ಕೆಮ್ತೂರು ತುಳುನಾಟಕ ಪ್ರಶಸ್ತಿಗಾದ್ ನಾಟಕ ತಂಡೊಲೆಗ್ ಪಂತೊಡ್ ಪಾಲ್ ಪಡೆವರೆಗ್ ಲೆಪ್ಪು..

ತುಳುಕೂಟ ಉಡುಪಿ(ರಿ) ವತಿಡ್ದ್ 21 ವರ್ಷೊಡಿಂಚಿ ನಡತೊಂದುಪ್ಪುನ ಕೆಮ್ತೂರು ದೊಡ್ಡಣಶೆಟ್ರೆನ ನೆಂಪುದ ತುಳುನಾಟಕ ಪಂತೊ ಉಂದುವೇ ಬರ್ಪಿನ ಜನವರಿ 2024 ತ್ತ ಸುರುತ ವಾರೊಡ್ ನಡಪರೆಗಿತ್ತುದ್,22 ನೇ ವರ್ಷದ ನಾಟಕ ಪಂತೊಡ್ ಪಾಲ್ ಪಡೆಯರೆಗ್ ನಾಟಕ ತಂಡೊಲೆಗ್ ತುಳುಕೂಟ ನಾಟಕ ಪಂತೊದ ಸಂಚಾಲಕೆರ್ ಲೆಪ್ಪು ಕೊರ್ತೆರ್.

ಈ ನಾಟಕ ಪಂತೊಡ್ ಒವ್ವೇ ಪ್ರದೇಶದ ಯೋಗ್ಯ ತುಳು ಹವ್ಯಾಸಿ ನಾಟಕ ತಂಡೊಲೆಗ್ ಪಂತೊಡ್ ಪಾಲ್ ಪಡೆಯರೆಗ್ ಅವಕಾಶ ಉಂಡು.ಪಂತೊಗ್ ಏಳ್ ನಾಟಕೊಲೆನ್ ಆಯ್ಕೆ ಮಲ್ಪುಂಡ್.

ಪಂತೊಡ್ ಗೆಂದಿನಕ್ಲೆಗ್ ಸುರುತ್ತ ಇನಾಮು 20,000, ರಡ್ಡನೇ ಇನಾಮು 15,000 ಮೂಜನೇ ಇನಾಮು 10,000 ದೊಟ್ಟುಗ್ ನಿರ್ದೇಶನ, ಸಂಗೀತ, ರಂಗವಿನ್ಯಾಸ, ಬೊಲ್ಪು, ನಟ,ನಟಿ ವಿಭಾಗಲೆಡ್ ಸುರುತ್ತ ಇನಾಮು 1000, ರಡ್ಡನೇ ಇನಾಮು, ಮೂಜನೇ ಇನಾಮು ಉಪ್ಪುಂಡ್.ಪಂತೊಗ್ ಆಯ್ಕೆ ಆಯಿನ ರಾಜ್ಯದ ಉಲಾಯಿದ ತಂಡೊಲೆಗ್ 5000ರೂ., ರಾಜ್ಯದ ಪಿದಾಯಿದ ತಂಡೊಲೆಗ್ 10,000 ರೂ.ಪಣವುದೊಟ್ಟುಗ್ ವನಸ್ & ಎಡ್ಡೆ ಸೌಕರ್ಯ ಒದಗಿಸಾವುಂಡ್.

ಪಂತೊಡ್ ಪಾಲ್ ಪಡೆಪಿನಕುಲು ಕ್ರಿಯಾಶೀಲ ತುಳು ಹವ್ಯಾಸಿ ರಂಗತಂಡೊಲು ಪ್ರವೇಶಪತ್ರ ಬೊಕ್ಕ ನಿಯಮಾವಳಿದ ಬಗ್ಗೆ ಶ್ರೀ. ಬಿ.ಪ್ರಭಾಕರ ಭಂಡಾರಿ,”ಪ್ರಕ್ರತಿ” 5- 94A, 76 ನೇ ಬಡಗಬೆಟ್ಟು,ಬೈಲೂರು ಉಡುಪಿ.576101. ಮೊ.ಸಂ.9880825626. ಮೆರೆಗ್ ಬರೆದ್ ಕಡಪುಡೊಡ್.ಪ್ರವೇಶ ಪತ್ರೊಲೆನ್ ನವೆಂಬರ್ 5 ತಾರೀಕುದುಲಾಯಿ ಕಡಪುಡೊಡ್ ಪಂಡುದ್ ತುಳುಕೂಟ ಉಡುಪಿ(ರಿ) ದ ಗುರ್ಕಾರೆರಾಯಿನ ಶ್ರೀ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಪ್ರಕಟಣೆಡ್ ತೆರಿಪಾದೆರ್.