ತುಳುನಾಡ್ದ ಕೇಂದ್ರ ವಾದಿತ್ತಿನ ಬಾರಕೂರುದ ಭಾಗೊಡ್ ಒರಿ ಜವ್ವನೆ ತುಳುನಾಡುಡ್ದ್ ಜಮ್ಮುಕಾಶ್ಮೀರ ಮುಟ್ಟ ನಡತೊಂದ್ ಪೋದ್ ಅಲ್ಪ ನಮ್ಮ ತುಳುನಾಡ್ದ ಪೆರ್ಮೆದ ಪಿಲಿವೇಷನ್ ಪಾಡ್ದ್, ತುಳುಬಾವುಟನ್ ಅಲ್ಪ ರಾಪಾದ್ ಒವ್ವೇ ಒಂಜಿ ಆರ್ಥಿಕ ಉದ್ದೇಶ ಉಪ್ಪಂದೆ ನಮ್ಮ ತುಳುನಾಡುಗೇ ಪುದರ್ ಕನದಿನ ಹರ್ಷೇಂದ್ರ ಮೇರ್ ನಮ್ಮ ತುಳುನಾಡುಗೇ ಒಂಜಿ ಪೆರ್ಮೆ ಪಂಡುದ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ| ಆಕಾಶ್ ರಾಜ್ ಜೈನ್ ಪಂಡೆರ್.ತುಳುನಾಡುಡ್ದ್ ಕಾಶ್ಮೀರ ಮುಟ್ಟ ನಡತೊಂದ್ ಪೋದ್ ಅಲ್ಪ ತುಳುಬಾವುಟ ರಾಪಾದ್ ಪಿಲಿವೇಷ ಪಾಡ್ದಿನ ಬ್ರಹ್ಮಾವರ ಚೇರ್ಕಾಡಿದ ಹರ್ಷೇಂದ್ರ ಮೆರೆಗ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ.)ಸಂಘಟನೆದ ವತಿಡ್ದ್ ಅರೆನ ಇಲ್ಲಗೇ ಪೋದು ಮಾನಾದಿಗೆ ಮಲ್ತಿನ ಆರು ಪಾತೆರಿಯೆರ್.
ಈ ಪೊರ್ತುಡ್ ಜೈ ತುಳುನಾಡ್ (ರಿ.) ಸಂಘಟನೆ ಒಡಿಪು ಎಗ್ಗೆದ ಸಂಚಾಲಕೆರಾಯಿನ ರಾಜೇಶ್ ತುಳುವೆ, ತುಳು ಲಿಪಿ ಕಲ್ಪಾದಿಲಾಯಿನ ಅಕ್ಷತಾ ಕುಲಾಲ್ ,ಶ್ರೀದೇವಿ,ಸುರೇಶ್ ನಾಯ್ಕ್,ಪ್ರವೀಣ್ ಕುಮಾರ್,ಆಶಾಲತಾ,ಹರಿಪ್ರಸಾದ್,ಶ್ರೀನಿವಾಸ್ ಉಪಸ್ಥಿತರಿತ್ತೆರ್.
by 