ಪೆರಿಯಕುಲು ಬುಡ್ದ್ ಪೋತಿನ ಸಂಸ್ಕ್ರತಿನ್ ಒರಿತೊಂದ್, ದುಂಬುದ ಪೀಳಿಗೆಗ್ ಅವ್ವೆನ್ ಮುಟ್ಟಾವುನ ಬೇಲೆನ್ ನಮ ಮಲ್ಪುಗ. ಬಾಸೆ ಒವ್ವೇ ಆವಡ್ ಅಯಿಕ್ ಅಯಿತ್ತ ಆಯಿನ ಮಾನಾದಿಗೆ ತಿಕ್ಕೊಡು. ನಮ್ಮ ಅಪ್ಪೆ ಬಾಸೆ ತುಳುನ್ ನಮ ಏಪಲಾ ಮದಪರೆಗ್ ಬಲ್ಲಿ ಪಂಡುದ್ ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆದ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ ಪಂಡೆರ್. ಆರು ಉಡುಪಿದ ಜಗನ್ನಾಥ ಸಭಾಭವನಡ್ ನಡತಿನ ತುಳುಕೂಟ ಉಡುಪಿದ ಮದರೆಂಗಿದ ರಂಗ್ ಲೇಸ್ ಡ್ ಮಲ್ಲ ಬಿನ್ನೆರಾದ್ ಕಜ್ಜೊನ್ ಅಂಗೈಗ್ ಮದರೆಂಗಿ ದೀಪಿನ ಮುಖೇನ ಉದಿಪನ ಮಲ್ತೆರ್.
ಮಲ್ಪೆ ಪರ್ಸೀನ್ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ನಾಗರಾಜ್ ಸುವರ್ಣ ಮೇರು ತುಡರ್ ಅರ್ಲಾದ್ ಕಜ್ಜೊದ ಉದಿಪನ ಮಲ್ತುದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್.ತುಳುಕೂಟದ ಗುರ್ಕಾರೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಕಜ್ಜೊದ ಗುರ್ಕಾರ್ಮೆಡಿತ್ತುದ್ ಬತ್ತಿ ಬಿನ್ನೆರೆನ್ ಎದ್ಕೊನೊಂದ್, ಸುರುತ ಪಾತೆರೊಡ್ ಜೋಕ್ಲೆಗ್ ತುಳು ಸಂಸ್ಕ್ರತಿದ ಪೊಲಬುನ್ ತೆರಿಪಾದ್ ಕೊರಿಯೆರ್.
ಮಲ್ಲ ಬಿನ್ನೆರಾದ್ ಉಡುಪಿ ತಾಲೂಕು ಪಂಚಾಯತ್ ದ ಸಹಾಯಕ ನಿರ್ದೇಶಕಿ ಫರ್ಝಾನಾ ಎಮ್., ಸಮಾಜಸೇವಕಿ, ಉದ್ಯಮಿ ರಮಿತಾ ಶೈಲೇಂದ್ರ, ಮಹಿಳಾ ಉದ್ಯಮಿ ಮಮತಾ ಪಿ. ಶೆಟ್ಟಿ, ಉಡುಪಿ ತುಳುಕೂಟದ ಒತ್ತು ಗುರ್ಕಾರ್ದಿ ಮನೋರಮ ಶೆಟ್ಟಿ, ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ ಶ್ರೀ ರಾಜೇಶ್ ಶೇರಿಗಾರ್, ತುಳುಕೂಟದ ಪಣವುದ ಪಾಲವೆರಾಯಿನ ಶ್ರೀ ಚೈತನ್ಯ ಎಮ್. ಜಿ. ಮೊಕುಲು ಪಾಲ್ ಪಡೆಯೆರ್. ಲೇಸ್ ದ ಸಂಚಾಲಕಿ ಶ್ರೀಮತಿ ಯಶೋದ ಕೇಶವ್ ಮದರೆಂಗಿದರಂಗ್ ಬಗ್ಗೆ ಸುರುತ್ತ ಪಾತೆರ ಪಾತೆರಿಯೆರ್. ತುಳುಕೂಟದ ಕಾರ್ಯಂತೆರಾಯಿನ ಶ್ರೀ ಗಂಗಾಧರ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರ್.ಶ್ರೀ ಪ್ರಕಾಶ್ ಸುವರ್ಣ ಕಟಪಾಡಿ ಬೊಕ್ಕ ಶ್ರೀಮತಿ ಶಿಲ್ಪಾ ಜೋಶಿ ಕಜ್ಜೊದ ನಿರೂಪಣೆ ಮಲ್ತೆರ್.
ಉದಿಪನದ ಲೇಸ್ ಡ್ ಬೊಕ್ಕ ಶಾಲೆಜೋಕ್ಲೆಗ್ ಬೊಕ್ಕ ಸಾರ್ವಜನಿಕೆರೆಗ್ ತುಳು ಬದುಕುದ ಪೊಲಬು ಕೊರ್ಪಿನ ತುಳುಪಂತೊಲು ನಡತುಂಡ್. ಅಕೇರಿಗ್ ಮುಗಿತಲದ ಲೇಸ್ ಡ್ ಪಂತೊಲೆಡ್ ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್.
by 