ಉಡುಪಿಡ್ “RAHLA – 2022” ರೋಟರಿ ಉನ್ನತ ನಾಯಕತ್ವ ತರಬೇತಿ ಕಾರ್ಯಾಗಾರ
ರೋಟರಿ ಉಡುಪಿ ಬೊಕ್ಕ ರೋಟರಿ ಜಿಲ್ಲೆ 3182 ರ ವಲಯ 4 ರ ಬಾಕಿದ 9 ಕ್ಲಬ್ ಲೆನ ಸಂಯುಕ್ತ ಆಶ್ರಯಡ್ ಒಂಜಿ ದಿನತ್ತ ರೋಟರಿ ಜಿಲ್ಲಾ ಮಟ್ಟದ ‘ರೋಟರಿ ಉನ್ನತ ನಾಯಕತ್ವ ತರಬೇತಿ ಕಾರ್ಯಾಗಾರ’ ಉಂದುವೇ 11ನೇ ಸೆಪ್ಟೆಂಬರ್ 2022 ಗ್ ಉಡುಪಿದ ಪುರಭವನಡ್ ನಡಪರೆಗುಂಡ್.
ಎನೈಟಿಕೆ – ಸುರತ್ಕಲ್ ಮುಲ್ಪದ ವಿಶ್ರಾಂತ ನಿರ್ದೇಶಕ ಪ್ರೊ. ಉದಯಕುಮಾರ್ ಆರ್. ವೈ. ಮೇರ್ ಕಾರ್ಯಕ್ರಮನ್ ಉದಿಪನ ಮಲ್ತುದ್ , “ನಾಯಕತ್ವಡ್ ಸಾಮಾಜಿಕ ಜವಾಬ್ದಾರಿ” ಪನ್ಪಿನ ವಿಷಯದ ಬಗ್ಗೆ ದಿಕ್ಸೂಚಿ ಭಾಷಣ ಪಾತೆರ್ವೆರ್. ಸಮಾರಂಭಡ್ ರೋಟರಿ ಗವರ್ನರ್ ರೊ.ಡಾ. ಜಯಗೌರಿ, ಮಾಜಿ ಗವರ್ನರ್ ಲಾಯಿನ ರೊ. ಅಭಿನಂದನ್ ಎ. ಶೆಟ್ಟಿ, ರೊ. ಡಿ. ಎಸ್. ರವಿ, ರೊ. ಬಿ. ಎನ್. ರಮೇಶ್, ದುಂಬುದ ಸಾಲುದ ಗವರ್ನರ್ ಲಾಯಿನ – ರೊ. ಬಿ.ಸಿ. ಗೀತಾ ಮತ್ತು ರೊ. ದೇವಾನಂದ್, ಸಹಾಯಕ ಗವರ್ನರ್ – ರೊ. ರಾಮಚಂದ್ರ ಉಪಾಧ್ಯಾಯ ಮೊಕುಲು ಪಾಲ್ ಪಡೆಯರೆಗುಲ್ಲೆರ್.
ಬೊಕ್ಕ ನಡಪುನ ಬೇತೆ ಬೇತೆ ಗೋಷ್ಟಿಲೆಡ್ ಜೇಸಿ ಸಂಸ್ಥೆದ ಅಂತರಾಷ್ಟ್ರೀಯ ತರಬೇತುದಾರ – ಜೇಸಿ. ಪ್ತಮೋದ್ ಕುಮಾರ್ ಮೇರು “ಕ್ರಿಯಾಶೀಲ ನಾಯಕತ್ವ” ದ ಬಗ್ಗೆ, ಲಯನ್ ಸಂಸ್ಥೆದ ಮಾಜಿ ಗವರ್ನರ್ – ಶ್ರೀಮತಿ ಕವಿತಾ ಶಾಸ್ತ್ರಿ ಮೇರು “ಸ್ವಯಂಸೇವಾ ಸಂಸ್ಥೆಲೆಡ್ ಮಹಿಳಾ ನಾಯಕತ್ವ” ದ ಬಗ್ಗೆ, “ರೋಟರಿಡ್ ತೋಜಾವುನ ಜೀವನೋತ್ಸಾಹ” ಪನ್ಪಿನ ವಿಷಯದ ಬಗ್ಗೆ ಫ್ರೊ. ಎಮ್. ಬಾಲಕೃಷ್ಣ ಶೆಟ್ಟಿ ಮೇರ್ ವಿಷಯೊಲೆನ್ ಮಂಡನೆ ಮಲ್ಪುವೆರ್.
ಮಧ್ಯಾಹ್ನ , ಕರಾವಳಿ ಕರ್ನಾಟಕದ ಪುಗಾರ್ತೆದ ನಿರೂಪಕಿ – ಶ್ರೀಮತಿ ಸೌಜನ್ಯ ಹೆಗ್ಡೆ ಅರೆನ ನಿರೂಪಣೆಡ್ ನಡಪುನ ಚರ್ಚಾಗೋಷ್ಡಿಡ್ “ರೋಟರಿಡ್ ವೈವಿಧ್ಯತೆ, ಸಮಾನತೆ ಬೊಕ್ಕ ಒಳಗೊಳ್ಳುವಿಕೆ” ಪನ್ಪಿನ ವಿಷಯದ ಬಗ್ಗೆ ರೋಟರಿ ಜಿಲ್ಲಾ ಗವರ್ನರ್ – ರೊ. ಡಾ. ಜಯಗೌರಿ, ರೋಟರಿ ಜಿಲ್ಲಾ ತರಬೇತುದಾರ ಬೊಕ್ಕ ಮಾಜಿ ಜಿಲ್ಲಾ ಗವರ್ನರ್ – ರೊ. ಅಭಿನಂದನ್ ಎ. ಶೆಟ್ಟಿ, ದುಂಬುದ ವರ್ಷದ ರೋಟರಿ ಜಿಲ್ಲಾ ಗವರ್ನರ್ – ರೊ. ಬಿ. ಸಿ. ಗೀತಾ, ಯುನಿಯನ್‌ ಬ್ಯಾಂಕ್ ಆಫ್ ಇಂಡಿಯಾದ ಉಡುಪಿ ವಲಯ ಮುಖ್ಯಸ್ಥ – ರೊ. ಡಾ. ಎಚ್.ಟಿ. ವಾಸಪ್ಪ, ಟೀಚರ್ಸ್ ಕೋಪರೇಟಿವ್ ಬ್ಯಾಂಕ್ ನ ಅಧ್ಯಕ್ಷ – ರೊ. ಅಶೋಕ್ ಕುಮಾರ್ ಶೆಟ್ಟಿ ಬೊಕ್ಕ ರೋಟರಾಕ್ಟ ಜಿಲ್ಲಾ ಪ್ರತಿನಿಧಿ – ರೋಟರಾಕ್ಟರ್ ಮಹಾಲಸ ಕಿಣಿ ಮೊಕುಲು ಪಾಲ್ ಪಡೆಯರೆಗುಲ್ಲೆರ್. ಪಂಡುದ್ ಜಿಲ್ಲಾ ಸಭಾಪತಿ – ರೊ. ಜನಾರ್ದನ್ ಭಟ್ ಬೊಕ್ಕ ಇವೆಂಟ್ ಚೇರ್ಮನ್ – ರೊ. ಹೇಮಂತ್ ಯು. ಕಾಂತ್ ಮೊಕುಲು ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
by 