ತುಳು ಚಿತ್ರರಂಗೊಗ್ ಶಿವಣ್ಣನ ಸಾಕಾರ

ತುಳು ಚಿತ್ರ ರಂಗೊಗು ಸಾಥ್ ಕೊರಿನ ಶಿವಣ್ಣ

ಬೆಂಗ್ಳೂರು : ಆಗಸ್ಟ್ 13: ಮಾಜಿ ಸಚಿವೆರಾಯಿನ ಕೃಷ್ಣ ಜೆ.ಪಾಲೆಮಾರ್ ಅರ್ಪಣೆ ಮಲ್ತಿನ ಸೆವೆಂಟಿ ಸೆವೆನ್ ಸ್ಟುಡಿಯೋಸ್ ರಾಘವೇಂದ್ರ ಕುಡ್ವ ಮೆರೆನ ನಿರ್ಮಾಣದ ದಸ್ಕತ್ ತುಳು ಚಲನಚಿತ್ರದ ಚಿತ್ರೀಕರಣ ಮುಗಿದುಂಡು . ಬುಡುಗಡೆಗ್ ತಯಾರ್ ಆವೊಂದು ಉಪ್ಪುನ ದಸ್ಕತ್ ಕೂಟ ಚಿತ್ರದ ಟೈಟಲ್ ಬೊಕ್ಕ ಫಸ್ಟ್ ಲುಕ್ ಪೋಸ್ಟರ್ ಬುಡುಗಡೆ ಮಲ್ದೆರ್.. ಚಿತ್ರರಂಗದ ಖ್ಯಾತ ನಟ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಬುಡುಗಡೆ ಮಲ್ದೆರ್.

ದಸ್ಕತ್ ಟೈಟಲ್ ಬೊಕ್ಕ ಫಸ್ಟ್ ಲುಕ್ ಪೋಸ್ಟರ್‌ ಬುಡುಗಡೆ ಮಲ್ತಿನ ಶಿವಣ್ಣ, ‘ತುಳು ಸಿನಿಮಾ ದಸ್ಕತ್‌ ಫಸ್ಟ್ ಲುಕ್ ರಿಲೀಸ್‌ ಆತುಂಡು . ದಸ್ಕತ್‌ ಪಂಡ ಸಹಿ ಪಂದ್ ಅರ್ಥ. ಇದುಉಂದು ಒಂಜಿ ವಿಲೇಜ್‌ ಡ್ರಾಮ. ಸಂಪೂರ್ಣ ದಸ್ಕತ್ ಚಿತ್ರಕೂಟಗ್ ಗುಡ್‌ ಲಕ್’ ಪಂದ್ ಎಡ್ಡೆಪ್ಪುದ ನುಡಿ ಕೊರಿಯೆರ್.

ಸಂತೋಷ್ ಆಚಾರ್ಯ ಗುಂಪಲಾಜೆ ಮೆರೆನ ಛಾಯಾಗ್ರಹಣದ ದಸ್ಕತ್ ಚಿತ್ರಗ್ ಗಣೇಶ್ ನೀರ್ಚಾಲ್ ಸಂಕಲನ ಮಲ್ದೆರ್ . ಚಿತ್ರಗ್ ಸಮರ್ಥನ್ ಎಸ್.ರಾವ್ ಮೆರೆನ ಸಂಗೀತಾ ಉಂಡು . ದಸ್ಕತ್ ಚಿತ್ರಡ್ ನಾಯಕಿಯಾದ್ ನೀನಾದೇ ನಾ ಧಾರಾವಾಹಿ ಖ್ಯಾತಿದ ಭವ್ಯ ಪೂಜಾರಿ ಮೋನೆಗ್ ರಂಗ್ ಪಾಡ್ದೆರ್ . ಆತೆ ಅತ್ತoದೆ ದೀಕ್ಷಿತ್ ಕೆ ಅಂಡಿಂಜೆ , ಚಂದ್ರಹಾಸ್ ಉಲ್ಲಾಳ್, ಯುವ ಶೆಟ್ಟಿ , ಮೋಹನ್ ಶೇಣಿ, ದೀಪಕ್ ರೈ ಪಾಣಾಜೆ, ನೀರಜ್ ಕುಂಜರ್ಪ, ಮಿಥುನ್ ರಾಜ್ ತಿಮ್ಮಪ್ಪ ಕುಲಾಲ್, ಯೋಗಿಶ್ ಶೆಟ್ಟಿ, ಚೇತನ್ ಪಿಲಾರ್ ಇಂಚಿನ ಕಲಾವಿದೆರ್ ಉಲ್ಲೆರ್.