ಚೇರ್ಕಾಡಿ ದೊಡ್ಡಮನೆ ಕುಟುಂಬದ ನಾಗಬನದ ನಾಗಬ್ರಹ್ಮದೇವರ ಆರಾಧನೆಯಾದ್ ಪ್ರತಿ ವರುಷಲಾ ಆರಾಧನೆ ಮಲ್ತೊಂದ್ ಬರ್ಪಿನ ಕಂಬುಲ ಆಂಡ ಇನಿತ ದಿನಟ್ ಆರಾಧನೆನ್ ಜನಪದ ಕ್ರೀಡೆ ಪಂಡುದು ಲೆಪ್ಪುನ ಕಂಬುಲ ತಾರೀಕು 09-12-2024 ಸೋಮವಾರ ದಾನಿ ನಡಪರೆಗುಂಡ್..
ಸಂಪ್ರದಾಯ ಬದ್ದ ಧಾರ್ಮಿಕ ಕಂಬುಲ (ಕಂಬಳ)ಡ್ ದೈವ ದೇವತಾ ಆರಾಧನೆ ಪ್ರಧಾನವಾದುಪ್ಪುನೇಡ್ದಾವರ ಇನಿಕುಲಾ ಸುಸೂತ್ರವಾದ್ ನಡಪುನ ಜವಾಬ್ದಾರಿಡ್ ಸಂಪ್ರದಾಯಬದ್ದವಾದ್ ಕುಟುಂಬಿಕೆರು,ಊರ ಪರವೂರ ಗಣ್ಯೆರು ಹಿರಿಯೆರೆನ ಸಹಕಾರಡ್ ಮಲ್ಪರೆಗ್ ತೀರ್ಮಾನ ಮಲ್ದೆರ್.
ಕಂಬುಲ ಒಂಜಿ ಊರುದ ಶ್ರೀಮಂತವಾಯಿನ ಆರಾಧನ ಪದ್ಧತಿಲಾ ಅಂದು. ಆರಂತಡೆ ಗುತ್ತು ಬರ್ಕೆ, ಬೂಡು ಅರಮನೆ ಇಂಚ ಪ್ರತಿಷ್ಠಿತ ಮನೆತನದ ಕುರುಹುಲಾ ಅಂದು..
ಜನಪದ ಕ್ರೀಡೆ ಕಂಬುಲ ಆಂಡಲಾ ಭಕ್ತಿದ ಪ್ರತೀಕ ಕಂಬುಲ ಆತೇ ಕಾರಣಿಕಲಾ ಅಂದು.
ನಾಗಬ್ರಹ್ಮನ ಕಂಬುಲ ಇನಿ ಜನಕ್ಲೆನ ಬಾಯಿಡ್ ಕಂಬಳ ಆತುಂಡ್.
ಕಂಬುಲ ಕೇವಲ ಕ್ರೀಡೆ ಬೊಕ್ಕ ಸ್ಪರ್ದೆಗ್ ಮಾತ್ರ ಸೀಮಿತ ಆವಂದೆ . ಅಯಿಟುಲಾ ಕೆಲವು ವಿಧಕ್ಲೆನ್ ಇನಿ ತೂವೊಲಿ.
ದೇವರ ಕಂಬುಲ,, ದೈವ ಕಂಬಳ, ಧೂಳುಕಂಬುಲ, ಕ್ರೀಡಾ ಕಂಬುಲ , ಪಂತೊದ ಕ್ರೀಡಾ ಕಂಬುಲ ಪನ್ಪಿನ ಕೆಲವು ವಿಧಾನದ ಕಂಬುಲ ಉಂಡು. ಉಂದು ಕ್ರೀಡೆಗ್ ಸೀಮಿತ. ಮುಲ್ಪ ಆರಾಧನೆಗ್ ಪ್ರಾಮುಖ್ಯತೆ ಇಪ್ಪುಜಿ..
ರಾಜ್ಯ ಸರಕಾರ ಇಂಚಿನ ಕ್ರೀಡಾ ಕಂಬುಲಗ್ ಅನುದಾನ ಕೊರೊಂದುಂಡ್.
ಆಂಡ ಭಕ್ತಿ ಪ್ರಧಾನವಾದ್ ಸಂಪ್ರದಾಯ ಬದ್ದವಾದ್ ಆರಾಧಿಸಾವೊಂದ್ ಬರ್ಪಿನ ನಾಗಬ್ರಹ್ಮ ದೇವರ ಕಂಬುಲಗ್ ಒವ್ವೇ ಅನುದಾನೊನ್ ಕೊರೊಂದಿಜ್ಜಿ.. ಗುತ್ತು ಬರ್ಕೆ ಬೂಡು ಆರಂತಡೆಲು ಪಿರಾಕುದ ಕಾಲೊಡ್ ಶ್ರೀಮಂತವಾದಿತ್ತುಂಡ್.. ಈ ಕಂಬುಲನ್ ನಡಪಾವೊಂದ್ ಪೋವರೆಗ್ ಸಮರ್ಥವಾದಿತ್ತುಂಡ್.. ಆಂಡ ಇನಿ ಗುತ್ತು ಬರ್ಕೆ ಬೂಡು ಆರಂತಡೆದ ಪರಿಸ್ಥಿತಿ ಆತ್ ಖರ್ಚು ವೆಚ್ಚೊನ್ ತೂಪಿನ ಪರಿಸ್ಥಿತಿಡಿಜ್ಜಿ..
ಅಂಚಾದ್ ಸರ್ಕಾರ ಮದ್ಯ ಪ್ರವೇಶ ಮಲ್ತುದ್, ಮಲ್ಲ ಮನಸ್ಸು ಮಲ್ತುದ್ ಈ ಸಂಪ್ರದಾಯ ಬದ್ದ
ನಾಗ ಬ್ರಹ್ಮರ ಕಂಬುಲಗುಲಾ ಅನುದಾನ ಕೊರೊಡ್ ಪನ್ಪಿನವ್ ಜನಕ್ಲೆನ ಆಶಯವಾದುಂಡ್..
ಚೇರ್ಕಾಡಿ ದೊಡ್ಡಮನೆ ಜನ್ನದೇವಿ ಕಂಬುಲಗ್ ಸರ್ವೆರುಗುಲಾ ಮೋಕೆದ ಲೆಪ್ಪೋಲೆ.
by 