ಉಡುಪಿ ಶೈಲಿ ಪಿಲಿ ಒರಿಪುಗ.

ಉಡುಪಿದ  ಸಾಂಪ್ರದಾಯಿಕ ಶೈಲಿದ ಪಿಲಿವೇಷ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಸಮಾನಮನಸ್ಕ ಪಿಲಿವೇಷ ತಂಡೊಲು ಒಟ್ಟಾದ್ ಪಾದಯಾತ್ರೆ ಆಯೋಜನೆ ಮಲ್ದೆರ್.

27-10-2024 ಐತಾರ ಕಾಂಡೆ 10:00 ಗಂಟೆಗ್ ಸರಿಯಾದ್ ತಾಸೆ, ವಾದ್ಯ ಬೊಕ್ಕ ವಿಶೇಷ ಹಿಮ್ಮೇಳ ಸೇರಿನಂಚ ವಿಜೃಂಭಣೆದ ಪಾದಯಾತ್ರೆ ಉಡುಪಿ ಜೋಡುರಸ್ತೆಡ್ದ್  ಆರಂಭವಾದ್ ಪಾದಯಾತ್ರೆ ಮೂಲಕ ಸಾಗುದ್ ಉಡುಪಿ ಶ್ರೀ ಕೃಷ್ಣ ಮಠಟ್ ಪ್ರಾರ್ಥನೆ ನಡಪರೆಗುಂಡ್.

ಮಾತೆರ್ಲ  ಪಾಲ್ ಪಡೆದ್  ನಮ್ಮ ಸಂಸ್ಕೃತಿ, ಆಚರಣೆ ಒರಿಪಾಗ. ಭಕ್ತಿ-ಸಂಸ್ಕೃತಿ-ಆಚರಣೆ ನಂಬಿಕೆನ್ ಒರಿಪಾವರೆಗ್ ಸಾರ ಸಂಖ್ಯೆಡ್  ಕೈ ಜೋಡ್ಪಾಗ ಪಂಡುದು ಪ್ರಕಟನೆಡ್ ತೆರಿಪಾದೆರ್.