ತುಳು ಸಮ್ಮೇಳನ

ಮಾರ್ಚ್ 16 ದಾನಿ ತುಳುವರ್ಲ್ಡ್ ಸಂಸ್ಥೆಡ್ಡ್ ತುಳು ರಾಷ್ಟ್ರೀಯ ಸಮ್ಮೇಳನ

ಕಟೀಲ್: ತುಳುವರ್ಲ್ಡ್ ಫೌಂಡೆಶನ್ ಶ್ರೀ ಕ್ಷೇತ್ರ ಕಟೀಲ್ಡ್ ಜನವರಿ 29 ದಾನಿ ಶ್ರೀ ಶ್ರೀಹರಿ ನಾರಾಯಣ ಆಸ್ರಣ್ಣ ಮೆರೆನ ಅಧ್ಯಕ್ಷತೆಡ್ ನಡತಿನ ವಿಚಾರ ಸಂಕಿರಣದ ಪೂರ್ವಭಾವಿ ಸಭೆಟ್ ತುಳುರಾಷ್ಟ್ರಿಯ ವಿಚಾರಸಂಕಿರಣ ಮಾರ್ಚ್ 16 , ಐತಾರದಾನಿ ಕಟೀಲ್ ಕಾಲೇಜ್ ಡ್ ನಡಪುನ , ಅಂಚನೆ ತುಳುನಾಡ ಆದಿಮೂಲ ದೈವಲಾಯಿನ ಬೆರ್ಮೆರ್ ಬೊಕ್ಕ ಲೆಕ್ಕೇಸಿರಿನ ಬಗೆಟ್ ಪಾಡ್ದನ, ಆಲಡೆಲು ಬೊಕ್ಕ ಪ್ರಾದೇಶಿಕತೆದ ಮಿತ್ತ್ ಅಧ್ಯಯನ ಪನ್ಪಿನ ವಿಷಯದ ಮಿತ್ತ್ ಸಂಕಿರಣ ನಡಪುಂಡು ಪನ್ಪಿನ ನಿರ್ಧಾರ ಆಂಡ್.
ತುಳು ವಿಚಾರ ಸಂಕಿರಣ ಸುಮಾರ್ ನೂದು ಸಂಶೋಧನಾ ಲೇಖನಲೆನ್ ಸ್ವೀಕಾರ ಮಲ್ಪುನ ಉದ್ದೇಶ ದೀತ . ಆದಿಮೂಲ ದೈವ ಬೆರ್ಮೆರ್, ಲೆಕ್ಕೇ ಸಿರಿ, ಪಾಡ್ದನ, ಬೆರ್ಮೆರ್ ಬೊಕ್ಕ ಬೈದ್ಯೆರ್, ಮುಗೇರ ಕಲಟು ಬೆರ್ಮೆರ್, ನಾಗ ಬೆರ್ಮೆರ್, ಬೆರ್ಮೆರ್ ಬನ, ಲೆಕ್ಕೇಸಿರಿ ಬನ, ಕಂಬುಲ, ಪೂಕರೆ, ಪ್ರಾದೇಶಿಕ ಬೆರ್ಮೆರ್, ಶಾಸ ನೊಡು ಬೆರ್ಮೆರ್, ಇಂಚಿತ್ತಿನ ವಿಷಯದ ಮಿತ್ತ್. ನಾಲೆಡ್ಡ್ ಆಜಿ ಪುಟತುಲಾಯಿದ ಸಂಶೋಧನಾ ಲೇಖನ , 250 ದ್ದು 300 ಶಬ್ದದುಲಾಯಿ ಸಾರಾಂಶ ಲೇಖನೊನು ತುಳು ( ಕನ್ನಡ ಲಿಪಿ) , ಕನ್ನಡ, ಮಲಯಾಳ ಬೊಕ್ಕ ಇಂಗ್ಲಿಷ್ ಭಾಷೆಲೆಟ್ ಇಮೇಲ್/ ಪೋಸ್ಟ್ ಕಡ್ಫೂಡೋಡು ಪಂಡಡ್ಡ್ ವಿಚಾರ ಸಂಕಿರಣದ ಸಂಯೋಜಕರಾಯಿನ ಪ್ರೊ. ಪುರುಷೋತ್ತಮ ಬಲ್ಯಾಯರ್ ಮನವಿ ಮಲ್ದೆರ್. ಸಭೆಟ್ ಸಂಸ್ಥೆದ ಸ್ಥಾಪಕ ನಿರ್ದೇಶಕರಾಯಿನ ಡಾ.ರಾಜೇಶ್ ಕೃಷ್ಣ ಆಳ್ವ , ಶ್ರೀ ದೇವಪ್ಪ ಶೆಟ್ಟಿ, ಶ್ರೀ ವಸಂತ ರೈ, ಉಪಾಧ್ಯಕ್ಷೆ ಶ್ರೀಮತಿ ತಾರಾ ಆಚಾರ್ಯ, ಶ್ರೀ ಕಟೀಲ್ ಉಮೇಶ ಶೆಟ್ಟಿ., ಉಪನ್ಯಾಸಕೆರಾಯಿನ ಶ್ರೀ ಸುಧೀರ್ , ಪದಾಧಿಕಾರಿಲು , ಸದಸ್ಯೆರ್ ಪಾಲ್ ಪಡೆದೆರ್.

ಲೇಖನ ಕಡ್ಫೂಡರೆ ಕಡೆತ ದಿನ ಫೆಬ್ರವರಿ 20..

ಸಂಶೋಧನಾ ಲೇಖನ ಕಡ್ಫೂಡಾಯಿನ ಇಮೇಲ್:
[email protected]

ಪೋಸ್ಟ್ ಅಡ್ರೆಸ್
ಪ್ರೊ. ಪುರುಷೋತ್ತಮ ಬಲ್ಯಾಯ
ವಿಂಧ್ಯವಾಸಿನಿ , ಕೊಲ್ಕೆರೆ, ಬಸ್ರೂರು
ಉಡುಪಿ ಜಿಲ್ಲೆ . ಪಿನ್ 576211