ರಾಜ್ಯಪಾಲೆರ್

“ಸಕಾರಾತ್ಮಕ ಮನೋಭಾವನ್  ಅಳವಡಿಸಾಶರೆಗ್ ಕ್ರೀಡೆ ಪ್ರೇರೇಪಣೆ ಮಲ್ಪುಂಡ್”: ರಾಜ್ಯಪಾಲರು

23.01.2025 ಉಡುಪಿ: “ಕ್ರೀಡೆಡ್ ಪಾಲ್ ಪಡೆಂಡ ತಂಡದ ಕೆಲಸ ಬೊಕ್ಕ  ಸಹಕಾರದ ಭಾವನೆ ಹೆಚ್ಚಾಪುಂಡ್. ಬೊಕ್ಕಏಕತೆ, ಶಿಸ್ತು ಬೊಕ್ಕ  ಸಮಾನತೆದಂಚಿನ  ಗುಣಕುಲೆನ್  ಅಭಿವೃದ್ಧಿ ಮಲ್ಪುಂಡ್” ಪಂಡುದು ಕರ್ನಾಟಕದ ಗೌರವಾನ್ವಿತ ರಾಜ್ಯಪಾಲೆರಾಯಿನ  ಶ್ರೀ ಥಾವರ್ ಚಂದ್ ಗೆಹ್ಲೋಟ್ ಮೇರು ಪಂಡೆರು.

ಕರ್ನಾಟಕ ಒಲಿಂಪಿಕ್ ಅಸೋಸಿಯೇಷನ್ ಉಡುಪಿಡ್ ಆಯೋಜನೆ ಮಲ್ದಿನ ರಾಜ್ಯ ಕ್ರೀಡಾಕೂಟ -2025 ತ್ತ ಸಮಾರೋಪ ಸಮಾರಂಭಡ್ ಮುಖ್ಯಅತಿಥಿಯಾದ್  ಭಾಗವಹಿಸಾದ್  ಆರು ಪಾತೆರಿಯೆರು. “ನಮ್ಮ ದೇಹನ್ ಆರೋಗ್ಯಕರವಾದ್ ಬೊಕ್ಕ  ಕ್ರಿಯಾಶೀಲವಾದ್ ದೀಯರೆಗ್ ಕ್ರೀಡೆಲು ಪ್ರಮುಖ ಕೊಡುಗೆನ್ ಕೊರ್ಪುಂಡ್. ಕ್ರೀಡೆ ಒತ್ತಡ ಬೊಕ್ಕ ಆತಂಕನ್  ಕಮ್ಮಿ ಮಲ್ಪುಂಡ್, ಕೇಂದ್ರೀಕರಿಸಾವುನ  ಸಾಮರ್ಥ್ಯನ್  ಹೆಚ್ಚ ಮಲ್ಪುಂಡ್ ಬೊಕ್ಕ ನಿರ್ಧಾರ ದೆತೊಂಬಿನ  ಸಾಮರ್ಥ್ಯನ್ ಬಲಪಡಿಸಾವುಂಡ್” ಪಂಡೆರು.

” ನಮ ಕ್ರೀಡೆನ್ ನಮ್ಮ ಜೀವನದ ನಿಯಮಿತ ಭಾಗವಾದ್ ಮಲ್ತೊನೊಡು. ಕ್ರೀಡೆಲು ನಮ್ಮ ಜೀವನದ ಅವಿಭಾಜ್ಯ ಅಂಗವಾದುಂಡ್, ಉಂದು ನಮ್ಮ ಜೀವನನ್ ಶಕ್ತಿ ಬೊಕ್ಕ ಉತ್ಸಾಹಡ್  ದಿಂಜಾವುಂಡ್. ಮನರಂಜನೆದೊಟ್ಟುಗ್  ನಮ್ಮ ದೈಹಿಕ, ಮಾನಸಿಕ, ಬೌದ್ಧಿಕ ಬೊಕ್ಕ ಸಾಮಾಜಿಕ ಬೆಳವಣಿಗೆಡುಲಾ  ಪ್ರಮುಖ ಪಾತ್ರ ಮಲ್ಪುಂಡ್. ಕ್ರೀಡೆ ಜೀವನದ ಒಂಜಿ ತತ್ವಶಾಸ್ತ್ರವಾದುಂಡ್. ಜೀವನಡ್ ಶಿಸ್ತು, ಸಂಯಮ, ಹೋರಾಟ ಬೊಕ್ಕ ಸಕಾರಾತ್ಮಕ ಮನೋಭಾವನ್  ಅಳವಡಿಸಾವರೆಗ್ ಕ್ರೀಡೆಲು ನಮನ್ ಪ್ರೇರೇಪಣೆ ಮಲ್ಪುಂಡ್” ಪಂಡುದು ಪಂಡೆರು.

“ಭಾರತಡ್  ಕ್ರೀಡೆಲೆನ್ ಉತ್ತೇಜನೆ ಮಲ್ಪರೆಗ್, ಕೇಂದ್ರ ಯುವ ಮತ್ತು ಕ್ರೀಡಾ ಸಚಿವಾಲಯದ ಅಡಿಟ್ ಕಾರ್ಯನಿರ್ವಹಣೆ ಮಲ್ಪುನ ಭಾರತೀಯ ಕ್ರೀಡಾ ಪ್ರಾಧಿಕಾರ ಕ್ರೀಡಾ ಚಟುವಟಿಕೆಲೆಗ್  ಪರಿಣಾಮಕಾರಿ ಯೋಜನೆಲೆನ್  ಮಲ್ದುಂಡ್  ಬೊಕ್ಕ ಜಾರಿ ಮಲ್ದುಂಡ್. ಖೇಲೋ ಇಂಡಿಯಾ ಅಭಿಯಾನ  ಕ್ರೀಡೆದಂಚಿ ಆಸಕ್ತಿನ್ ಆಕರ್ಷಿಸಾವುನಲ್ಪ   ದೇಶದ ಮೂಲೆ ಮೂಲೆಡುಪ್ಪುನ ಯುವ ಪ್ರತಿಭೆಲೆನ್  ಗುರುತಿಸಾವುನಲ್ಪ  ಪ್ರಮುಖ ಪಾತ್ರ ವಹಿಸಾದುಂಡ್. ಅಯಿತ್ತ ಫಲಿತಾಂಶ ಇನಿ  ನಮ್ಮ  ದುಂಬುಡ್ ಉಂಡು. ಭಾರತೀಯ ಆಟಗಾರೆರ್ ಏಷ್ಯನ್, ಒಲಿಂಪಿಕ್ ಬೊಕ್ಕ ಪ್ಯಾರಾಲಿಂಪಿಕ್ ಕ್ರೀಡಾಕೂಟಲೆಡ್ ಅತ್ಯುತ್ತಮ ಪ್ರದರ್ಶನ ಕೊರ್ಪಿನ  ಮೂಲಕ ದೇಶಗ್ ಕೀರ್ತಿ ಕನದೆರ್” ಪಂಡುದು ಶ್ಲಾಘನೆ ಮಲ್ತೆರು.

“ಕ್ರೀಡೆಡ್  ಅಂಗವಿಕಲ ಆಟಗಾರರೆನ್ ಪ್ರೋತ್ಸಾಹ ಮಲ್ಪರೆಗ್, ದೇಶಡ್  ಅಂಗವಿಕಲರೆಗಾದ್ ಕ್ರೀಡಾ ಕೇಂದ್ರಲೆನ್ ಸ್ಥಾಪನೆ ಮಲ್ತೊಂದುಂಡ್.  ಒಂಜಿ ಮಧ್ಯಪ್ರದೇಶದ ಗ್ವಾಲಿಯರ್. ಅಂಗವಿಕಲ ಆಟಗಾರೆರು ತರಬೇತಿ ಪಡೆಯೊಂದುಪ್ಪುನ ಜಾಗೆಡ್  ಸಿದ್ಧಮಲ್ದುಂಡ್. ಕರ್ನಾಟಕ ಸರ್ಕಾರ ಬೇತೆ ಬೇತೆ ಯೋಜನೆದ  ಮೂಲಕ ಕ್ರೀಡಾ ಚಟುವಟಿಕೆಲೆನ್ ಉತ್ತೇಜನೆ ಮಲ್ಪುಂಡ್. ಕರ್ನಾಟಕ ರಾಜ್ಯ  ಮಸ್ತ್ ಶ್ರೇಷ್ಠ ಆಟಗಾರೆರೆನ್ ಪುಟ್ಟು ಪಾಡುದುಂಡ್. ಜಾಗತಿಕ ಮಟ್ಟಡ್ ರಾಜ್ಯ ಬೊಕ್ಕ ದೇಶಗ್ ಕೀರ್ತಿ ಕನದಿನಕುಲು. ಆ ಆಟಗಾರೆರೆಡ್ದ್  ಸ್ಫೂರ್ತಿ ಪಡೆತುದು ದುಂಬರಿಯೊಡು” ಪಂಡುದು ಲೆಪ್ಪು ಕೊರಿಯೆರು.

“ಬೇತೆ ಬೇತೆ ಹಂತೊಲೆಡ್ ಅತ್ಯುತ್ತಮ ಪ್ರದರ್ಶನ ಕೊರಿನ ಆಟಗಾರೆರೆನ್ ಪುರಸ್ಕಾರ ಮಲಾಪುನವ್  ಬೊಕ್ಕ ಬೇತೆ ಬೇತೆ ಸರ್ಕಾರಿ ಸೇವೆಲೆಡ್  ಮೀಸಲಾತಿ ಕೊರ್ಪುನೊಟ್ಟುಗ್ ಕರ್ನಾಟಕ ಸರ್ಕಾರ  ಆಟಗಾರೆರೆಗ್ ಅಂತರರಾಷ್ಟ್ರೀಯ ಮಟ್ಟದ ಆಧುನಿಕ ಕ್ರೀಡಾ ಸೌಲಭ್ಯಲೆನ್ ಸಹ ಒದಗಿಸಾವೊಂದುಂಡ್. ಬೆಂಗಳೂರುದ ಕಂಠೀರವ ಸ್ಟೇಡಿಯಂಡ್  ಸ್ಟೇಡಿಯಂ ನ್ ನವೀಕರಣ ಮಲ್ದುಂಡ್ ಬೊಕ್ಕ ಅತ್ಯಾಧುನಿಕ ಕ್ರೀಡಾ ವಿಜ್ಞಾನ ಕೇಂದ್ರನ್ ಸ್ಥಾಪನೆ ಮಲ್ಪುನೊಟ್ಟುಗ್ ಅಂತರರಾಷ್ಟ್ರೀಯ ಗುಣಮಟ್ಟದ ಅತ್ಯಾಧುನಿಕ ಕ್ರೀಡಾ ಸೌಲಭ್ಯಲೆನ್  ಒದಗಿಸಾವರೆಗ್  ವಿಸ್ತರಣೆ ಮಲ್ದುಂಡ್. SAI ಶೂಟಿಂಗ್ ಶ್ರೇಣಿನ್  ಅತ್ಯಾಧುನಿಕ ಸೌಲಭ್ಯದೊಟ್ಟುಗ್ ನವೀಕರಣ ಮಲ್ದುಂಡ್. ಈ ಆಧುನಿಕ ಸೌಲಭ್ಯಲ್ ಇತ್ತಿನ  ಕ್ಯಾಂಪಸ್‌ ಲು  ಪೊಸ ಕ್ರೀಡಾ ಪ್ರತಿಭೆಲೆನ್ ಅಭಿವೃದ್ಧಿ ಮಲ್ಪರೆಗ್  ಸಹಾಯ ಮಲ್ಪುಂಡ್” ಪಂಡೆರು.

