ರಾಣಿ ಅಬ್ಬಕ್ಕ

ರಾಣಿ ಅಬ್ಬಕ್ಕ!
~~~~~
ಚೌಟೆರೆ ಗುತ್ತುದ ಗರ್ವದ ಕಿನ್ನಿ
ಪೆರ್ಮೆಡ್ ಬದ್‌ಕಿನ ಅಬ್ಬಕ್ಕ
ಉಳ್ಳಾಲದ ರಾಣಿಯಾದ್ ಮೆರೆಯಿನ
ಗಡ್ಸ್‌ದ ಪೊಣ್ಣು ಮಗಲ್ ಅಬ್ಬಕ್ಕ

ಅಪ್ಪೆ ಅಮ್ಮೆರೆನ್ ಕಳೆವೊಂದು ತಮ್ಮಲೆ ಇಲ್ಲಲ್
ಬುಳೆಯಿನ ತೂತ ಚೆಂಡವುಗೆ
ಕುದುರೆ ಸವಾರಿಡ್ ಕತ್ತಿ ಬೀಜಾಟಿಕೆಡ್
ಎದುರಿಜ್ಜಾಂದಿನಂಚಿನ ಬಿರ್ಸಾದಿಗೆ

ಬ್ಯಾರೊಗು ಬತ್ತಿನ ಕೆಂಗುಡೆರಕುಲು
ಪಟ್ಟೊಡು ಕುಲ್ಲುದು ಮೆರೆಪೆರ್‌ಗೆ
ಪಾತೆರೊ ಕೇನಯೆ ಕಪ್ಪೊನು ಕೊರಯೆ
ಅಬ್ಬಕ್ಕನುಡಲ್‌ದ ಪಾತೆರೊಗೆ

ಕುಡ ಕುಡ ಬತ್ತ್‌ದ್ ಕಿರಿ ಕಿರಿ ಮಲ್ತೆರ್
ತಂಕೊಡು ಕಾದ್‌ದ್ ಗಿಡತಲ್‌ಗೆ
ಕಚ್ಚೆನ್ ಕಟ್ಟ್‌ದ್ ಕುದುರೆನ್ ಏರ್‌ದ್
ಕತ್ತಿನ್ ಬೀಜಿದ್ ಗೆಂದ್ಯಲ್‌ಗೆ

ಕಾಮರಾಯನ ಕೋಂತ್ರಸ್ ಬುದ್ದಿಡ್
ಕಡೆಕ್‌ಲಾ ಜೋವೊನು ಬುಡೊಡಾಂಡ್
ಇಂಚಿನ ಗತ್ತ್‌ದ ಗರ್ವೊದ ಪೊಣ್ಣನ್
ತುಳುನಾಡ್ ಏಪಲಾ ಮದಪಂದ್.

ವಿಶ್ವನಾಥ ಕುಲಾಲ್ ಮಿತ್ತೂರು
ತುಲುವೆರೆ ಕಲ