ಜೈ ತುಳುನಾಡ್

ಜೈ ತುಲುನಾಡ್ (ರಿ ) ಕುಡ್ಲ ಎಗ್ಗೆದ ಗುರ್ಕಾರ್ಲು ಆದ್ ಮನೀಶ್ ಕುಮಾರ್ ಅಜತ್ತ್ ಬತ್ತೆರ್

ಜೈ ತುಲುನಾಡ್ (ರಿ ) ಕುಡ್ಲ ಎಗ್ಗೆದ ವರ್ಸದ ಕೂಡುಪಟ್ಟಾಂಗ ಬೊಕ್ಕ ಪದಗ್ರಹಣ ಲೇಸ್ 29.09.2024 ಐತಾರದಾನಿ ಮದ್ಯಾನ 2 ಗಂಟೆಗ್ ಕುಳೂರುದ ಫಲ್ಗುಣ್ ಸಭಾಂಗಣಡ್ ನಡತ್ಂಡ್.

ಜೈ ತುಲುನಾಡ್ (ರಿ.) ಕೇಂದ್ರ ಸಮಿತಿದ ಮುತಾಲಿಕೆಡ್ ಪೊಸ ಪಧಾದಿಕಾರಿಲೆನ ಅಜಪುನ ಪ್ರಕ್ರಿಯೆ ನಡತ್ಂಡ್. ಕುಡ್ಲ ಎಗ್ಗೆದ ಪೊಸ ಗುರ್ಕಾರ್ಲು ಆದ್ ಮನೀಶ್ ಕುಮಾರ್ ಅಜತ್ ಬತ್ತೆರ್,‌ ಒತ್ತು ಗುರ್ಕಾರ್ಲು ಚೇತನ್ ಅಂಚನ್, ಕಾರ್ಯಂತೆರ್ ಆದ್ ಲತಾ ಡಿಂಪಲ್ , ಒತ್ತು ಕಾರ್ಯಂತೆರ್ ಆದ್ ರಾಜೇಶ್ ಶೆಟ್ಟಿ ಬೊಕ್ಕ ಚಂದ್ರಶೇಖರ್ ತುಲುವೆ, ಪನವುದ ಪಾಲವೆರ್ ಆದ್ ಪುನೀತ್ ಕುಮಾರ್, ಒತ್ತು ಪನವುದ ಪಾಲವೆರ್ ಆದ್ ನಾಗರಾಜ್ ಶೆಟ್ಟಿಗಾರ್, ಸಂಘಟನಾ ಕಾರ್ಯಂತೆರ್ ಆದ್ ಭವಿಷ್ಯ ಎಸ್ ಸ, ಒತ್ತು ಸಂಘಟನಾ ಕಾರ್ಯಂತೆರ್ ಅಕ್ಷಿತ್ ಶೆಟ್ಟಿ, ಕಾರ್ಯಕಾರಿ ಸಮಿತಿದ ಪದುಕೆರ್ ಆದ್ ದುರ್ಗಾ ಪ್ರಸಾದ್ ರೈ, ಕೀರ್ತನ್ ಆರ್ ಕೋಟ್ಯಾನ್, ಶರತ್‌ರಾಜ್ ಬೊಕ್ಕ ಸಂಕೇತ್ ಯೆಯ್ಯಾಡಿ ಅಜತ್ತ್ ಬೈದೆರ್.

ಈ ಪೊರ್ತುಡು ಜೈ ತುಲುನಾಡ್(ರಿ.) ಕೇಂದ್ರ ಸಮಿತಿದ ಗುರ್ಕಾರ್ಲು ಉದಯ ಪೂಂಜಾ ತಾಳಿಪಾಡಿ ಗುತ್ತು, ಪ್ರಧಾನ ಕಾರ್ಯಂತೆರ್ ಪೂರ್ಣಿಮಾ ಬಂಟ್ವಾಳ, ಪನವುದ ಪಾಲವೆರ್ ರಾಜಶ್ರೀ ದೇವಿಪುರ, ಒತ್ತು ಸಂಘಟನಾ ಕಾರ್ಯಂತೆರ್ ಚಿತ್ರಾಕ್ಷಿ ತೆಗ್ಗು, ಕಾರ್ಯಕಾರಿ ಸಮಿತಿ ಪದುಕೆರ್ ಜೀವಿತಾ ಕುತ್ತಾರ್, ಅಶ್ವಿತಾ, ತಾಪಕ ಸಮಿತಿದ ಪದುಕೆರ್ ರಕ್ಷಿತ್‌ರಾಜ್ ಬಜಾಲ್, ಕುಡ್ಲ ಎಗ್ಗೆದ ಮಾಜಿ ಗುರ್ಕಾರ್ಲು ನಿರಂಜನ್ ಕರ್ಕೇರ ಬೊಕ್ಕ ಕೂಟದ ಪದುಕೆರ್ ಪಾಲ್ ಪಡೆದಿತ್ತೆರ್. ತಾಪಕ ಸಮಿತಿದ ಪದುಕೆರ್ ಕಿರಣ್ ತುಲುವೆ ಲೇಸ್ ಸುದಾರಿಕೆ ಮಲ್ತೆರ್.