ತುಳು ಅಕಾಡೆಮಿಡ್ದ್ ಶಿಬಿರ

19- 20 : ತುಳು ಅಕಾಡೆಮಿಡ್ದ್  ಬರವಣಿಗೆ ಶಿಬಿರ

ಮಂಗಳೂರು : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ  ಪುತ್ತೂರು ಸರಕಾರಿ ಪ್ರಥಮ ದರ್ಜೆ ಮಹಿಳಾ ಕಾಲೇಜು ವತಿಡ್ದ್  ರಡ್ಡ್ ದಿನತ್ತ ಮಾಧ್ಯಮ ಬರವಣಿಗೆ ತರಬೇತಿ ಶಿಬಿರನ್  ಸೆ.19 ಬೊಕ್ಕ  20 ಗ್  ಪುತ್ತೂರು ತಾಲೂಕು ಪಂಚಾಯತ್ ಸಭಾಭವನಡ್ ಆಯೋಜನೆ ಮಲ್ದುಂಡ್..
ಸೆ.19  ಕಾಂಡೆ ಶಿಬಿರದ ಉದಿಪನೆ ನಡಪರೆಗುಂಡ್.. ತುಳು ಅಕಾಡೆಮಿ ಸದಸ್ಯ ಕುಂಬ್ರ ದುರ್ಗಾ ಪ್ರಸಾದ್ ರೈ ಮೇರು ಉದಿಪನೆ ಮಲ್ಪುವೆರು . ಕಾಲೇಜಿದ ಪ್ರಾಂಶುಪಾಲೆರಾಯಿನ  ಡಾ.ಗೋಪಾಲಕೃಷ್ಣ ಗುರ್ಕಾರ್ಮೆಡಿಪ್ಪುವೆರು . ಉಪನ್ಯಾಸಕರಾಯಿನ ಪ್ರೊ.ಸ್ಟೀವನ್ ಕ್ವಾಡ್ರಸ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರೆಗುಲ್ಲೆರ್.
ಕಾಲೇಜಿದ  ಕನ್ನಡ ವಿಭಾಗದ ಮುಖ್ಯಸ್ಥ ಡಾ.ನರೇಂದ್ರ ರೈ ದೇರ್ಲ ಮೇರು ಶಿಬಿರದ ನಿರ್ದೇಶಕೆರಾದ್  ಶಿಬಿರನ್ ನಡಪಾದ್ ಕೊರ್ಪೆರ್. .
ಶಿಬಿರಡ್  ಸಂಪನ್ಮೂಲ ವ್ಯಕ್ತಿಲಾದ್  ಪತ್ರಕರ್ತೆರಾಯಿನ ದುರ್ಗಾ ಕುಮಾರ್ ನಾಯರ್ ಕೆರೆ, ಸುಧಾಕರ್ ತಿಂಗಳಾಡಿ, ಉಪನ್ಯಾಸಕೆರಾಯಿನ ಭವ್ಯ ನಿಡ್ಪಳ್ಳಿ, ಐವನ್ ಲೊಬೋ, ನಂದ ಕಿಶೋರ್, ಪ್ರಾಂಶುಪಾಲ ರಾಕೇಶ್ ಕೆಮ್ಮಾಜೆ  ಪಾಲ್ ಪಡೆಯರೆಗುಲ್ಲೆರು ಪಂಡುದು ಅಕಾಡೆಮಿ ಅಧ್ಯಕ್ಷ ತಾರಾನಾಥ್ ಗಟ್ಟಿ ಕಾಪಿಕಾಡ್ ಪ್ರಕಟಣೆಡ್  ತೆರಿಪಾದೆರ್..