ಬಂಗದಕ್ಲೆಗ್ ಸಕಾಯ ಮಲ್ತುಂಡ ದೇವೆರೆಗ್ ಮೆಚ್ಚುಗೆ ಆಪುಂಡುಗೆ. ಈ ನಿಟ್ಟುಡ್ ಉಡುಪಿ ಮಲಬಾರ್ ಗೋಲ್ಡ್ & ಡೈಮಂಡ್ಸ್ದಕುಲು ಮಲ್ಪುನ ಸಮಾಜಸೇವೆಡ್ ಮಸ್ತ್ ಬಡಜನಕ್ಲೆಗ್ ಸಹಕಾರಿ ಆತುಂಡ್. ಮೊಕಲ್ನ ನಿರಂತರ ಸೇವೆಗ್ ದೇವೆರ್ನ ಅನುಗ್ರಹ ಉಪ್ಪಡ್ ಪಂಡುದ್ ಒಡಿಯೂರು ಶ್ರೀ ಷಷ್ಠ್ಯಬ್ದ ಸಂಭ್ರಮ ಸಮಿತಿದ ಕಾರ್ಯದರ್ಶಿ ಚಂದ್ರಿಕಾ ಜಯಪ್ರಕಾಶ್ ಪಂಡೆರ್.
ಆರ್ ಬಡಾನಿಡಿಯೂರು ಪಾವಂಜಿಗುಡ್ಡೆ ಸರ್ವದ ಯುವ ಸಂಘಡ್ ದೇಶದ ಸ್ವಾತಂತ್ರ್ಯೋತ್ಸವದ ಅಮ್ರತ ಮಹೋತ್ಸವದ ಅಂಗವಾದ್ ಅಗಸ್ಟ್ 15 ತಾರೀಕುದಾನಿ ನಡತಿನ ಒಡಿಯೂರು ಶ್ರೀಕ್ಲೆನ ಷಷ್ಠ್ಯಬ್ದ ಸಮಿತಿ,ಮಲಬಾರ್ ಗೋಲ್ಡ್ ಡೈಮಂಡ್ಸ್ ಉಡುಪಿ ಬೊಕ್ಕ ಸರ್ವದ ಯುವ ಸಂಘದ ವತಿಡ್ದ್ ನಡತಿನ ಬಡಜನಕ್ಲೆಗ್ ಔಷಧೀಯ ಕಾರ್ಡ್ ವಿತರಣೆ ಕಾರ್ಯಕ್ರಮೊಡ್ ಪಾತೆರಿಯೆರ್. ಕಜ್ಜೊನ್ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಉಡುಪಿ ಶಾಖೆದ ಮುಖ್ಯಸ್ಥೆರಾಯಿನ ಶ್ರೀ ಹಫೀಜ್ ರೆಹಮಾನ್ ಮೇರ್ ಬೊಲ್ಪು ಅರ್ಲಾದ್ ಉದಿಪನ ಮಲ್ತೆರ್. ಸರ್ವದ ಯುವ ಸಂಘದ ಅಧ್ಯಕ್ಷೆ ಜಗನ್ನಾಥ ಸಾಲಿಯಾನ್, ಗೌರವಾಧ್ಯಕ್ಷೆ ಸದಾನಂದ ಗಾಣಿಗ, ಉಪಾಧ್ಯಕ್ಷೆ ಆಶಾ ದಾಮೋದರ್, ಮಲಬಾರ್ ಗೋಲ್ಡ್ & ಡೈಮಂಡ್ಸ್ ದ ಸ್ಟೋರ್ ಮೆನೇಜರ್ ರಾಘವೇಂದ್ರ ನಾಯಕ್, ಚಾರಿಟಿ ಉಸ್ತುವಾರಿ ತಂಝೀಮ್ ಶಿರ್ವ ಉಪಸ್ಥಿತರಿತ್ತೆರ್.
ಈ ಪೊರ್ತುಡು ಕ್ಯಾನ್ಸರ್ ರೋಗಿ ಸುನೀತಾ ಕೋಟ್ಯಾನ್ ಮೆರೆಗ್ ಸರ್ವದ ಸಂಘದ ವತಿಡ್ದ್ ಪಣವುದ ಸಾಕಾರ ಮಲ್ತೆರ್. ಮಲಬಾರ್ ಗೋಲ್ಡ್ & ಡೈಮಂಡ್ಸ್ ದಕುಲು ಮಲ್ತಿನ ಸೇವಾ ಕಾರ್ಯೋನು ಮೆಚ್ಚಿದ್ ಒಡಿಯೂರು ಷಷ್ಠ್ಯಬ್ದ ಸಂಭ್ರಮ ಉಡುಪಿ ಸಮಿತಿದ ವತಿಡ್ದ್ ಮಲಬಾರ್ ಉಡುಪಿದ ಮುಖ್ಯಸ್ಥೆ ಹಫೀಜ್ ರೆಹಮಾನ್ ಮೆರೆಗ್ ಅಭಿನಂದನಾ ಪತ್ರ ಕೊರ್ದು ಅಭಿನಂದನೆ ಮಲ್ತೆರ್.
by 