ಮಸಣ

ಮಸಣ

ಪೋಡಿಗೆ ದಾಯೆ ಮಾನವ ನಿಕ್ಕ್ ಮಸಣನೆ ಜೀವನ ಅಂತ್ಯಸ್ಥಳ!
ಮಲ್ತಿನ ಕರ್ಮ ಧರ್ಮಗ್ ನ್ಯಾಯ ಕೊರ್ಪಿನ ಜಾಗೆ ಮೋಕ್ಷ ನೆಲ!ಪ!

ಮಸಣನೆ ನಿನ್ನ ಶಾಶ್ವತ ಅರಮನೆ ಅವುಲೇ ನೆಮ್ಮದಿ ನಿದಿರೆಯಾ!
ಮಲ್ಲಿಗೆ ಪೂ ಗಂಧ ಪರಿಮಳೊಡು ಚಟ್ಟಡ್ ನಿನ್ನ ಯಾತ್ರೆಯಾ!
ಮಸಣ ಪನ್ಪಿನ ರುಧ್ರನ ಪಾದೊಡು ನಿನ್ನ ಸ್ವಾರ್ಥೊನು ಮುಗಿಪುಲಾ!
ಯಾನ್ ಎನ್ನವು ಪನ್ಪಿನ ಬುಡ್ದು ಪೊರ್ಲುಡೆ ಏಪಲಾ ನಿದೆರ್ಲಾ!

ಅಗತಿನ ನಿನ್ನ ಚರ್ಮದ ಪೊದಿಕೆಗ್ ಅರಿಪೆರ್ ಬೊಟ್ಟು ಕಣನೀರ್!
ಪುಗರ್ದ್ ಅಟ್ಟೊಡು ಏರಾದ್ ನಿಕ್ಕ್ ಚಟ್ಟನ್ ದೀಪೆರ್ ಜನ ಮೂಲು!
ಮೋನೆನ್ ತೂದು ಅಕೇರಿದ ಪಯಣಗ್ ಬುಡ್ಪೆರ್ ತುಳಸಿ ಕೊಡಿ ನೀರ್!
ಮಾನವ ಜೀವದ ನೆಂಪುದ ಕಟ್ಟೊನು ಪೊತ್ತಾದ್ ಪಾಡ್ವೆರ್ ಬೆರಿ ಮೂಲು!

ಎಚ್ಕೆ ನಯನಾಡು.
ತುಲುವೆರೆ ಕಲ