ತುಳುವ ಮಹಾಸಭೆ.

ತುಳುವರ್ಲ್ಡ್ ಫೌಂಡೇಶನ್
ಮಂಗಳೂರು

ತುಳುವ ಮಹಾಸಭೆ

ಎಸ್. ಯು. ಪಣಿಯಾಡಿ ಮೆರೆನ ಉತ್ಸಾಹ ಕನತೊಟ್ಟುಗ್ 1928ನೇ ಸೆಪ್ಟೆಂಬರ್ 23ನೇ ತಾರೀಕುದಾನಿ ಉಡುಪಿಡ್ ತುಳುವ ಮಹಾಸಭೆ ಸ್ಥಾಪನೆ ಆಂಡ್. ತುಳುವ ಮಹಾಸಭೆತ್ಥ ಸುರುತ ವರ್ಷದ ಕಾರ್ಯಕಾರಿ ಸಮಿತಿ ಇಂಚ ಇತ್ತುಂಡ್- ಅಂಜಾರು ರಾಮಣ್ಣ ಹೆಗ್ಗಡೆ (ಅಧ್ಯಕ್ಷ), ಎಸ್. ಯು. ಪಣಿಯಾಡಿ (ಕಾರ್ಯದರ್ಶಿ), ಸದಸ್ಯೆರು – ಡಾ. ಯು. ರಾಮಚಂದ್ರ ರಾವ್, ಹಿರಿಯಡ್ಕ ನಾರಾಯಣ ರಾವ್, ಯು. ವೆಂಕಪ್ಪಯ್ಯ. ಮೊಕುಲು… 1984ಮುಟ್ಟ ಪೊಳಲಿ ಸೀನಪ್ಪ ಹೆಗ್ಡೆ ಬೊಕ್ಕ ಬಡಕ ಬಯಲು ಪರಮೇಶ್ವರಯ್ಯ ಮೊಕುಲು ನಡಪಾವೊಂದ್ ಬತ್ತಿತ್ತೆರು.

ನನ ನಾಲ್ ವರ್ಷಡ್ ಐತಿಹಾಸಿಕ ಈ ತುಳು ಚಳುವಳಿಗ್ ನೂದು ವರ್ಷ ಸಂದುಂಡ್. ಅರೆನ ಹೋರಾಟದ ಕಿಚ್ಚು ತುಳುವರೆಡ ಸ್ವಾಭಿಮಾನ ಪುಟ್ಟಿದ್ ಇನಿಮುಟ ತುಳುನ್ ಒರಿಪಾದ್ ಬೈದುಂಡ್. ಆಂಡ ತುಳುವ ಮಹಸಭೆತ್ತ ಒವ್ವೇ ಬೇಡಿಕೆಲು ಇದಮುಟ ಪೂರ್ತಿಯಾತುಜೀ ಪನ್ಪಿನವ್ವೇ ಖೇದಕರ.

ತುಳುವ ಮಹಾಸಭೆತ್ತ 96ನೇ ವರ್ಷದ ಈ ಸಂದರ್ಭಡ್ ಹಿರಿಯೆರೆನ ಯೋಚನೆ ಯೋಜನೆಲೆನ್ ಕುಡೊರ ಸ್ಥಾಪನೆ ಮಲ್ಪೊಡ್ ಪನ್ಪಿನ ಉದ್ದೇಶಡಾದ್ ತುಳುವರ್ಲ್ಡ್ ಫೌಂಡೇಶನ್ ಕಾರ್ಯ ಯೋಜನೆಲೆನ್ ರೂಪಿಸಾದುಂಡ್.

ತುಳುವ ಮಹಾಸಭೆತ್ತ ಪ್ರಕಾರ ತುಳುವೆರ್ ಪಂಡ

ತುಳು ಅಪ್ಪೆ ಭಾಷೆ ಪಾತೆರುನಕುಲು
ತುಳು ಭಾಷೆ ತೆರಿದಿನಕುಲು
ತುಳುನಾಡುಡ್ ವಾಸ ಮಲ್ಪುನಕುಲು
ಈ ದಿಟ್ಟಿಡ್ ತುಳುನಾಡೊರ್ಮೆ ಅಲ್ಪಲ್ಪ “ತುಳುವ ಮಹಾಸಭೆ” ಪರಸ್ಪರ ಸಹಾಯ ನಾಟ್(ನಾಡು)ಕೂಟೊಲೆನ್ ತಾಪನೆ ಮಲ್ಪುಂಡ್.

