ಯಕ್ಷ ರಂಗೋದ ಭರವಸೆ:ಯಕ್ಷ ಪ್ರಭಾಕರ

ಯಕ್ಷ ರಂಗೋದ ಭರವಸೆ:ಯಕ್ಷ ಪ್ರಭಾಕರ

ಮೂಡಾಯಿ ಘಟ್ಟ ,ಪಡ್ಡಾಯಿ ಕಡಲ್, ಸಾರ ಕಲೆ ಕ್ ಬಿಲೆ ಕೊರೊಂದು ಇಪ್ಪುನ ನಾಡ್ ನಮ್ಮ ತುಳುನಾಡ್. ಕಲೆ ಕಂಬುಲ, ಸಂಸ್ಕೃತಿ,ಜನಪೊದ ನಲಿಕೆ, ನಾಟಕ, ಯಕ್ಷಗಾನ ಇಂಚಿತ್ತಿನ ಸಾರ ಕಲೆಕುಲ್ ನಮ್ಮ ತುಳುವ ನಾಡುಡು ಉಂಡು…
ಆನ್ ಕಲೆ ಪಂದ್ ಪುಗರ್ತೆ ನ್ ಪಡೆಯಿನ ಯಕ್ಷಗಾನ. ಯಕ್ಷಗಾನ ಪಂಡ ನಮ್ಮ ತುಳುವ ನಾಡ್ ದ ಪೆರ್ಮೆ..,ಯಕ್ಷಗಾನ ಪಂಡ ಮಾತೆರೆಗ್ಲ ಇಷ್ಟ ಇಪ್ಪುಂಡು.. ಅವೆತೋ ಯಕ್ಷಗಾನ ಕಲಾವಿದೆರ್ ನಮ್ಮ ನಾಡ್ ಡ್ ಉಲ್ಲೆರ್, ಅಂಚನೇ ಯಕ್ಷಗಾನ ಕ್ಷೇತ್ರೋ ಡ್ ಪುಗರ್ತೆ ನ್ ