ಶ್ರೀಚಕ್ರಮಂಡಲ ಪೂಜೆ ಸಂಪನ್ನ.

ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ

ಶ್ರೀ ಚಕ್ರ ಮಂಡಲ ಪೂಜೆ ಸಂಪನ್ನ

ಉಡುಪಿ ದೊಡ್ಡಣ್ಣ ಗುಡ್ಡೆದ  ಶ್ರೀ ಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರಡ್ ಏಕಕಾಲ ಶ್ರೀ ಚಕ್ರ ಮಂಡಲ ಪೂಜೆ  ಕ್ಷೇತ್ರದ ಧರ್ಮದರ್ಶಿ ಶ್ರೀಯುತ ಶ್ರೀ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್, ಕುಕ್ಕಿ ಕಟ್ಟೆ ವೇದಮೂರ್ತಿ ರಾಘವೇಂದ್ರ ತಂತ್ರಿ ಲೆನ ಪ್ರಧಾನತ್ವಡ್ ಬಾರೀ  ವಿಜೃಂಭಣೆಡ್  ಸಂಪನ್ನ ಆಂಡ್…
ಆ ಪ್ರಯುಕ್ತ ಕ್ಷೇತ್ರಡ್ ಕಾಂಡೆ ದೇವತಾ ಪ್ರಾರ್ಥನೆ,, ಬೊಕ್ಕ ಶಾಸ್ತ್ರೋಕ್ತವಾಯಿನ ಅರಣಿಮಥನಡ್ದ್  ಅಗ್ನಿ ಜನನ ಮಲ್ತುದ್ ಆದ್ಯ ಗಣಪತಿಯಾಗ ನಡತುಂಡ್..
ಶ್ರೀ ಚಕ್ರ ಮಂಡಲ ಪೂಜೆಗ್  ವಿಶೇಷವಾದ್  ರಚನೆ ಮಲ್ತಿನ ಪುಷ್ಪಾಲಂಕೃತ ಮಂಟಪದುಲಾಯಿ  ಕ್ಷೇತ್ರ ಉಸ್ತುವಾರಿ ಶ್ರೀಮತಿ ಕುಸುಮ ನಾಗರಾಜ್ ದೀಪ ಪ್ರಜ್ವಲಿಸಾದ್ ಪಂಚವರ್ಣಾತ್ಮಕವಾದ್ ಬಿಂದು  ದೀದ್ ಶ್ರೀಚಕ್ರ ಮಂಡಲ ರಚನೆಗ್ ಚಾಲನೆ ಕೊರಿಯೆರು…
ಬಯ್ಯಡ್ ಆರಂಭವಾಯಿನ  ಶ್ರೀ ಚಕ್ರ ಮಂಡಲ ಪೂಜೆ . ಪೂಜೆಡ್  ಪುಷ್ಪಾರ್ಚನೆಗ್  ವಿಶೇಷ ಪ್ರಾಧಾನ್ಯತೆ ಇತ್ತುದ್ ಸುಗಂಧ ಭರಿತ  ಪುಷ್ಪಲೆಡ್ದ್  ಅಖಿಲಾಂಡ ಕೋಟಿ ಬ್ರಹ್ಮಾಂಡ ನಾಯಕಿಯಾಯಿನ  ಶ್ರೀ ರಾಜರಾಜೇಶ್ವರಿನ್ ಲಲಿತಾ ಸಹಸ್ರ ನಾಮ ಸಹಿತ ಬೇತೆ ಬೇತೆ ಸ್ತುತಿಟ್  ಸ್ತುತಿಸಾದ್ ಅರ್ಚನೆ ನೆರವೇರಿಸಾಯೆರ್..
ಶಾಸ್ತ್ರೋಲು  ಉಲ್ಲೇಖಿಸಿನಂಚ  ವಿಶೇಷವಾದ್ ನವ ನೈವೇದ್ಯಲೆನ್  ಅಲೆಗ್  ಸಮರ್ಪಣೆ ಮಲ್ತುದ್  ಶೋಡಸ ಆರತಿನ್  ಬೆಳಗಿಸಾದ್  ಚೆಂಡೆ ವಾದ್ಯ ನಾದದೊಟ್ಟುಗ್ ಅಷ್ಟಾವದನ ಸಹಿತವಾದ್  ಆರಾಧನೆ ಮಲ್ತೆರ್…
ವಿಶೇಷವಾದ್  ಸಮರ್ಥನೆ ಮಲ್ದಿನ ಅಷ್ಟಾವಧಾನ ಸೇವೆಡ್
ಸಂಗೀತ ಸೇವೆನ್  ಶ್ರೀಮತಿ ಚಂದ್ರಕಲಾ ಶರ್ಮ, ಯಕ್ಷಗಾನ ಸೇವೆನ್  ಶ್ರೀಮತಿ  ಭಾಗ್ಯಲಕ್ಷ್ಮಿ, ಪಂಚವಾದ್ಯ ಸಹಿತ ರುದ್ರನಾದ ಸೇವೆನ್  ನಾಗೇಂದ್ರ ಕುಡುಪು, ನಾದಸ್ವರ ವಾದನ ಸೇವೆ ಶ್ರೀಯುತ ಮುರಳಿದರ ಮುದ್ರಾಡಿ ಬೊಕ್ಕ  ತಂಡದಕುಲು  ನೃತ್ಯ ಸೇವೆನ್  ವಿದುಷಿ ಕುಮಾರಿ ಅನ್ವಿತಾ ಬೊಕ್ಕ  ಚತುರ್ವೇದ ಸಹಿತ ಬೇತೆ ಬೇತೆ ಸೇವೆನ್  ವಿಪ್ರೊತ್ತಮೆರು ನೆರವೇರಿಸಾಯೆರ್.