ಕಂಬುಲ

ಏಪ್ರಿಲ್ 19 ಗ್ ಶಿವಮೊಗ್ಗಡ್ ನಡಪೆರೆ ಉಂಡು ಗರ್ದ್ ದ ಕಂಬುಲ

ಕುಡ್ಲ : ಆಗಸ್ಟ್ 20: ರಾಜ ಬೂಡು ಆಯಿಬೊಕ್ಕ ಮಲೆನಾಡ್ ಡ್ ಲಾ ಕಂಬುಲ ಮಲ್ಪರೆ ತಯಾರಿ ಆವೊಂದು ಉಂಡು. ತುಳುನಾಡ್ದ ಜಾನಪದ ಕ್ರೀಡೆ ಕಂಬಳ 2025 ನೇ ಏಪ್ರಿಲ್ 19, 20 ಗ್ ಶಿವಮೊಗ್ಗದ ಮಾಚೇನಹಳ್ಳಿಡ್ ನಡಪೆರೆ ಉಂಡು .ಕರಿನ ವರ್ಷ ರಾಜ ಬೂಡುಡು ಯಶಸ್ವಿಯಾದ್ ಕಂಬುಲ ಮಲ್ತ್ ಇತ್ತೆರ್ .

ಉಂದುವೇ ಸುರುತ ಸಲ ಮಲೆನಾಡ್ ಡ್ಲಾ ಕಂಬುಲ ಅಟ್ಟನೆ ಮಲ್ಪರೆ ಪೂರಕ ತಯಾರಿ ಆವೊಂದು ಉಂಡು. ದಕ್ಷಿಣ ಕನ್ನಡ ಜಿಲ್ಲಾ ಕಂಬಳ ಸಮಿತಿ, ರೋಟರಿ ಇಂಟರ್ ನ್ಯಾಷನಲ್ ಡಿಸ್ಟ್ರಿಕ್ಟ್ 3181, 3182, ಶಿವಮೊಗ್ಗ ಕಂಬಳ ಸಮಿತಿ ಒಟ್ಟು ಸೇರಿಗೆಡ್ ಕಂಬುಲ ನಡಪೆರೆ ಉಂಡು ಪಂದ್ ದಕ್ಷಿಣ ಕನ್ನಡ ಜಿಲ್ಲಾ ಕಂಬುಲ ಸಮಿತಿ ಗುರ್ಕಾರ್ಲಾಯಿನ ಬೆಳಪು ದೇವಿಪ್ರಸಾದ್ ಶೆಟ್ಟಿ ಪಂಡೆರ್ .