ತಗೊರಿ ಮಿತ್ತ ಮಣ್ಣ್~~~~~~
ದೇವೆರ್ ತಿರ್ಗಾಯಿ ತಗೊರಿದ ಮಿತ್ತ್‌ಡ್
ಪುಡಮಿ ಪನ್ಪುನ ಮಣ್ಣುಂಡು
ಮಾನಿಲೆ ರೂಪೊಡು ಬಗೆ ಬಗೆ ಬಾಜನ
ಒಡ್ಕೊನೆದಾಂತೆ ಬರೊಂದುಂಡು
ಪೇರ್‌ಗ್ ಕುದ್ಪೆ ನೀರ್‌ಗ್ ಕಡ್ಯಲ
ಕಜಿಪುಗು ಪೊರ್ಲುದ ಬಿಸಲೆ ಉಂಡು
ಪ್ರತಿ ಒಂಜೆಕ್‌ಲಾ ಬೇತೆ ಬೇತೆ ಬೇಲೆಲು
ಐತನೆ ಮುಂಡೊಡು ಬರೆದುಂಡು
ತೊರಿತ್‌ದ್ ಮೆಲಿತ್‌ದ್ ಗೇನೊಡು ತಟ್ಟ್‌ದ್
ಮಣ್ಣ್‌ಡ್ ಮೈಮೆನೆ ಅರಳ್‌ದ್ಂಡ್
ಜೀವನ ಸಾದಿಡ್ ಬೈತ್‌ದ್ ಕಣಿದಿನ
ಸುಲಬೊದ ಪೆಟ್ಟ್‌ಗ್ ನರ್ಗಂದ್
ಸೇವೆಗ್ ಬೆಂದ್‌ದ್‌ ಬೈತ್ಂಡ ದಾನೆ
ಬದ್‌ಕ್‌ಡ್ ಗೆಲ್ಮೆನ ತಿಕ್ಕುಂಡು
ಆವ್ಸ ಮುಗಿದ್ ಒರಿದಿನ ಓಡು
ಮಣ್ಣ್‌ಡ್ ಮಣ್ಣಾದ್ ಪೋಪುಂಡು
ವಿಶ್ವನಾಥ ಕುಲಾಲ್ ಮಿತ್ತೂರು
ತುಲುವೆರೆ ಕಲ
by 