ತುಳುನಾಡ ಸ್ವಾತಂತ್ರ್ಯ ಪೊರಂಬಾಟದ ನೆಂಪು.

ತುಳುನಾಡ ಸ್ವಾತಂತ್ರ್ಯ “ಪೊರ್ಂಬಾಟದ ನೆಂಪು”

1837ನೇ ಇಸ್ವಿಡ್ ಕುಡ್ಲದ ಬಾವುಟಗುಡ್ಡೆಡ್ ಏರ್‌ದ್ಂಡ್ ತುಳುನಾಡ ಕೊಡಿ

ತುಳುನಾಡ ಸ್ವಾತಂತ್ರ ಭಾರತ ದೇಶೊದ ಸುರುತ ಸ್ವಾತಂತ್ರ ಪನ್ಪಿನೆನ್ ನಮ ಏಪೊಲಾ ಮದಪರೆ ಬಲ್ಲಿ.ಅಂಚನೆ ಪರಂಗಿಲೆನ ಒಟ್ಟುಗು ಸ್ವಾತಂತ್ರಗಾದ್ ಸುರುಕು ಪೊರ್oಬಾಟ ಮಲ್ತಿನ ಉಳ್ಳಾಲದ ರಾಣಿ ಅಬ್ಬಕ್ಕನ್ ಲಾ ಏಪಲಾ ಮದಪರೆ ಬಲ್ಲಿ..

ಭಾರತದ ಸ್ವಾತಂತ್ರ ಪೊರ್oಬಾಟಡ್ ಅಹಿಂಸೆದ, ಹಿಂಸೆದ, ತೀವ್ರಗಾಮಿತ್ವದ ಕಲ್ಪನೆದಡಿಟ್ ದೇಶ ಗೋಸ್ಕರ ಸ್ವತಂತ್ರ ಭಾರತದಗಾದ್ ಅವ್ವೆತೋ ಜನ ತನ್ನ ಬಲಿದಾನ ಮಲ್ತ್ ನಮ್ಮ ದೇಶೋಗು 1947 ಆಗಸ್ಟ್ 15ಕ್ಕ್ ಸ್ವಾತಂತ್ರ ತಿಕ್ಕಿನವು ನಮಕ್ ಮಾತಾ ತೆರಿದಿನ ಇಚಾರ ಆಂಡ ಐತ ಪಿರವು ಸ್ವತಂತ್ರಗಾದ್ ತಿಗಲೆ ಕೊರ್ದು ಪೊರ್oಬಾಟ ಮಲ್ತ್ ಪರಂಗಿಲೆನ್ ಗಿಡತಿನ ವೀರರಾಣಿ ಅಬ್ಬಕ್ಕನ್ ನಮ ಇನಿ ನೆಂಪು ಮಲ್ಪೊಡು.ಸ್ವಾತಂತ್ರ ಚರಿತ್ರೆದ ಪುಟೊಟು ಚೌಟ ರಾಣಿ ಉಳ್ಳಾಲದ ಅಬ್ಬಕ್ಕನ ಪುದರ್ ಒಲ್ಪಲಾ ಇಜ್ಜಂದಿನವು ಬೇಜಾರ್ ದ ಸಂಗತಿ.ಅಂಚನೆ ಭಾರತಗ್ ಸ್ವಾತಂತ್ರ ತಿಕ್ಕುನ ದುಂಬೇ ನಮ್ಮ ತುಳುನಾಡ್ ಡ್ ಪಂಡ ,ಸ್ವಾತಂತ್ರ ತಿಕ್ಕುನ ಸುಮಾರ್ 110 ವರ್ಷದ ಪಿರವು ಸ್ವಾತಂತ್ರ ಕೊಡಿನ್ ಏಪ್ರಿಲ್ 5 1937 ಕ್ಕ್ ಕುಡ್ಲದ ಬಾವುಟಗುಡ್ಡೆಡ್ ಪಾರಾಯಿನಕುಲು ತುಳುವೆರ್ ಈ ಇಚಾರ ಸ್ವಾತಂತ್ರದ ಚರಿತ್ರೆಡ್ ಒಲ್ಪಲಾ ಇಜ್ಜಿ..

