ಉಡುಪಿ ಅಂಚೆ ವಿಭಾಗೊಡ್ದ್ ಸ್ವಚ್ಛ ಭಾರತ-ಸ್ವಚ್ಛ ನಡಕೆ

ಜನ ಸಾಮಾನ್ಯರೆಗ್ ಕೈತಲುಡುಪ್ಪುನ ಭಾರತೀಯ ಅಂಚೆ ಇಲಾಖೆ ಜನ ಮಾನಸೊಡ್ ಒರಿಯೊಲೆಕ್ಕ ಜನ ಜಾಗೃತಿ ಕೆಲಸೊನ್ ಮಲ್ತೊಂದುಪ್ಪುನವ್ಚ್ ಶ್ಲಾಘನೀಯ ಪಂಡುದ್ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಪಂಡೆರ್. ಸ್ವಚ್ಚತಾ ಪಾಕ್ಷಿಕದ ಅಂಗವಾದ್ ಭಾರತೀಯ ಅಂಚೆ ಇಲಾಖೆ, ಉಡುಪಿ ಅಂಚೆ ವಿಭಾಗ ಆಯೋಜನೆ ಮಲ್ದಿನ ಸ್ವಚ್ಛ ಭಾರತ- ಸ್ವಚ್ಛತಾ ನಡಕೆ ಕಾರ್ಯಕ್ರಮೊನ್ ಶಾಂತಿಯ ದೂತ ,ಸಂದೇಶ ರವಾನೆದ ಸಂಕೇತ ಪಾರಿವಾಳಲೆನ್ ರಾಪಾದ್ ಬುಡ್ಪಿನ ಮುಖೇನ ಉದೀಪನ ಮಲ್ತುದ್ ಪಾತೆರಿನ ಆರು ಸಂವಹನ ಕ್ಷೇತ್ರೊಡ್ ಮೂಲೊಡ್ದ್ ಪುಗಾರ್ತೆನ್ ಪಡೆದಿನ ಭಾರತೀಯ ಅಂಚೆ ಇಲಾಖೆ ಬೊಕ್ಕ ಅಂಚೆ ಅಣ್ಣನ ಘನತೆ ಇನಿಕುಲಾ ಪ್ರಸ್ತುತ. ಅಂಚಾದ್ ಆಧುನಿಕ ಕಾಲಮಾನೊಗ್ ತಕ್ಕ ಬದಲಾವೊಂದ್ ಪೊಸ ಪೊಸ ಯೋಜನೆಲೆನ್ ರೂಪಿಸಾವೊಂದುಪ್ಪುನ ಅಂಚೆ ಇಲಾಖೆ ಸ್ತುತ್ಯರ್ಹ ಪಂಡುದ್ ಶುಭ ಹಾರೈಸಿಯೆರ್.

ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕರಾಯಿನ ನವೀನ್ ಚಂದರ್ ಸ್ವಾಗತ ಮಲ್ತೆರ್ . ಸಹಾಯಕ ಅಂಚೆ ಅಧೀಕ್ಷಕರಾಯಿನ ಜಯರಾಮ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತುದ್ ಪೂರ್ಣಿಮಾ ಜನಾರ್ದನ್ ಬೊಕ್ಕ ಸವಿತಾ ಶೆಟ್ಟಿಗಾರ್ ನಿರೂಪಣೆ ಮಲ್ತೆರ್ . ಉಡುಪಿ ಪ್ರಧಾನ ಅಂಚೆ ಕಚೇರಿಡ್ದ್ ಕವಿ‌ಮುದ್ದಣ್ಣ ಮಾರ್ಗವಾದ್ ಸ್ವಚ್ಚತಾ ಜಾಥಾ ದುಂಬರಿದ್ ಬೊಕ್ಕ ಉಡುಪಿ ಪ್ರಧಾನ ಅಂಚೆ ಕಚೇರಿಡ್ ಸಮಾಪನೆ ಆಂಡ್. ಉಡುಪಿ ಪ್ರಧಾನ ಅಂಚೆ ಕಚೇರಿ,ಮಣಿಪಾಲ ಅಂಚೆ ಕಚೇರಿ ,ಕುಂದಾಪುರ ಅಂಚೆ ಕಚೇರಿ ,ರೇಲ್ವೇ ಮೇಲ್ ಸರ್ವಿಸ್ , ವಿಭಾಗೀಯ ಅಂಚೆ ಕಚೇರಿ ಬೊಕ್ಕ ಉಡುಪಿ ಅಂಚೆ ವಿಭಾಗದ ಬಾಕಿದ ಅಂಚೆ ಕಚೇರಿದ ಸಿಬ್ಬಂದಿಲು ಈ ಜಾಥಾಡ್ ಪಾಲ್ ಪಡೆಯೆರ್.