ಶ್ರೀ ನಾಗ-ಸಪರಿವಾರ ಶ್ರೀ ಬಗ್ಗುಪಂಜುರ್ಲಿ ದೈವಸ್ಥಾನ ,ಬಗ್ಗುಮುಂಡ ಕಲ್ಮಾಡಿ ಮುಲ್ಸದ 11 ನೇ ವರ್ಷದ ಪುನರ್ ಪ್ರತಿ಼ಷ್ಠಾ ವರ್ಧಂತಿ ಬೊಕ್ಕ ಬಗ್ಗು ಪಂಜುರ್ಲಿ ಬೊಕ್ಕ ಪರಿವಾರ ದೈವೊಲೆನ ನೇಮ,ಧಾರ್ಮಿಕ ಸಭಾ ಕಾರ್ಯಕ್ರಮ, ಸಾಂಸ್ಕೃತಿಕ ಕಾರ್ಯಕ್ರಮ ಉಂದುವೇ ಬರ್ಪಿನ ಮಾ.24ಡ್ದ್ 27 ಮುಟ್ಟ ನಡಪರೆಗುಂಡ್.
24 ತಾರೀಕುದಾನಿ ಗುರುವಾರ ದೈವಸ್ಥಾನಡುಪ್ಪುನ ನಾಗದೇವೆರೆನ ಸನ್ನಿಧಿಡ್ ಸಾಮೂಹಿಕ ಆಶ್ಲೇಷ ಬಲಿ ಅನ್ನಸಂತರ್ಪಣೆ ನಡಪರೆಗುಂಡ್.
25 ತಾರೀಕುದಾನಿ ಶುಕ್ರವಾರ ಬೈಯಗ್ 5 ಗಂಟೆಗ್ ದೈವದ ಬಾಳ್ ಭಂಡಾರ ಜತ್ತುದ್ 6 ಗಂಟೆಗ್ ಅನ್ನಸಂತರ್ಪಣೆ ನಡಪರೆಗುಂಡ್.ರಾತ್ರೆಗ್ 9 ಗಂಟೆಗ್ ಬಗ್ಗುಪಂಜುರ್ಲಿ ನೇಮ ನಡಪರೆಗುಂಡ್.
27 ತಾರೀಕುದಾನಿ ಬೈಯಗ್ 7 ಗಂಟೆಗ್ ಧಾರ್ಮಿಕ ಸಭಾಕಾರ್ಯಕ್ರಮ ನಡಪರೆಗುಂಡ್.ಉಡುಪಿ ಶಾಸಕೆರಾಯಿನ ಶ್ರೀ. ಕೆ.ರಘುಪತಿ ಭಟ್ ಕಜ್ಜೊದ ಗುರ್ಕಾರ್ಮೆಡಿಪ್ಪುವೆರ್. ನಗರಸಭಾ ಸದಸ್ಯೆರಾಯಿನ ಸುಂದರ್ ಜೆ.ಕಲ್ಮಾಡಿ,ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆರಾಯಿನ ಶ್ಯಾಮಲಾ ಕುಂದರ್,ಶ್ರೀ ಕ್ರಷ್ಣಮೂರ್ತಿ ಆಚಾರ್ಯ,ಮಲ್ಪೆ ಮೀನುಗಾರ ಸಂಘದ ಗುರ್ಕಾರೆರಾಯಿನ ದಯಾನಂದ ಸುವರ್ಣ,ಆಳಸಮುದ್ರ ಮೀನುಗಾರ ಸಂಘದ ಗುರ್ಕಾರೆರಾಯಿನ ಸುಭಾಸ್ ಮೆಂಡನ್,ದಯಾಲಕ್ಷ್ಮೀ ಐಸ್ ಪ್ಲಾಂಟ್ ದ ಮಾಲಕೆರಾಯಿನ ದಯಾನಂದ ಕುಂದರ್,ಮತ್ಸೋದ್ಯಮಿ ರವಿ ಕರ್ಕೇರ,ಮಿಥುನ್ ಕುಂದರ್,ಉಪಸ್ಥಿತರಿಪ್ಪುವೆರ್.
ಕಜ್ಜೊಡ್ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಗೋಪಾಲ್ ಸಿ.ಬಂಗೇರ ಮೆರೆಗ್ ಮಾನಾದಿಗೆ ನಡಪರೆಗುಂಡ್.ಸಭಾಕಾರ್ಯಕ್ರಮ ಆಯಿಬೊಕ್ಕ ಕೈತಲ್ ದ ಜೋಕ್ಲೆಡ “ನ್ರತ್ಯ ಸಿಂಚನ” ನಡಪರೆಗುಂಡ್.ಆನಿ ರಾತ್ರೆ 8.30 ಗಂಟೆಡ್ದ್ ಸಮಾಜರತ್ನ ಶ್ರೀ ಲೀಲಾಧರ ಶೆಟ್ಟಿ ಸಾರಥ್ಯದ ಕಾಪು ರಂಗ ತರಂಗ ಕಲಾವಿದೆರೆಡ್ದ್ ತುಳುಹಾಸ್ಯಮಯ ಸಾಂಸಾರಿಕ ನಾಟಕ “ಅಧ್ಯಕ್ಷೆರ್” ನಡಪರೆಗುಂಡ್.
by 