ಸಾಧಕ ಪತ್ರಕರ್ತೆರೆಗ್ ಮಾನಾದಿಗೆ..

75 ವರ್ಷದ ಪತ್ರಿಕೆ ಯುಗಪುರುಷ ಬೊಕ್ಕ ಆರದಿರಲಿ ಬದುಕು ಆರಾಧನಾ ತಂಡ ಒತ್ತುಸೇರಿಗೆಡ್ ಕಿನ್ನಿಗೋಳಿಡ್ ಆಯೋಜನೆ ಮಲ್ದಿನ ಪತ್ರಿಕಾ ದಿನಾಚರಣೆಡ್ ಉಡುಪಿ ಜಿಲ್ಲೆದ ಸಾಧಕ ಪತ್ರಕರ್ತೆರಾಯಿನ ಡಾ.ಶೇಖರ ಅಜೆಕಾರು, ಜಿತೇಂದ್ರ ಕುಂದೇಶ್ವರ,ಕಿರಣ್ ಮಂಜನಬೈಲು, ರೇಡಿಯೊ ಮಣಿಪಾಲದ ಡಾ.ರಶ್ಮಿ ಅಮ್ಮೆಂಬಳ ಸೇರಿನಂಚ 10 ಜನ ಸಾಧಕೆರೆನ್ ಮಾನಾದಿಗೆ ಮಲ್ಪರೆಗುಲ್ಲೆರ್ ಪಂಡುದ್ ಸಂಘಟಕೆರಾಯಿನ ಭುವನಾಭಿರಾಮ ಉಡುಪ ಬೊಕ್ಕ ಪದ್ಮಶ್ರೀ ನಿಡ್ಡೋಡಿ ತೆರಿಪಾದೆರ್.ರಾಜ್ಯಮಟ್ಟದ ಗೌರವನ್ ಪ್ರತಿಭಾನ್ವಿತ ಜೋಕ್ಲೆನ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗ್ ಮಾನಾದಿಗೆದೊಟ್ಟುಗ್ ರಾಜ್ಯ ಮಟ್ಟದ ಗೌರವನ್ ಡಾ.ಹರಿಕೃಷ್ಣ ಪುನರೂರು ಮೇರ್ ಶ್ರೀನಿವಾಸ ಇಂದಾಜೆ, ಸಾಣೂರು ಅರುಣ್ ಶೆಟ್ಟಿಗಾರ್ ಮೊಕ್ಲೆನ ಸಮ್ಮಖಡ್ ಪ್ರದಾನ ಮಲ್ಪರೆಗುಲ್ಲೆರ್. ಆರದಿರಲಿ ಬದುಕು ಆರಾಧನಾ ತಂಡ ಬಾಲ ಪ್ರತಿಭೆಲೆಗ್ ಬೊಕ್ಕ ಅನಾರೋಗ್ಯ ಪೀಡಿತೆರೆಗ್ ಬೊಕ್ಕ ಸಹಕಾರದ ಅಗತ್ಯ ಇತ್ತಿನಕ್ಲೆಗ್ 15 ಲಕ್ಷೊಡ್ದ್ ಲಾ ಜಾಸ್ತಿ ವೆಚ್ಚದ ಸಹಾಯ ಹಸ್ತ ಕೊರ್ತುಂಡ್. ತಂಡ ದ ವಾಯ್ಸ್ ಆಫ್ ಆರಾಧನಾ ಪೇಸ್ ಬುಕ್ ಪೇಜ್ ಡ್ 86000 ಸದಸ್ಯೆರುಲ್ಲೆರ್. ಸಮಾಜ ಸೇವಾಸಕ್ತ ಸಂಸ್ಥೆಲು ಸಮಾಜದ ಮುಖ್ಯವಾಹಿನಿಡ್ ಸೇವೆ ಮಲ್ಪುನಕ್ಲೆಗ್ ಮಾಧ್ಯಮ ಪ್ರತಿನಿಧಿಲೆನ್ ಮಾನಾದಿಗೆ ಮಲ್ಪುನ ಮುಖೇನ ಸಮಾಜದ ಋಣ ಸಂದಾಯ ಮಲ್ಪುನ ಒಂಜಿ ಎಲ್ಯ ಪ್ರಯತ್ನ ಮಲ್ತೊಂದುಂಡ್ ಪಂಡುದ್ ಪ್ರಕಟಣೆಡ್ ತೆರಿಪಾದೆರ್.