ತುಳುನಾಟಕ ಪಂತೊದ ಇನಾಮು

ತುಳುಕೂಟ ಉಡುಪಿ ದ ವತಿಡ್ದ್ ನಡದಿನ ಕೆಮ್ತೂರು ತುಳುನಾಟಕ ಪರ್ಬದ ಇನಾಮು ಪಟ್ಟುನ ಲೇಸ್ ಜ. 26ತಾರೀಕುಗ್ ಐತಾರದಾನಿ ಬಯ್ಯಗ್ 5.30ಗಂಟೆಗ್ ಎಮ್. ಜಿ. ಎಮ್. ಕಾಲೇಜಿದ ಮುದ್ದಣಮಂಟಪಡ್ ತುಳುಕೂಟದ ಗುರ್ಕಾರೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಗುರ್ಕಾರ್ಮೆಡ್ ನಡಪರೆಗುಂಡ್ ಪಂಡುದ್   ತುಳುನಾಟಕ ಪಂತೊದ ಸಂಚಾಲಕೆರಾಯಿನ ಕೆ. ಪ್ರಭಾಕರ ಭಂಡಾರಿ ತೆರಿಪಾದೆರ್.

ಕಜ್ಜೊಡ್ ಮಲ್ಲ ಬಿನ್ನೆರಾದ್ ಉಡುಪಿ ಶಾಸಕೆರಾಯಿನ ಶ್ರೀ ಯಶ್ ಪಾಲ್ ಸುವರ್ಣ, ಉಡುಪಿ ನಗರಸಭೆತ್ತ ಅಧ್ಯಕ್ಷೆರಾಯಿನ ಶ್ರೀ ಪ್ರಭಾಕರ ಪೂಜಾರಿ, ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆದ ಸಹಾಯಕ ನಿರ್ದೇಶಕೆರಾಯಿನ ಶ್ರೀಮತಿ ಪೂರ್ಣಿಮಾ, ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್, ಸಮಾಜಸೇವಕೆರಾಯಿನ ಶ್ರೀ ಕೃಷ್ಣಮೂರ್ತಿ ಆಚಾರ್ಯ ಮೊಕುಲು ಪಾಲ್ ಪಡೆಯರೆಗುಲ್ಲೆರ್.

ಕಜ್ಜೊಡ್ ರಂಗಕಲಾವಿದೆರಾಯಿನ ಶ್ರೀ ಭಾಸ್ಕರ್ ಮಣಿಪಾಲ ಮೆರೆಗ್ ಮಾನಾದಿಗೆ ನಡಪುಂಡ್. ಸಭಾಕಜ್ಜೊಡ್ ಬೊಕ್ಕ ಕೆಮ್ತೂರು ತುಳುನಾಟಕ ಪ್ರಶಸ್ತಿ -2025 ಗೆಂದಿನ ಸುಮನಸಾ ಕೊಡವೂರು ಮೊಕ್ಲೆನ “ಈದಿ”ನಾಟಕದ ಮರುಪ್ರದರ್ಶನ ನಡಪುಂಡ್ ಪಂಡುದ್ ತೆರಿಪಾದೆರ್. ನಾಟಕಕಲಾಭಿಮಾನಿಲು ಈ ಕಜ್ಜೊಗ್ ಹೆಚ್ಚಿನ ಪ್ರೋತ್ಸಾಹ ಕೊರೊಡು ಪಂಡುದ್ ಬಿನ್ನಪ ಮಲ್ತುದೆರ್.