ಮಾರ್ಣಮಿ ಉಚ್ಚಯದ ಲೆಪ್ಪೋಲೆ ಬುಡುಗಡೆ..

ಶ್ರೀ ದುರ್ಗಾಪರಮೇಶ್ವರಿ ಅಮ್ಮನವರ ದೇವಸ್ಥಾನ ಸನ್ಯಾಸಿಮಠ ಬಡಾನಿಡಿಯೂರು ಮುಲ್ಪದ ಮಾರ್ಣಮಿ ಉಚ್ಚಯದ ಲೆಪ್ಪೋಲೆನ್ ಶುಕ್ರವಾರ ದೇವಸ್ಥಾನಡ್ ಬುಡುಗಡೆ ಮಲ್ತೆರ್.ಈ ಪೊರ್ತುಡ್ ದೇವಸ್ಥಾನದ ಆಡಳಿತ ಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ಉಮೇಶ್ ಪೂಜಾರಿ,ಕಾರ್ಯದರ್ಶಿ ಅಮ್ರತ್ ರಾವ್,ಕೋಶಾಧಿಕಾರಿ ಉದಯ್ ಶೆಟ್ಟಿ, ನಿಕಟ ಪೂರ್ವ ಕಾರ್ಯದರ್ಶಿ ಸಚಿನ್ ಕೋಟ್ಯಾನ್,ಮಾತ್ರಮಂಡಳಿದ ಅಧ್ಯಕ್ಷೆರಾಯಿನ ಸೌಭಾಗ್ಯ ರಾವ್, ದೇವಸ್ಥಾನದ ಹಿರಿಯ ಅರ್ಚಕೆರಾಯಿನ ಪಾಂಡುರಂಗ ರಾವ್,ದೇವಸ್ಥಾನದ ಆಡಳಿತ ಮುಕ್ತೇಸರೆರ್ ಬೊಕ್ಕ ಆಡಳಿತ ಮಂಡಳಿದ ಪದಾಧಿಕಾರಿಲು, ಬೊಕ್ಕ ಊರುದ ಸಮಸ್ತೆರ್ ಉಪಸ್ಥಿತರಿತ್ತೆರ್.

ಸೆ.26 ಡ್ದ್ ಅಕ್ಟೋಬರ್‌ 5 ತಾರೀಕುಮುಟ್ಟ ಮಾರ್ಣಮಿ ಉಚ್ಚಯ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡ್.ಅಕ್ಟೋಬರ್ 3 ತಾರೀಕುಗ್ ಚಂಡಿಕಾಯಾಗ ಬೊಕ್ಕ ಮಹಾಅನ್ನಸಂತರ್ಪಣೆ ನಡಪರೆಗುಂಡ್.