ಸುಳ್ಯಡ್ ಕೆವಿಜಿ ಕ್ಯಾನ್ಸರ್ ಆಸ್ಪತ್ರೆ ಸ್ಥಾಪನೆಗ್ ನಿರ್ಧಾರ: ಡಾ.ಕೆ.ವಿ.ಚಿದಾನಂದ

ಸುಳ್ಯನ್ ಶಿಕ್ಷಣಕಾಶಿಯಾದ್ ಪರಿವರ್ತನೆ ಮಲ್ತಿನ , ಅಮರ ಸುಳ್ಯದ ಶಿಲ್ಪಿ ದಿ|ಡಾ. ಕುರುಂಜಿ ವೆಂಕಟ್ರಮಣ ಗೌಡೆರು ಸುಳ್ಯಡ್ ಕ್ಯಾನ್ಸರ್ ಆಸ್ಪತ್ರೆ ಮಲ್ಪುನ ಕನ ಕಟ್ಟುದಿತ್ತೆರು. ಅವ್ವೆನ್ ನನಸು ಮಲ್ಪರೆಗ್ ಇತ್ತೆ ನಿರ್ಧಾರ ಮಲ್ದೆರ್ ಪಂಡುದು ಎಒಎಲ್ಇ ಅಧ್ಯಕ್ಷ ಡಾ. ಕೆವಿಸಿ ಮೇರು ಪ್ರಕಟಣೆಡ್ ತೆರಿಪಾದೆರ್.
ಇಂಚಪ್ಪೊಗ್ ಕ್ಯಾನ್ಸರ್ ನಂಚಿನ ಮಾರಕ ಕಾಯಿಲೆ ಗ್ರಾಮೀಣ ಪ್ರದೇಶಡುಲಾ ತೋಜಿದ್ ಬರೊಂದಿತ್ತುದ್ , ನೆತ್ತ ಉಪಾಚಾರೊಗ್ ಆಪಿನ ವೆಚ್ಚ ದುಬಾರಿಯಾತುಂಡ್. ಚಿಕಿತ್ಸೆಗಾದ್ ದೂರದ ನಗರೊಗ್ ಪೋವೊಡಾಪುಂಡ್. , ಸುಳ್ಯಡೇ ಅತ್ಯಾದುನಿಕ ತಂತ್ರಜ್ಞಾನ ಇತ್ತಿನ ಸುಸಜ್ಜಿತ ಕ್ಯಾನ್ಸರ್ ಆಸ್ಪತ್ರೆನ್ ಸ್ಥಾಪಿಸಲು ಅಕಾಡೆಮಿ ಆಫ್ ಲಿಬರಲ್ ಎಜ್ಯುಕೇಶನ್ (ರಿ) ವತಿಡ್ದ್ ನಿರ್ಧಾರ ಮಲ್ದುಂಡ್.
ಸುಳ್ಯದ ಜನಕ್ಲೆಗ್ ಕಮ್ಮಿ ವೆಚ್ಚಡ್ ಕ್ಯಾನ್ಸರ್ ಕಾಯಿಲೆಗ್ ಚಿಕಿತ್ಸೆ ಒದಗಿಸಾವರೆಗ್, ಅತ್ಯಾದುನಿಕ ತಂತ್ರಜ್ಞಾನದ ಸುಸಜ್ಜಿತ ಕ್ಯಾನ್ಸರ್ ಆಸ್ಪತ್ರೆನ್ ಸುಳ್ಯದ ಪರಿವಾರಕಾನ ಡುಪ್ಪುನ ಸಂಸ್ಥೆದ ಸುಮಾರು 12.5 ಎಕ್ರೆ ಜಾಗೆಡ್ ಸ್ಥಾಪನೆ ಮಲ್ಪರೆಗ್ ಆಡಳಿತ ಸಮಿತಿದ ಸಭೆಟ್ ತೀರ್ಮಾನ ಮಲ್ದುಂಡ್ ಪಂಡುದು ಎಒಎಲ್ಇ ಅಧ್ಯಕ್ಷ ಡಾ. ಕೆ. ವಿ. ಚಿದಾನಂದ ಮೇರ್ ಪ್ರಕಟಣೆಡ್ ತೆರಿಪಾದೆರ್..