ಪತ್ರಿಕಾಭವನ: ಕುಡ್ಲದ ಶ್ರೀ ಶಿರಿಡಿ ಸಾಯಿಬಾಬ ಮಂದಿರ ಆಶ್ರಿತ ಸಾಯಿಶಕ್ತಿ ಕಲಾ ಬಳಗದ ‘ಬೊಳ್ಳಿಮಲೆತ ಶಿವಶಕ್ತಿಲು’ ತುಳು ಪೌರಾಣಿಕ ನಾಟಕದ 55ನೇ ಪ್ರದರ್ಶನ ‘ಸ್ವರ್ಣ ಸಂಭ್ರಮ’ ಮಾ. 29 ತಾರಿಕ್ ಗ್ ಬಯ್ಯಗ್ 6 ಗಂಟೆರ್ದ್ ಕೊಡಿಯಾಲಬೈಲ್‌ದ ಕುದ್ರೋಳಿ ಶ್ರೀ ಭಗವತಿ ಕ್ಷೇತ್ರಡ್ ನಡಪರೆ ಉಂಡು ಪಂದ್ ಕದ್ರಿ ನವನೀತ ಶೆಟ್ರ್ ಪಂಡೆರ್ .
ಸೋಮಾರ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್ , ಲೇಸ್ ನ್ ವಿಧಾನಸಭೆದ ಸಭಾಧ್ಯಕ್ಷೆರಾಯಿನ ಯು.ಟಿ. ಖಾದರ್ ಉದಿಪನ ಮಲ್ಪರೆ ಉಲ್ಲೆರ್ , ಭಗವತಿ ಕ್ಷೇತ್ರದ ಮುಖ್ಯಸ್ಥರಾಯಿನ ವಾಮನ ಇಡ್ಯಾ, ಗಣೇಶ್ ಕುಂಟಲ್ಪಾಡಿ, ಚಂದ್ರಹಾಸ್
ಉಳ್ಳಾಲ, ಕೃಷ್ಣ ಉಚ್ಚಿಲ, ವಿಶ್ವನಾಥ ಕುದ್ರು, ರಂಗಭೂಮಿ ಕಲಾವಿದೆರಾಯಿನ ಡಾ। ದೇವದಾಸ್ ಕಾಪಿಕಾಡ್, ವಿಜಯ ಕುಮಾರ್ ಕೊಡಿಯಾಲಬೈಲ್ ಬೊಕ್ಕ ಕಿಶೋರ್ ಡಿ. ಶೆಟ್ರ್ ಬಿನ್ನೆರ್ ಆದ್ ಪಾಲ್ ಪಡೆಯೆರೆ ಉಲ್ಲೆರ್. ಕುದ್ರೋಳಿ ಶ್ರೀ ಭಗವತೀ ಯುವಜನ ಮಹಿಳಾ ಸೇವಾ ಸಮಿತಿದ ಒಟ್ಟು ಸೇರಿಗೆಡ್ ‘ಬೊಳ್ಳಿಮಲೆತ ಶಿವಶಕ್ತಿಲು’ ನಾಟಕ ಪ್ರದರ್ಶನ ಆಯರೇ ಉಂಡು ಪಂದ್ ಪಂಡೆರ್ . ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರ ಬೊಕ್ಕ ಇತರ ಭಗವತೀ ಕ್ಷೇತ್ರದ ಆರಾಧಕೆರೆರ್ದ್ ಮಾಹಿತಿ ಒಟ್ಟು ಮಲ್ತ್ ನಾಟಕ ಪರಿಷ್ಕರಣೇ ಮಲ್ದೆರ್ . 2 ಗಂಟೆ 20 ನಿಮಿಷದ ಈ ನಾಟಕ ಚೀರುಂಭ ಭಗವತೀ, ಭದ್ರಕಾಳಿ, ಗುಳಿಗ,ದಂಡರಾಜ, ಮಲೆಯ ಚಾಮುಂಡಿ,ಗಂಟಾಕರ್ಣ ಇಂಚಿನ ಶಿವಶಕ್ತಿಲೆನ ಮಹಿಮೆದ ಕಥೆ ಆದ್ ಉಂಡು. ಇತ್ತೇ ಉಡುಪಿ,ಕುಡ್ಲ,ಕಾಸರಗೋಡು ಜಿಲ್ಲೆಡ್ ಯಶಸ್ವಿ ಪ್ರದರ್ಶನಲಾ ತೂತಿನ ನಾಟಕ ಆದ್ ಉಂಡು. . ವಿಶಿಷ್ಟ ಶೈಲಿದ ರಂಗವಿನ್ಯಾಸ, ಧ್ವನಿ ಬೊಲ್ಪು , ವೇಷಭೂಷಣ, ಪ್ರತಿಭಾನ್ವಿತ ಕಲಾವಿದೆರೆನ ಕೂಟ ಈ ನಾಟಕದ ಯಶಸ್ಗ್ ಕಾರಣ ಆತುಂಡು ಪಂದ್ ಪಂಡೆರ್.
ಶ್ರೀ ಶಿರಡಿ ಸಾಯಿ ಬಾಬಾ ಮಂದಿರದ ಆಡಳಿತ ಮೊಕ್ತೆಸೆರೆರಾಯಿನ ವಿಶ್ವಾಸ್ ಕುಮಾರ್ ದಾಸ್, ಸಾಯಿಶಕ್ತಿ ಕಲಾ ಬಳಗದ ಸಂಚಾಲಕಿ ಲಾವಣ್ಯ ವಿಶ್ವಾಸ್ ಕುಮಾರ್ ದಾಸ್, ಗೌರವ್ ಶೆಟ್ಟಿಗಾರ್ ಮಠದಕಣಿ, ತೇಜಸ್ ಶೆಟ್ಟಿ ಮಡಕಣ ಗುತ್ತು ಪಾಲ್ ಪಡೆದಿತ್ತೆರ್ .
by 