ಕ್ರಿ. ಶ 1937ಟ್ಟ್ ಕಲ್ಯಾಣ ಸ್ವಾಮಿ ಬೊಕ್ಕ ಕೆದಂಬಾಡಿ ರಾಮೆ ಗೌಡೆರ್ನ ಮುತಾಲಿಕೆಡ್ ಪರಂಗಿಲೆನ ವಿರುದ್ಧ ದಂಗೆ ಒಂಜಿ ಕುಡ್ಲಡ್ ನಡತಿನ ಸುರುತ ಸ್ವಾತಂತ್ರ ಪೊರ್oಬಾಟ ಪಂದೇ ಪುದರ್ ಪಡೆತುಂಡು. 1837ನೇ ಮಾರ್ಚ್ 29ಗ್ ಸುಳ್ಯರ್ದ್ ಪಿದಾಡಿನ ಈ ಸೇನೆ ಏಪ್ರಿಲ್ 5ಕ್ಕ್ ಕುಡ್ಲ ಮುಟ್ಟುದು ಪರಂಗಿಲೆನ ಬೆರಿ ಪತ್ತ್ ದ್ ಕುಡ್ಲದ ಠಾಗೂರ್ ಪಾರ್ಕ್ ಡ್ ತುಳುನಾಡ್ದ ಸ್ವಾತಂತ್ರ ಕೊಡಿನ್ ಸ್ಥಾಪನೆ ಮಲ್ತೆರ್. ಕಲ್ಯಾಣಸ್ವಾಮಿ, ಕೆದಂಬಾಡಿ ದಾಮೋದರ ಲಕ್ಷ್ಮಪ್ಪ ಬಂಗರಸ, ಹುಲಿಕುಂಡ ನಂಜಯ್ಯ , ಉಪ್ಪಿನಂಗಡಿ ಮಂಜ ಮೆಕುಲು ಮಾತಾ ಒಟ್ಟುಗು ಸೇರ್ದ್ ಮಾರ್ಚ್ 29ಗ್ ಸುಳ್ಯರ್ದ್ ಪಿದಾಡ್ದ್ ಕುಡ್ಲಗ್ ಬರ್ಪಿನ ತಾದಿಡ್ ಅವ್ವೆತೋ ತುಳುವೆರೆನ್ ಒಟ್ಟು ಸೇರಾದ್ ಪರಂಗಿಲೆನ್ ಸೋಪಾಯೆರೆ ಬೋಡಾಯಿನ ಮಾತಾ ತಂತ್ರ ಮಲ್ತೆರ್.. ಪರಂಗಿಲೆನ ವಿರುದ್ಧ ಪೊರ್oಬಾಟ ಮಲ್ಪರೆ ಬೋಡಾಯಿನ ಆರ್ಥಿಕ ಸಾಕಾರ, ತೆನಸ್,ಆಯುಧಲೆನ್ ಪಡೆದ್ ಕುಡ್ಲಗ್ ಬತ್ತ್ ದ್ ಪರಂಗಿಲೆ ಸೇನಾ ತುಕುಡಿದೊಟ್ಟುಗು ಪೊರ್oಬಾಟ ಮಲ್ತ್ ಬ್ರಿಟಿಷೇರ್ ಓಡದ ಮುಖೇನ ಬಲ್ಪುಲೆಕ ಮಲ್ಪುವೆರ್ ಅವ್ವೆ ದಿನ ತುಳುನಾಡ್ಗ್ ಸ್ವಾತಂತ್ರ್ಯ ತಿಕ್ಕಿನ ದಿನ.

ಏಪ್ರಿಲ್ 5,1837ಕ್ಕ್ ಬ್ರಿಟಿಷೆರ್ನ ಪತಾಕೆನ್ ದಕ್ಕ್ ದ್ ತುಳುನಾಡ್ದ ಕೊಡಿನ್ ಪಾರಾಯಿನ ಸ್ವಾತಂತ್ರ ಯೋಧರೆನ್ ನಮ ಇನಿ ನೆಂಪು ಮಲ್ಪೊಡಾಪುಂಡು. ಇನಿ ತುಳುವೆರ್ನ ಸ್ವಾತಂತ್ರ ಪೊರ್oಬಾಟದ ಗೆಲ್ಮೆದ ಕೊಡಿ ಅಂದ್.