ಉದ್ದೇಶ ಲಕ್ಷ್ಯೊಲು:

ತುಳುನಾಡಿನಲ್ಲಿ ಜಾತಿ ಮತ ಭಾಷಾ ಸೌಹಾರ್ದತೆಲೆನ್ ಮೂಡಿಸಾವುನು.
ತುಳುನಾಡುದ ಬೊಕ್ಕ ತುಳುಜನಕ್ಲೆನ ಆರ್ಥಿಕ ಬೊಕ್ಕ ಬದುಕುಗ್ ಅಭಿವೃದ್ಧಿಗ್ ಪೂರಕವಾಯಿನ ಯೋಚನೆಲೆನ್ ರೂಪಿಸಾವುನ ಬೊಕ್ಕ ಕಾರ್ಯಕ್ರಮಲೆನ್ ಆಯೋಜನೆ ಮಲ್ಪುನು.
ಯುವಕರೆಡ ಸ್ವಾವಲಂಬನೆ ಬೊಕ್ಕ ಉದ್ಯೋಗ ಶೀಲತೆನ್ ಪ್ರೇರೇಪಣೆ ಮಲ್ಪುನು.
ತುಳುನಾಡುದ ಕೃಷಿ ಪದ್ಧತಿ, ತುಳುವ ತಳಿತ್ತ ಮರುಬಳಕೆ ಬೊಕ್ಕ ಕುಲ ಕಸುಬುಲೆನ್ ಪ್ರೋತ್ಸಾಹ ಮಲ್ಪುನು.
ತುಳುಪದ (ಜನಪದ) ಒರಿಪಾವುನು ಬೊಕ್ಕ ಬುಲೆಪಾವುನು ತುಳು ನಾಡುದ ವಾದ್ಯೋಪಕರಣಗಳ ಮರುಬಳಕೆ.
ಜಗತ್ತುದ ಅತ್ಯಂತ ಪ್ರಾಚೀನ ಯುದ್ಧ ತಲೆ “ತುಳುನಾಡು ಕಳರಿ” ಬೊಕ್ಕ ಮರ್ಮ ಚಿಕಿತ್ಸೆದ ಪುನಶ್ಚೇತನಗ್ ಪ್ರಯತ್ನ..
ಪ್ರಾದೇಶಿಕ ಅಭಿವೃದ್ಧಿ, ವೈಯುಕ್ತಿಕ ಬೆಳವಣಿಗೆ, ಸಂಸ್ಕೃತಿ, ಕ್ರೀಡೆ ಬೊಕ್ಕ ಸಂಸ್ಕೃತಿದ ಒಟ್ಟುಗ್ ಆಧುನಿಕತೆಗ್ ಬದಲಾಪಿನ ತರಬೇತಿಲೆನ್ ಕೊರ್ಪಿನಿ.
ತುಳುನಾಡುದ ಆರಾಧನಾ ಕೇಂದ್ರಲೆಡ್ ಬಳಸುನ ಸಮಿತ್ತುಲೆನ್ ಸ್ಥಳೀಯವಾದ್ ಬುಲೆಪಾವರೆಗ್ ಬೊಕ್ಕ ತಯಾರ್ ಮಲ್ಪರೆಗ್ ಬೊಕ್ಕ ಉಪಯೋಗ ಮಲ್ಪರೆಗ್ ಪ್ರೋತ್ಸಾಹ ಮಲ್ಪುನ್ ಬೊಕ್ಕ ಈ ಮೂಲಕ ಆರ್ಥಿಕ ಸಬಲೀಕರಣಗ್ ಪ್ರೇರಣೆ ಕೊರ್ಪಿನಿ.
ಶಾಲಾ ಕಾಲೇಜುಲೆಡ್ ಜೋಕ್ಲೆಗ್ ತುಳುನಾಡು ಸಂಸ್ಕೃತಿ ಬಗ್ಗೆ ಅರಿವು ಪುಟ್ಟಾವುನ್ ಬೊಕ್ಕ ಅಭಿಮಾನನ್ ಹೆಚ್ಚ ಮಲ್ಪಾವುನ್.
ನಮ್ಮ ಭಾಷಾ ಸಂಸ್ಕೃತಿನ್ ಅಂತರಾಷ್ಟ್ರೀಯ ಮಟ್ಟಡ್ ಗುರುತಿಸಾವುಲೆಕ್ಕ ಮಲ್ಪುನ್.
ಇಂಚ ಕೆಲವ್ ಯೋಜನೆಲೆನ್ ಕಾರ್ಯಗತ ಮಲ್ಪರೆಗ್ ತುಳುವ ಮಹಾಸಭೆತ್ತ ಮೂಲಕ ಚಾಲನೆ ಕೊರ್ಪುಂಡ್.