   ಶಾಸಕ ಯಶ್ಪಾಲ್ ಎ ಸುವರ್ಣ ಕಾರ್ಯಕ್ರಮದ ಅಧ್ಯಕ್ಷತೆ ಡಿತ್ತೆರು.
   ಕಾರ್ಯಕ್ರಮಡ್ ಗೃಹ ಸಚಿವರಾಯಿನ ಡಾ. ಜಿ.ಪರಮೇಶ್ವರ್, ಫೀಬಾ ಏಷ್ಯಾ ಬೊಕ್ಕ ಕರ್ನಾಟಕ ಒಲಂಪಿಕ್ ಸಂಸ್ಥೆದ ಅಧ್ಯಕ್ಷ ಡಾ.ಕೆ ಗೋವಿಂದರಾಜ್, ಸಂಸದರಾಯಿನ ಕೋಟ ಶ್ರೀನಿವಾಸ ಪೂಜಾರಿ,ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆದ ಸಚಿವ ಅಭಯ ಚಂದ್ರ ಜೈನ್, ಶಾಸಕೆರಾಯಿನ  ಗುರ್ಮೆ ಸುರೇಶ್ ಶೆಟ್ಟಿ,ಗುರುರಾಜ್ ಶೆಟ್ಟಿ ಗಂಟಿಹೊಳೆ, ಎ ಕಿರಣ್ ಕುಮಾರ್ ಕೊಡ್ಗಿ, ವಿಧಾನಪರಿಷತ್ ಶಾಸಕೆರಾಯಿನ ಮಂಜುನಾಥ್ ಭಂಡಾರಿ,ಕರ್ನಾಟಕ ಗೇರು ಅಭಿವೃದ್ಧಿ ನಿಗಮದ ಅಧ್ಯಕ್ಷೆ ಮಮತ ಡಿ.ಎಸ್ ಗಟ್ಟಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷ ತಾರಾನಾಥ್ ಗಟ್ಟಿ ಕೆ, ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷ ಉಮರ್ ಯು.ಹೆಚ್, ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ದಿನಕರ ಹೇರೂರು, ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಮಲ್ಲೈ ಮುಗಿಲನ್, ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಸಿ. ಇ.ಓ ಡಾ..ಆನಂದ್ ಕೆ, ದಕ್ಷಿಣ ಕನ್ನಡ ಪೊಲೀಸ್ ಅಧೀಕ್ಷಕ ಯತೀಶ್ ಎನ್, ಕರ್ನಾಟಕ ಒಲಂಪಿಕ್ ಸಂಸ್ಥೆದ ಮಹಾ ಕಾರ್ಯದರ್ಶಿ ಟಿ ಅನಂತರಾಜು, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ಸರಕಾರದ ಕಾರ್ಯದರ್ಶಿ ರಂದೀಪ್ ಡಿ, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆದ ಆಯುಕ್ತ ಚೇತನ್ ಆರ್., ಉಡುಪಿ ಜಿಲ್ಲಾಧಿಕಾರಿ ಡಾ. ಕೆ ವಿದ್ಯಾ ಕುಮಾರಿ, ಉಡುಪಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಪ್ರತೀಕ್ ಬಾಯಲ್, ಜಿಲ್ಲಾ ಪೋಲಿಸ್ ಅಧೀಕ್ಷಕ ಡಾ. ಅರುಣ್ ಕೆ, ಮಣಿಪಾಲ ಮಾಹೆದ ಕುಲಪತಿ ಡಾ. ಹೆಚ್. ಎಸ್ ಬಲ್ಲಾಳ್, ಮಾಜಿ ಸಚಿವ ವಿನಯ್ ಕುಮಾರ್ ಸೊರಕೆ , ,ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ ಸಂಸ್ಥೆದ ಅಧ್ಯಕ್ಷ ಎಂ. ಮೋಹನ್ ಆಳ್ವ, ಮಾಹೆದ ಸಹ ಕುಲಪತಿ ಡಾ. ಎಂ.ಡಿ ವೆಂಕಟೇಶ್  ಉಪಸ್ಥಿತರಿತ್ತೆರು.