ತುಲು ರುಬಾಯಿ

1.ಏರ್ಲ ಪಂಡಿನ ಕೇಂದ್ ಸಾದಿ ತಪ್ಪಡ
ಅಪ್ಪೆ ಅಮ್ಮನ್ ದಂಟ್‌ದ್ ನಡಪಡ
ನಿಕ್ಕಾದ್ ಅಕ್ಲು ಬತ್ತಿ ಬಂಙ ಏತಿಪ್ಪು?
ಕಾಲ ಇಂಚೆನೇ ಇಪ್ಪುಜಿ ಮರಪಡ

✍️ಪದ್ಮನಾಭ ಪೂಜಾರಿ ಬಂಟ್ವಾಳ

2.ತಾಪತ್ರೆಲು ಪತ್ತ್‌ದ್ಂಡೆನ್ನ ಬೆರಿಕ್ಕ್
ಬೆಯ್ಯೊಂದುಲ್ಲೆನಾ ಪಾತೆರದಾ ಉರಿಕ್ಕ್
ಬೀಜಡೊರ ಎನ್ನಂಚಿ ಸಂಪುದ ಗಾಳಿ
ಎಲ್ಲೆದ ಸುಖೊನು ಕಾಪಿನವೇ ಬದ್ಕ್

✍️ರವೀಂದ್ರ ಕುಲಾಲ್ ವರ್ಕಾಡಿ

3.ನಡಪುನ ಸಾದಿಡ್ ಒರಿಯಡ್ ಪಜ್ಜೆ ದುನಿಪು
ತಪ್ಪುನು ತಿದ್ದೊಂದು ಈ ದುಂಬರಿಲ ಆ ದೈವ ಕಾಪು
ಏರೆಗ್ಲ ಅನ್ಯಾಯ ಮಲ್ಪಂದೆ ಮಿತ್ತೇರೊಡು ಗದ್ದುಗೆ
ಕಡಿಯಂದಿಲೆಕ್ಕ ಒರಿತೊನು ಎಡ್ಡೆಂತಿ ಮದಿಪು

✍️ ಅಶ್ವಿಜ ಶ್ರೀಧರ್

4.ಇಪ್ಪುನೊಂಜಿ ಬದ್ಕ್‌ನ್ ಪೊರ್ಲುಡೆ ಕರಿಪುಗ
ಯಾನೇ ಮಲ್ಲೆ, ಎನರ್ದೆ ಪನ್ಪಿನ ಮದಪುಗ
ಕಾಸ್, ಮಲ್ಲಾದಿಗೆ ಅಂಗಲಾಪು ಎಡ್ಡೆಗತ್ತ್
ನಾಲ್ ಜನೊತ ಮೋಕೆನೇಪಲಾ ಒರಿಪುಗ

✍️ರಾಜೇಶ್ ಶೆಟ್ಟಿ ದೋಟ

5.ಆಟಿ ಪೋಪುಂಡು ಆಡೊಂದ್
ಸೋಣ ಬರ್ಪುಂಡು ಬಲ್ತೊಂದ್
ಬರ್ಸ ಬರೊಡು ಎಡ್ಡೆಡ್
ಇಪ್ಪೊಡು ಭೂಮಿ ತೆಲ್ತೊಂದು

✍️ಕುಸುಮ್ ಸಾಲಿಯಾನ್ ಪುಣೆ

ತುಲುವೆರೆ ಕಲ