![](https://tulunadadhwani.com/wp-content/uploads/2023/10/Screenshot_2023-10-01-19-57-32-51_6012fa4d4ddec268fc5c7112cbb265e7.jpg)
![](https://tulunadadhwani.com/wp-content/uploads/2023/10/Screenshot_2023-10-01-19-56-59-80_6012fa4d4ddec268fc5c7112cbb265e7-300x217.jpg)
ಜಲಾನಯನ ಇಲಾಖೆ, ಮೀನುಗಾರಿಕಾ ಇಲಾಖೆ ಬೊಕ್ಕ ಸ್ಕೋಡ್ವೆಸ್ ಸಂಸ್ಥೆ ಶಿರಸಿದ ಸಹಯೋಗಡ್ ಸುರುವಾತಿನ ಮಲ್ಪೆ ಮೀನುಗಾರರ ಉತ್ಪಾದಕರ ಕಂಪನಿದ ಪೊಸ ಮಾರಾಟ ಮಳಿಗೆ ಬೊಕ್ಕ ಉತ್ಪಾದನಾ ಘಟಕ ಸಂತೆಕಟ್ಟೆದ ಏಕ್ತಾ ಹೈಟ್ಸ್ ಸಂಕೀರ್ಣದ ನೆಲ ಮಹಡಿಡ್ , 29-9-23 ಗ್ ಕಾಂಡೆ ಉಡುಪಿದ ಶಾಸಕೆರಾಯಿನ ಶ್ರೀ ಯಶ್ ಪಾಲ್ ಎ ಸುವರ್ಣ ಉದಿಪನ ಮಲ್ತೆರ್, ಈ ಪೊರ್ತುಡ್ ಪಾತೆರಿನ ಆರು ಮಲ್ಪೆ ಮೀನುಗಾರರ ಉತ್ಪಾದಕರ ಕಂಪನಿದ ಮಾತಾ ಉತ್ಪನ್ನಲು ಬಾರೀ ಶುಚಿ – ರುಚಿಯಾದ್ ತಯಾರಾದಿತ್ತುದ್ ಮಲ್ಪೆದ ಮೀನುಗಾರ ಮಹಿಳೆಯೆರು ತಯಾರ್ ಮಲ್ದೆರ್ ಈ ಮಾತಾ ಉತ್ಪನ್ನಲು ದೇಶದಾದ್ಯಂತ ನಡತಿನ ರಾಷ್ಟ್ರೀಯ ಬೊಕ್ಕ ಅಂತರ್ ರಾಷ್ಟ್ರೀಯ ವ್ಯಾಪಾರ ಮೇಳಡ್ ಪ್ರದರ್ಶನ ಆತುಂಡ್. ಈ ಕಂಪನಿದ ಪೊಸ ವ್ಯಾಪಾರ ಮಳಿಗೆ ಬೊಕ್ಕ ಉತ್ಪಾದನಾ ಘಟಕ ಯಶಸ್ಸ್ ಆವಡ್ ಪಂಡುದು ಶುಭ ಹಾರೈಸಿಯೆರು.
ಕಂಪನಿಡ್ ಬೇತೆ ಬೇತೆ ಬಗೆತ ಮೀನುದ ಉಪ್ಪಡ್, ಮೀನುದ ಮಸಾಲೆ, ನುಂಗೆಲ್ ಮೀನುದ ಚಟ್ನಿ, ಬೇತೆ ಬೇತೆ ಬಗೆತ್ತ ನುಂಗೆಲ್ ಮೀನುಲು, ರೆಡಿ ಟು ಫ್ರೈ ಮೀನುಲು ಸೇರಿನಂಚ ಸುಮಾರು 20ಗುಲಾ ಜಾಸ್ತಿ ಮೀನುದ ಉತ್ಪನ್ನಲು ತಿಕ್ಕುಂಡ್.
ಕಂಪನಿದ ಅಧ್ಯಕ್ಷರಾದ ವನಜ ಪುತ್ರನ್, ನಿರ್ದೇಶಕೆರಾಯಿನ ಜಯಂತಿ ಸಾಲಿಯಾನ್, ಜಯಂತಿ ಮೈಂದನ್, ಪದ್ಮಾವತಿ ಕಿರಣ್, ನಿರ್ಮಲ ಸುರೇಶ ಬೊಕ್ಕ ಮುಖ್ಯ ಕಾರ್ಯನಿರ್ವಾಹಣಾ ಅಧಿಕಾರಿಲಾಯಿನ ವಿಷ್ಣುಪ್ರಸಾದ್ ಕೆ ಕಾಮತ್ ಮೊಕುಲು ಈ ಸಂಧರ್ಭಡ್ ಉಪಸ್ಥಿತರಿತ್ತೆರು.
![](https://tulunadadhwani.com/wp-content/uploads/2023/10/Screenshot_2023-10-01-19-52-46-10_99c04817c0de5652397fc8b56c3b3817-1-300x150.jpg)
![](https://tulunadadhwani.com/wp-content/uploads/2023/10/Screenshot_2023-10-01-19-57-22-15_6012fa4d4ddec268fc5c7112cbb265e7-300x173.jpg)