ಮನಸ್ ದ ಬೇನೆ

ಮನಸ್‌ದ ಬೇನೆ

ಏರೆಡ ಪನಡ್ ಮನಸ್‌ದ ಬೇನೆ
ಬೊಲ್ಪು ಇಜ್ಜಂದಿ ಕತ್ತಲೆ ಕೋನೆ
ನೋಪುನ ಕೇಂದ್ ಬಾಡ್ಂಡ್ ಮೋನೆ
ಕೇನುಜ ಬುಲಿಪುನ ದೇವೆರೆ ದಾನೆ

ಮುಟ್ಟಿನ ಪೂರಾ ಮಜ್ಜಿಯೇ ಆಂಡ್
ಎನ್ನಿನ ದಾಲಾ ಆವಂದೆ ಪೋಂಡು
ಎಡ್ಡೆ ಮನಸ್‌ಗ್ ಮಾನಾದಿಗೆ ಓಂಡ್
ಬಂಗದ ಬದ್‌ಕ್‌ಡ್ ಜದ್ರನೆ ಉಂಡ್

ತೋರುನ ಇಲ್ಲದ ಪಕ್ಕಾಸ್ ಕುಂಬು
ಕೈಟ್ ಕಾಸ್ ಇತ್ತ್ಂಡ ಬರೊಲಿ ದುಂಬು
ಬುಲಿತ್‌ದ್ ಬಲಿತ್‌ದ್ ಕಟ್ಟ್ಂಡ್ ದಂಬು
ನಂಬಿನ ಜೀವೊಗ್ ತಿಕ್ಕುವ ಇಂಬು

ಪಾಪ ಆಂಡ ಮಲಮಂಗೆನೆ ಆಪಿನಿ
ಬುರುಂಡ ಪೂರಾ ತೆಲಿಪುನನೆ ಉಪ್ಪುನಿ
ನ್ಯಾಯನ್ ಕೇನರೆ ಓಡೆಗ್ ಪೋಪಿನಿ
ತಿಕ್ಕಿನೆನ್ ಮನಿಪಂದೆ ನಿಂಗ್‌ದ್ ಸೈಪಿನಿ

✍️ರಕ್ಷಿತ್. ಬಿ. ಕರ್ಕೇರ
ಪದವಿನಂಗಡಿ
ತುಲುವೆರೆ ಕಲ ಕುಡ್ಲ