13 ದಿನ ಮಾತ್ರ ಆ ಸ್ವಾತಂತ್ರ ಒರಿದ್ ಇತ್ತುಂಡು. ಸುಳ್ಯ ಕೆದಂಬಾಡಿ ರಾಮೆಗೌಡರೆ ಮುತಾಲಿಕೆಡ್ ಪೊರ್oಬಾಟ ನಡತ್oಡ್ ಪರಂಗಿಲೆರ್ದ್ ತುಳುನಾಡ್ ನ್ ಗೆಲ್ತ್ದ್ ಏಪ್ರಿಲ್ 5, 1837 ಕ್ ಕುಡ್ಲದ ಬಾವುಟಗುಡ್ಡೆಡ್ ಪರಂಗಿಲೆ ಯೂನಿಯನ್ ಜಾಕ್ ನ್ ತಿರ್ತ್ ಜಪುಡಾದ್ ತುಳುನಾಡ ಕ್ರಾಂತಿಕಾರಿ ಕೊಡಿ ಏರಾದಿತ್ತೆರ್, ಸುಳ್ಯ ಕೆದಂಬಾಡಿ ರಾಮೆ ಗೌಡೆರೆಗ್ ಸುಂಬ್ರಮಣ್ಯದ ಅಪ್ಪಯ್ಯ ಪಟೇಲೆರ್ ಸಾಕಾಯಗ್ ಉಂತಿಯೆರ್. ನಂದಾರ್ ದ ಲಕ್ಷ್ಮಪ್ಪ ಅರಸು, ಡೊಂಬ ಹೆಗ್ಡೆರ್, ಕುಡುಮ ಕುಮಾರಯ್ಯ ಹೆಗ್ಡೆರ್ ಒಟ್ಟು ಕೂಡೊಂಡೆರ್. ಶನಿವಾರ ಸಂತೆದ ಪುಟ್ಟ ಐಸಪ್ಪ ಕಲ್ಯಾಣ ಸ್ವಾಮಿನ ಮುತಾಲಿಕೆಡ್ ಪೊರ್oಬಾಟದ ದಂಡ್ ಕುಡ್ಲಗೆತ್ತ್ ನಗ 10000 ಜನ ಇತ್ತೆರ್.

ಈ ಪೊರ್ತುಗು ಬ್ರಿಗೇಡಿಯರ್ ಆಲೆನ್ ನೊಟ್ಟುಗು ಸೇರ್ದ್ ಕ್ಯಾಪ್ಟನ್ ಲೆವಿನ್ ದಂಡ್ ಕನತ್ದ್ ಏಪ್ರಿಲ್ 19 ಗ್ ಪುಂಡು (ಮುತ್ತಿಗೆ ) ಬೂರಿಯೆರ್.ಈ ಪೊರ್ತುಗು ಪರಂಗಿಲೆದ ಕೈಕ್ ತಿಕ್ಕಿ ಲಕ್ಷ್ಮಪ್ಪ ಬಂಗಾರಪ್ಪ, ಮಂಜ ವೈದ್ಯ, ಗುಡ್ಡೆಮನೆ ಅಪ್ಪಯ್ಯ ಮೊಕ್ಲೆನ್ ಕುಡ್ಲ ಬೊಕ್ಕ ಮಡಿಕೇರಿ ಡ್ ನಾಲಿಗ್ ಉರ್ಕು ಪಾಡ್ದ್ ನೇಲ್ಪಾದ್ ಪರಂಗಿಲು ಕೆರಿಯೆರ್.ಭಾರತದ ಸುರುತ ಸ್ವಾತಂತ್ರ ಸಂಗ್ರಾಮ 1957 ಆಂಡ ಅವೆರ್ದ್ 20 ವರ್ಷ ದುಂಬೇ ಏಪ್ರಿಲ್ 5, 1637 ಕ್ಕ್ ತುಳುನಾಡ್ ಸ್ವಾತಂತ್ರ ಒಂತೆ ದಿನತ ಮಟ್ಟ್ ಗಾಂಡಲಾ ಆದ್ ಇತ್ತುಂಡು, ಆಂಡ ಭಾರತದ ಸ್ವಾತಂತ್ರ ಪೊರ್oಬಾಟದ ಪಿರಾಕ್ಡ್ ತುಳುನಾಡ್ ಸ್ವಾತಂತ್ರ ಪೊರ್oಬಾಟಗಾರೆರ್ನ ಬಗ್ಗೆ ಪಠ್ಯ ಪುಸ್ತಕಲೆಡ್ ಒಲ್ಪಲಾ ಉಲ್ಲೇಖ ಇಜ್ಜಂದಿನವು ಬೇಜಾರ್ದ ಸಂಗತಿ.