ಸಾಧನೆ ಮಲ್ಪುನ ಛಲ ಇತ್ತುಂಡ ಒವ್ವೇ ಅಡ್ಡ ಬತ್ತುಂಡಲಾ ಅವ್ವೆನ್ ದಾಂಟುದ್ ಪೋಪಿನ ಶಕ್ತಿ ಇಪ್ಪುಂಡ್. ಜೀವನಡ್ ಒವ್ವೇ ಸಾಧನೆ ಮಲ್ಪರೆಗ್ ಗುರಿ, ಆತ್ಮವಿಶ್ವಾಸ ಬೊಕ್ಕ ಧೃಡ ನಿರ್ಧಾರೊಲು ಇತ್ತುಂಡ ಮಾತಲಾ ಸಾಧ್ಯ ಆಪುಂಡ್ ಪನ್ಪೀನೇಕ್ ಉಡುಪಿದ ಒರಿ ಜವ್ವನನ ಸಾಧನೆನೇ ಸಾಕ್ಷಿ. ಅಂಚಾಂಡ ಅರೆನ ಸಾಧನೆ ದಾದ ಪಂಡುದ್ ತೆರಿಗ.
ಉಡುಪಿ ಬ್ರಹ್ಮಗಿರಿತ್ತ ಸಿದ್ದ್ವಿನ್ ಶೆಟ್ಟಿ ಮೇರು ಮೂಜಿ ಎತ್ತರದ ಶಿಖರಲೆನ್ ಯಶಸ್ವಿಯಾದ್ ಏರುನ ಮೂಲಕ ಒಂಜಿ ಅಸಾಮಾನ್ಯ ಸಾಧನೆ ಮಲ್ದೆರ್. ಜುಮ್ಮು ಬೊಕ್ಕ ಕಾಶ್ಮೀರಡುಪ್ಪುನ ಸುಮಾರು 14000 ಅಡಿ ಎತ್ತರದ ಮಹಾಗುಣ ಪರ್ವತ, 14200 ಅಡಿ ಎತ್ತರದ ಅಫರ್ವತ್ ಶಿಖರ ಬೊಕ್ಕ ಹಿಮಾಚಲ ಪ್ರದೇಶಡುಪ್ಪುನ 20183ಗುಲಾ ಜಾಸ್ತಿ ಎತ್ತರದ ಮೌಂಟ್ ಯುನಾಮ್ ಶಿಖರಲೆನ್ ಮಿತ್ತಾದ್ ಮೂಲಕ ಕರ್ನಾಟಕ ಬೊಕ್ಕ ತುಳುನಾಡುದ ಕೊಡಿ ರಾಪಾವುನ ಮೂಲಕ ಸಾಧನೆ ಮಲ್ದೆರ್.
ಸಿದ್ವಿನ್ ಶೆಟ್ಟಿ ಮೇರು ಉಡುಪಿ ಬ್ರಹ್ಮಗಿರಿದ ಸುರೇಶ್ ಕೃಷ್ಣ ಶೆಟ್ಟಿ ಬೊಕ್ಕ ಸುಜಯ ಎಸ್ ಶೆಟ್ಟಿ ದಂಪತಿಲೆನ ಮಗೆ. ನಿಟ್ಟೆ ಕಾಲೇಜಿಡ್ ಕಂಪ್ಯೂಟರ್ ಸೈನ್ಸ್ ಬೊಕ್ಕ ಇಂಜಿನಿಯರಿಂಗ್ ಪದವಿ ಮಲ್ದಿನ ಮೆರೆಗ್ ಟ್ರೆಕ್ಕಿಂಗ್ ಬಗೆಟ್ ಒಲವು. 2023 ಡ್ ವಿಶ್ವದ ಎತ್ತರದ ಲಡಾಖ್ ನ ಉಮ್ಲಿಂಗ್ ಲಾ ಬೊಕ್ಕ ಮೌಂಟ್ ಎವರೆಸ್ಟ್ ಬೇಸ್ ಕ್ಯಾಂಪ್ ಮಿತ್ತ್ ತುಳುನಾಡುದ ಕೊಡಿ ಧ್ವಜವನ್ನು ರಾಪಾದೆರ್.
ಸಿದ್ವಿನ್ ಮೇರು 2024 ರ ಜುಲೈ 21 ಗ್ ಜಮ್ಮು ಬೊಕ್ಕ ಕಾಶ್ಮೀರಡ್ ತನ್ನ ಮೂಲಭೂತ ಪರ್ವತಾರೋಹಣ ಕೋರ್ಸ್ ನ್ ಮುಗಿತುದ್ ತನ್ನ ಯಾತ್ರೆನ್ ಸುರು ಮಲ್ತುದ್ ಅಯಿಟ್ ಯಶಸ್ಸು ಪಡೆದೆರ್.. ಟ್ರೆಕ್ಕಿಂಗ್ ಬೊಕ್ಕ ಪರ್ವತಾರೋಹಣಕ್ಕಾದ್ ಸಿದ್ವಿನ್ ಅರೆನ ಉಮೇದ್ ಅರೆನ್ ಭಾರತ, ನೇಪಾಳ ಬೊಕ್ಕ ಭೂತಾನ್ನಾದ್ಯಂತ ಕೆಲವಾರು ಸಾಹಸಲೆಡ್ ತೊಡಗಿಸಾವರೆಗ್ ಮಲ್ದುಂಡ್ ಆರು ಇದಮುಟ 51 ಟ್ರಕ್ಕಿಂಗ್ ಸೇರ್ದ್ ಕೆಲವಾರು ಸಾಧನೆಲೆನ್ ಮಲ್ದೆರ್. ಹೆಚ್ಚಾದ್ ಏಕಾಂಗಿಯಾದ್, ಬೊಕ್ಕ ಎತ್ತರದ ಜಾಗೆಲೆಗ್ ವ್ಯಾಪಕವಾಯಿನ ಬೈಕು ಸವಾರಿಲು ಬೊಕ್ಕ ತೀರ್ಥಯಾತ್ರೆಲೆನ್ ಮಲ್ಪರೆಗ್ ಪಿದಾಡಿನ ಸಿದ್ವಿನ್ ಮೇರು ನನಲಾತ್ ಸಾಧನೆಲೆನ್ ಮಲ್ಪಡ್ ಪಂಡುದ್ ಬಯಕುಗ.
by 