ಎಲ್ಯ ಕತೆ
ಸುಧಾ
ಇತ್ತೆ ಮದಿಮೆ ಬೊಡ್ಚಿ.ಏಂಕ್ ನನಲಾ ಓದೊಡು ಪೊಪ್ಪ ಪಂಡ್ದ್ ಸುಧಾ ನಾನಾ ನಮೂನೆಡ್ ಪೊಪ್ಪಡ ಪಂಡಲಾ,ಆರ್ ಕೇನಿಜೆರ್. ಪೊಣ್ಣು ಜೋಕುಲೆಗ್ ದಾಯೆ ಬರವು ಸರವು. ನನೊರಿಯನ ಇಲ್ಲಡೆ ಬಾಜನ ದೆಕ್ಕಿಯರೆ ಪೋಪಿನಕುಲು ಅತ್ತಾ ಪಂಡ್ದ್ ಮದಿಮೆ ಮಲ್ತೆ ಬುಡಿಯೆರ್ ರಾಂಪಣ್ಣೇ.ಆಂಡ ಸುಧಾ ಬಾರಿ ಬಿರ್ಸೆದಿ.ಶಾಲೆಡುಪ್ಪುನಗನೇ ಕಬಿತೆ,ಕತೆ,ರಂಗೋಲಿ,ಕಸೂತಿಪೊಲಿಗೆ ಪಂಡ್ದ್ ಪೂರೆಟ್ಟ್ ಲಾ ಉಷಾರ್.ಅವ್ವಂತ್ತಂದೆ ಇಲ್ಲ್ದ್ ಮಲ್ಲ ಮಗಳ್ಲಾ ಆಲೇ,ಅಂಚಾದೆನ ದಾನ್ನಾ. ಮದಿಮೆ ಆಂಡ್,ರಡ್ಡ್ ಜೋಕುಲುಲಾ ಆಂಡ್. ಸೊಂಟೊಡು ಬಾಲೆನ್ ಪಂತೊಂದುಲಾ ಸಂಘ,ಸಂಸ್ಥೆ ಪಂಡ್ದ್ ಪೊವೊಂದಿತ್ತಲ್. ಮಲ್ಲ ಮಗೆ ಪತ್ತನೆದ ಪರೀಕ್ಷೆ ಕೊರ್ನಗ,ಆಲ್ಲಾ ಪತ್ತನೆದ ಪರೀಕ್ಷೆಗ್ ಕಟ್ಟಿಯಲ್.ಅಂಚೆನೇ ಡಿಗ್ರಿ ಲಾ ಮುಗಿತಲ .ಟೀಚರ್ ಕೆಲಸೊಗು ಬೊಡಾಪಿನ (ಡಿ.ಇ ಎಡ್) ದಾದನಾ,ಅವೆನ್ಲಾ ಮಲ್ತ್ದ್ ಇಂಟರ್ನ್ಯಾಷನಲ್ ಶಾಲೆಡ್ ಟೀಚರ್ ಆಯೊಲು.ಅಯಿತ ಇಡೆಟ್ಟ್ಲಾ,ನಿರೂಪಣೆ,ಪರೀಕ್ಷ ಕಿ,ನೃತ್ಯ,ನಾಟಕ,ಪಂಡ್ದ್ ಮಾತಾ ಇಸಯೊಡ್ಲಾ ಬಿರ್ಸೆದಿ ಆದ್,ಮಾತೆರ್ನಾಲ ಬಾಯಿಡ್ದ್ ಲಾ ಎಡ್ಡೆ ಪುದರ್ ಕೇನೊಂದುಲ್ಲಲ್. ಪೊಣ್ಣು,ಪೊಣ್ಣುಂದು ಪಂಡಿನ ಅಮ್ಮೆ ಇನಿ ಖುಷಿತ್ತ ಕಣ್ಣೀರ್ ಜಪಡಾವೊಂದುಲ್ಲೆರ್.ಸೈಕಲ್,ಸ್ಕೂಟಿ, ಬೈಕ್ ಪಂಡ್ದ್ ಪೂರಾ ಲಾ ಕಲ್ತೊಂದು ಎತ್ತರೆತ್ತರೊಗು ಸ್ವಪ್ರಯತ್ನೊಡು ಪೋವೊಂದುಲ್ಲಲ್.ಅಲೆಗ್ ಇಂಜಿನಿಯರ್ ಕಂಡನಿ, ಇಂಜಿನಿಯರ್ ಆಯಿನ ಮಗನ,ಸಿ ಎ ಕಲ್ಪುನ ಕುಡೊರಿ ಮಗನಲಾ ಬೆರಿತಾಂಗ್ಲಾ ಉಂಡು.ಪೊಣ್ಣುಮನಸ್ಸ್ ಮಲ್ತಲ್ಂಡ್ ವಾ ಕೆಲಸೊನ್ಲಾ ಮಲ್ಪುವಲ್ ಪನ್ಪಿನೆಂಕ್ ಮಲ್ಲ ಉದಾರ್ಮೆ ಎನ್ನ ಸುಧಾ
ಕುಮುದಾ.ಡಿ.ಶೆಟ್ಟಿ ಮುಂಬೈ
ತುಲುವೆರೆ ಕಲ
by 