ ನಿರ್ಮಾಣ ಮಲ್ತಿನ ಈ ಪುಷ್ಪ ದಂಡಿಗೆ ಸುಂದರವಾಯಿನ ಬೊಕ್ಕ ಅಪೂರ್ವವಾಯಿನ ಕೆತ್ತನೆಡ್ ಕೂಡುದುಂಡ್ .ಎಡ್ಡೆ ಗುಣಮಟ್ಟದ ಮರಟ್ ಮಲ್ದಿನ ಈ ಪುಷ್ಪದಂಡಿಗೆ ಆನೆದ ಕಾರುನ್ ಹೋಲಿಸಾವುನ ನಾಲ್ ಕಾರುಲೆನ್ , ಮಿತ್ತುದ್ ಭಾಗೊಡ್ ನಾಲ್ ಆನೆಲೆನ ಸೊಂಡಿಲು ಇತ್ತುದ್, ಈ ಸೊಂಡಿಲುಡೇ ಪೂತ ಹಾರೊಲೆನ್ ಸಂಗ್ರಹ ಮಲ್ತುದ್ ದೀಪಿನ ರೀತಿಡ್ ನಿರ್ಮಾಣ ಮಲ್ದೆರ್.ಪೂತ ಹಾರೊಲೆನ್ ಸಂಗ್ರಹಿಸಾದ್ ದೀಪಿನ ಈ ಪುಷ್ಪ ದಂಡಿಗೆದ ಕಲ್ಪನೆ ಪ್ರೇಮನಾಥ ಮಾರ್ಲ ಮೆರೆನವ್ವ್. ನಾಲು ಆನೆಲು ತನ್ನ ಸೊಂಡಿಲುಡ್ ಬ್ರಹ್ಮಕಮಲನ್ ತೂಂಕುನ ಕಲ್ಪನೆದ ಕೆತ್ತನೆಲಾ ಈ ದಂಡಿಗೆಡ್ ಪ್ರೇಮನಾಥೆರೆನ ವಿಶೇಷ ಕಲ್ಪನೆಡ್ ಮೂಡ್ದ್ ಬೈದುಂಡ್ . ಪ್ರೇಮನಾಥ ಮಾರ್ಲೆರ್ ಮೂಜಿ ತಿಂಗೊಲ್ದ ಪಿರಾವಿಡ್, ತನ್ನವೇ ಮಿಲ್ ಡ್ ನಿರ್ಮಿಸಾದಿನ ಉಂದುವೇ ರೀತಿದ ಪುಷ್ಪದಂಡಿಗೆನ್ ತೋಡಾರುದ ಕೊಡಮಣಿತ್ತಾಯ ದೈವಸ್ಥಾನಗ್ ಸಮರ್ಪಿಸಾದಿತ್ತುದ್ ದಕ್ಷಿಣ ಕನ್ನಡ ಜಿಲ್ಲೆದ ದೈವಸ್ಥಾನಲೆಡ್ ಪ್ರಥಮವಾದಿತ್ತುಂಡ್ . ಇತ್ತೆ ತನ್ನವೇ ಮಿಲ್ ಡ್ ನಿರ್ಮಿಸಾಯಿನ ರಡ್ಡನೇ ಪುಷ್ಪದಂಡಿಗೆ ಪಡ್ಯಾರಬೆಟ್ಟು ಕೊಡಮಣಿತ್ತಾಯ ದೈವಸ್ಥಾನಗ್ ಸಮರ್ಪಿತವಾತುಂಡ್. ಈ ಪುಷ್ಪ ದಂಡಿಗೆನ್ ಸಮರ್ಪಿಸಾವುನ ಸಂದರ್ಭಡ್ ಸೇವಾಕರ್ತೆರಾಯಿನ ಮಾರೂರು ಖಂಡಿಗ ಶ್ರೀ ರಾಮದಾಸ ಅಸ್ರಣ್ಣ , ಪ್ರಸನ್ನ ಅಸ್ರಣ್ಣ , ಶ್ರೀಶ ಅಸ್ರಣ್ಣ , ಪಡ್ಯಾರಬೆಟ್ಟು ದೈವಸ್ಥಾನದ ಅನುವಂಶೀಯ ಆಡಳಿತದಾರ ಶ್ರೀ ಜೀವಂಧರ ಬಲ್ಲಾಳ್ ಯಾನೆ ಕಂಚಿಪೂವಣಿ , ಉದ್ಯಮಿ ಕಾರಮೊಗರಗುತ್ತು ಪ್ರೇಮನಾಥ ಮಾರ್ಲ , ವಿಕಾಸ್ ಜೈನ್ , ವಿಶ್ವಾಸ್ ಜೈನ್ , ಯಕ್ಷಗಾನ ವಿಮರ್ಶಕ ಎಂ.ಶಾಂತರಾಮ ಕುಡ್ವ , ಪುನೀತ್ ಕುಮಾರ್ ಕಂಬಳಿ ಕಟ್ಟೆಮಾರ್, ಶ್ರೀ ಹಾನ್ಯಗುತ್ತು ಮನೋಜ್ ಶೆಟ್ಟಿ , ಹಾನ್ಯಗುತ್ತು ರಿತೇಶ್ ಶೆಟ್ಟಿ , ಕಾರಮೊಗರಗುತ್ತು ಕಿರಣ್ ಕುಮಾರ್ ಮಾರ್ಲ , ಹಾನ್ಯಗುತ್ತು ಶ್ರೀ ಭುವನ್ ವೈಷ್ಣವ ಮಾರ್ಲ , ಕ್ಷೇತ್ರದ ಮುಕ್ಕಾಲ್ದಿ ಮಂಜದಡೆಗುತ್ತು ಸುನೀಲ್ ಶೆಟ್ಟಿ ಮೊಕುಲು ಮಾತಾ ಉಪಸ್ಥಿತರಿತ್ತೆರು .