ಶೀನಾ ನಾಡೋಳಿನ ಮೂಜಿ ಕ್ರತಿ ಬುಡುಗಡೆ.

ಜುಲೈ12: ಶೀನಾ ನಾಡೋಳಿ ಮೆರೆನ ತುಳು ಬೊಕ್ಕ ಕನ್ನಡ ಕೃತಿಲೆನ  ಬುಡುಗಡೆ.
ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕಾಂಜವೇ ಸಾಂಸ್ಕೃತಿಕ ವೇದಿಕೆ ಬೆಳ್ತಂಗಡಿ, ವಿದ್ಯಾ ಪ್ರಕಾಶನ ಅತ್ತಾವರ ಮಂಗಳೂರು, ಬೊಕ್ಕ  ರಂಗ ಸಂಗಾತಿ ಸಾಂಸ್ಕೃತಿಕ ಪ್ರತಿಷ್ಠಾನಮೊಕ್ಲೆನ  ಸಹಯೋಗಡ್ ಶೀನಾ ನಾಡೋಳಿ ಮೆರೆನ “ಬೊಳಂತ್ಯೆ – ಉರ್ಪೆಲ್” (ತುಳು ಅಕಾಡೆಮಿ ಪ್ರಕಟಿತ), “ಧರ್ಮದೃಷ್ಟಿ”ಬೊಕ್ಕ  “ಪ್ಲೀಸ್ ನನ್ನ ಫೀಸ್ ಕೊಡಿ” ಪನ್ಪಿನ  ಕೃತಿಕುಳು  12.07.2024ದ ಶುಕ್ರವಾರ  ಬಯ್ಯಗ್ ಗಂಟೆ 4:15 ಗ್  ಮಂಗಳೂರುದ ಕೆನರಾ ಕಾಲೇಜಿದ ಸಭಾಂಗಣಡ್  ಬುಡುಗಡೆ ಆವರೆಗುಂಡ್.
ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ವಿಶ್ರಾಂತ ಉಪಕುಲಪತಿಲಾಯಿನ  ಡಾ. ಕೆ. ಚಿನ್ನಪ್ಪ ಗೌಡ ಮೇರು ಕೃತಿ ಬುಡುಗಡೆ ಮಲ್ಪರೆಗುಲ್ಲೆರ್. ಸರಕಾರಿ ಪ್ರಥಮ ದರ್ಜೆ ಮಹಿಳಾ ಕಾಲೇಜು ಪುತ್ತೂರುದ  ಆಂಗ್ಲ ಭಾಷಾ ಪ್ರಾಧ್ಯಾಪಕೆರಾಯಿನ  ಶ್ರೀ ನಂದಕಿಶೋರ್. ಎಸ್ ಬೊಕ್ಕ ಖ್ಯಾತ ರಂಗಕರ್ಮಿ ಶ್ರೀ ಮೋಹನ್ ಚಂದ್ರ ಯು, ಮೇರು ಕೃತಿಲೆನ ಪರಿಚಯವನ್ನು ಮಲ್ಪರೆಗುಲ್ಲೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ಶ್ರೀ ತಾರನಾಥ್ ಗಟ್ಟಿ ಕಾಪಿಕಾಡ್ ಮೇರು ಕಾರ್ಯಕ್ರಮದ ಅಧ್ಯಕ್ಷತೆಡುಪ್ಪುವೆರ್. ಕಾರ್ಯಕ್ರಮಡ್  ಮಲ್ಲ ಬಿನ್ನೆರಾದ್   ರಂಗ ಸಂಗಾತಿ ಸಾಂಸ್ಕೃತಿಕ ಪ್ರತಿಷ್ಠಾನ ದ ಅಧ್ಯಕ್ಷೆರು ಶ್ರೀ ಗೋಪಾಲಕೃಷ್ಣ ಶೆಟ್ಟಿ, ಖ್ಯಾತ ಸಾಹಿತಿ  ಶ್ರೀ ರಘು ಇಡ್ಕಿದು, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರು ಶ್ರೀ ದಯಾನಂದ ಕತ್ತಲ್ ಸಾರ್ ಬೊಕ್ಕ  ಕಾರ್ಯಕ್ರಮದ ಸದಸ್ಯ ಸಂಚಾಲಕೆರಾಯಿನ ಅಕ್ಷಯ ಆರ್ ಶೆಟ್ಟಿ, ಕಾಂಜವೇ ಸಾಂಸ್ಕೃತಿಕ ವೇದಿಕೆ ಬೆಳ್ತಂಗಡಿದ ಸಂಚಾಲಕೆರಾಯಿನ  ಶ್ರೀ ಆನಂದ ಗೌಡ ಮೊಕುಲು ಪಾಲ್ ಪಡೆಯರೆಗುಲ್ಲೆರ್.. ಕಾರ್ಯಕ್ರಮಡ್  ಗಾಯಕ, ಚಲನಚಿತ್ರ ನಟ ಮೈಮ್ ರಾಮ್ ದಾಸ್ ಮೆರೆಡ್ದ್  ತತ್ವ ಗೀತಾ ಗಾಯನ ಪ್ರಸ್ತುತಿ ಉಂಡು ಪಂಡುದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್..