ಪರ್ಯಾಯ ಸ್ವಯಂ ಸೇವಕ ಸಮಿತಿದ ಸುರುತ್ತ ಸಭೆ…

ಪರ್ಯಾಯೋತ್ಸವ ಸಮಿತಿ ಕೃಷ್ಣಾಪುರ ಮಠದ ಮಹಿಳಾ ಮಂಡಳಿ ಬೊಕ್ಕ ಸ್ವಯಂ ಸೇವಕ ಸಮಿತಿದ ಸುರುತ್ತ ಸಭೆ ಶ್ರೀ ಕೃಷ್ಣ ಸಭಾ ಭವನಡ್ ನವೆಂಬರ್ 18‌ ತಾರೀಕುದಾನಿ ನಡತುಂಡ್.
ಸಮಿತಿದ ಪರವಾದ್ ಪ್ರ.ಕಾರ್ಯದರ್ಶಿ ವಿಷ್ಣು ಪ್ರಸಾದ್ ಪಾಡಿಗಾರ್ ಪ್ರಾಸ್ತವಿಕವಾದ್ ಪಾತೆರ್ದ್ ಮಾತೆರೆನ್ ಸ್ವಾಗತ ಮಲ್ತೆರ್.. ಉಪಸ್ಥಿತರಿತ್ತಿನ ಶ್ರೀ ರಾಘವೇಂದ್ರ ಕಿಣಿ (ಅಧ್ಯಕ್ಷರು, ನಗರಭಿವೃದ್ಧಿ ಪ್ರಾಧಿಕಾರ)ಸಲಹೆ ಸೂಚನೆ ಕೊರಿಯೆರ್. ಜಿ ವಾಸುದೇವ ಭಟ್ ಪೆರಂಪಳ್ಳಿ (ಸಂಯೋಜಕರು)ಜವಾಬ್ದಾರಿದ ಬಗ್ಗೆ ವಿಸ್ತಾರವಾಗಿ ತೆರಿಪಾಯೆರ್.
ಸಮಿತಿದ ಪ್ರಮುಖರಾಯಿನ ಶ್ರೀ ಶ್ರೀಶ ಆಚಾರ್,ಯು ಕೆ ರಾಘವೇಂದ್ರ ರಾವ್, ಪ್ರದೀಪ್ ರಾವ್ ಮಟ್ಟು, ರಾಜಗೋಪಾಲ್ ಕೆಮ್ಮಣ್ಣು, ರವಿಪ್ರಸಾದ್ (ಕೋಶಾಧಿಕಾರಿ )ರಾಘವೇಂದ್ರ ಕನ್ನರ್ಪಡಿ, ಅತ್ತಾವಂದೆ ಮಹಿಳಾ ವಿಭಾಗದ ಸಂಚಾಲಕೆರಾಯಿನ ಶ್ರೀಮತಿ ಪದ್ಮಕೆ ಆರ್,ಶ್ರೀಮತಿ ಅಮೃತ ಕೃಷ್ಣಮೂರ್ತಿ, ಶ್ರೀಮತಿ ರಜನಿ ಹೆಬ್ಬಾರ್, ಶ್ರೀಮತಿ ನಳಿನಿ ಪ್ರದೀಪ್, ಸುಮಿತ್ರಾ ಕೆರೆಮಠ್, ಶ್ರೀಮತಿ ಗೀತಾ ಶೇಟ್ ವೊಳಕಾಡ್ ಬೊಕ್ಕ ಬಾಕಿದ ಮಹಿಳಾ ಪ್ರತಿನಿಧಿಲು ಉಪಸ್ಥಿತರಿತ್ತೆರ್.

ಸಂಘ ಸಂಸ್ಥೆಲಾಯಿನ ಕೃಷ್ಣಾಪುರ ಮೂಲಮಠ ಭಕ್ತವ್ರ0ದ, ಗಣೇಶೋತ್ಸವ ಸಮಿತಿ ಕಡಿಯಾಳಿ, ಬೈಲ್ಕೆರೆ ಫ್ರೆಂಡ್ಸ್, ಮಾತೃ ಮಂಡಳಿ, ರಿಕ್ಷಾ ಚಾಲಕ ಮಾಲಕ ಸಂಘ ರಥಬೀದಿ, ಯುವ ವಾಹಿನಿ, ಉಡುಪಿ ಜಿಲ್ಲಾ ಯುವ ಬ್ರಾಹ್ಮಣ ಪರಿಷತ್(ರಿ ), ಇಂದಿರಾ ಶಿವರಾವ್ ಪೊಲಿಟೆಕ್ನಿಕ್, ಪೂರ್ಣ ಪ್ರಜ್ಞಾ ಕಾಲೇಜು, ಮುಲ್ಪದ ಪ್ರಮುಖ ಪದಾಧಿಕಾರಿಲು ಉಪಸ್ಥಿತರಿತ್ತುದ್ ನಡತಿನ ಸಭೆಟ್ ಜವಾಬ್ದಾರಿ ಕೊರ್ಪಿನ ಬಗ್ಗೆ ದುಂಬುದ ಸಭೆ ಡಿಸೆಂಬರ್ 10 ದಾನಿ ಮಲ್ಪುನ ಬಗ್ಗೆ ತೀರ್ಮಾನ ಮಲ್ತೆರ್.
ಈ ಪೊರ್ತುಡ್ ಸ್ಥಳೀಯ ಸಂಘ ಸಂಸ್ಥೆಲೆನ್ ಒಟ್ಡು ಮಲ್ತೊಂದ್ ವ್ಯವಸ್ಥಿತರೂಪೊಡ್ ನಡಪಾವುನ ಬಗ್ಗೆ ಚಿಂತನೆ ನಡತುಂಡ್.
ಜೊತೆ ಕಾರ್ಯದರ್ಶಿ ಪ್ರವೀಣ್ ಉಪಾಧ್ಯ ಧನ್ಯವಾದ ಕೊರಿಯೆರ್.