ವೈದ್ಯಕೀಯ ಕ್ಷೇತ್ರೊಡ್ ತುಳುಕೋಟಾದ ರಿಸರ್ವೇಶನ್ ಸೀಟುನ್ ಕ್ಯಾನ್ಸಲ್ ಮಲ್ತುದ್ ಸರ್ಕಾರ ತುಳುನಾಡುದ ವೈದ್ಯಕೀಯ ವಿದ್ಯಾರ್ಥಿಲೆಗ್ ಸರ್ಕಾರ ಅನ್ಯಾಯ ಮಲ್ತೊಂದುಂಡ್ ಪಂಡುದು ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಬೇಜಾರುಡ್ ಪಾತೆರಿಯೆರ್. ಆರ್ ತುಳುಕೂಟ ಉಡುಪಿ(ರಿ). ಆಯೋಜನೆಡ್ ಉಡುಪಿದ ಎಮ್. ಜಿ. ಎಮ್. ಕಾಲೇಜಿದ ಮುದ್ದಣಮಂಟಪಡ್ ನಡತಿನ ಕೆಮ್ತೂರು ದೊಡ್ಡಣ ಶೆಟ್ರೆನ ನೆಂಪುದ 23ನೇ ವರ್ಷದ ತುಳುನಾಟಕ ಪಂತೊದ ಇನಾಮು ಪಟ್ಟುನ ಲೇಸ್ ಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.ತುಳುನಾಡುದ ಬಡವಿದ್ಯಾರ್ಥಿಲೆಗಾದ್ ಇತ್ತಿನ ತುಳುಕೋಟಾ ಇತ್ತೆ ಕ್ಯಾನ್ಸಲ್ ಆದ್ ತುಳುವೆರೆ ಜೋಕುಲು ವೈದ್ಯಕೀಯ ಕ್ಷೇತ್ರೊಡ್ ಕಾರ್ ದೀಯಂದಿಲೆಕ್ಕ ಆತುಂಡ್. ಅಂಚಾದ್ ಸರ್ಕಾರ ಈ ಬಗೆಟ್ ಕೂಡಲೇ ಎಚ್ಚರ ವಹಿಸಾದ್ ತುಳುಕೋಟಾದ ಸೀಟುನ್ ತುಳುವೆರೆಗ್ ಮೀಸಲಾದ್ ದೀಯೊಡ್ ಪಂಡುದ್ ಪಂಡೆರ್. ಕಜ್ಜೊಡ್ ತುಳುಕೂಟದ ಗುರ್ಕಾರೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಗುರ್ಕಾರ್ಮೆಡಿತ್ತುದ್ ಪ್ರಾಸ್ತವಿಕ ಪಾತೆರಿಯೆರ್. ಉಡುಪಿ ನಗರಸಭೆತ್ತ ಅಧ್ಯಕ್ಷೆರಾಯಿನ ಶ್ರೀ ಪ್ರಭಾಕರ ಪೂಜಾರಿ,ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆದ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ, ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್, ಕ್ರಷ್ಣಮೂರ್ತಿ ಆಚಾರ್ಯ ತುಳುಕೂಟದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್. ತುಳುನಾಟಕ ಪಂತೊಡ್ ಇನಾಮು ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್.