ಶಿವಳ್ಳಿ ತುಳು

ಸುಶೀಲಾ ಆರ್.ರಾವ್,. ಶಿವಳ್ಳಿ ತುಳು ಕವನ‌.
ಎಳ್ಪತೈನೆತೊ ಪೊಣ್ಜೋವು
……..
ಭಕ್ತಿ ಸಮುದ್ರಂತೊ‌‌‌ ದಡೊಂಟು
ಉಂತುದಾ ನಮ ಮಂತ
ಅಮ್ಮ ಇನ್ ಕುಳ್ ನ್ ಇತ್ತೆ
ಆಂಡಲಾ ಮನ ಮುಟ್ಟುತು
ಪೊಗಳುನಾ‌ ಕೆಲಸ ಪತೊಂತು..
ಕಣ್ಣ್ ಗ್ ಸೋಜಿದ್ಯಂಡಲಾ
ಒಳೆಯೇ ಉಳ್ಳರ್ ಅಮ್ಮ
ಎಪಳ್ಲ ಇನ್ ಕುಳೇ ಮನಸ್ ನಿಲಿಕ್ಕೆ
ಪಳೆಬೇರ್ ಪೊಸಚಿಗುರು
ಎರಡೆನ್ಲಾ ತುಂಬೊಂತು
ಪೊರ್ಲು ಗಟ್ಟಿ ಮರಂತಲಕ್ಕ‌‌ ಇನ್ಕುಳು…
ಶಾಂತಿ ಬಾರೀ ಇಷ್ಟ
ಬೇತೆ ಜಾಲಾಬೋತ್ರಿ
ಲಡಾಯಿ ಬಡಾಯಿ ದೂರ ದೂರ,ಶಿರಂಟುಂಡು ಪಳತ್ತು
ಸಂಸ್ಕೃತಿ ಕಿರೀಟ..ಸಹಜ
ಪೂರಾ ಜಾಲ‌ ಇದ್ದಿ
ಮಂತ್ರ ಮಾಟ..
ಭಾಷೆ ನೂದು ಉಳ್ಳ
ತುಳು ಕನ್ನಡ ಕೊಂಕಣಿ ಕೊಡವಾದಿ..ಓಳು ಸೂಂಡಲ
ದೋಸ್ತಿ ಪ್ರೀತಿ ಮಾತ್ರ
ಕ್ರಷಿ‌ ವಹಿವಾಟು ಒಂಜೆಟ್ಲಾ
ಪಿರ ಇದ್ದಿ ರಫ್ತು ಆಮದು
ಪೂರಾ ಸಮ ಸಮನೆ ಉಂಡು…
ಪುಷ್ಪಂತ ಒಟ್ಟಿಗೆ ‌ನಾರ್ ಲಾ
ದೇವೆರ್ ಗ್ ಅರ್ಪಣೆ
ಅಂಚನೇ ಸನ್ನಿ ಧಿಗ್ ಇತ್ತೆ
ಕೈ ಕೈ ಜೋಡುವಾ
ಎಳ್ಪತೈನೆತೊ ಪೊರ್ಲು
ಪೊಣ್ಜೋವೇ ಅಮ್ರತ ಭಾರತಿ..
(ದ.ಕ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಪುತ್ತೂರು ತಾಲೂಕು ಘಟಕದಿಂದ 27.12.2023ರಂದು, ಪುತ್ತೂರಿನಲ್ಲಿ ನಡೆದ ಭಾರತೀಯ ಬಹುಭಾಷಾ ಕವಿಗೋಷ್ಠಿ ಯಲ್ಲಿ ಪ್ರಸ್ತುತ ಪಡಿಸಿದ ಶಿವಳ್ಳಿ ತುಳು ಕವನ)

.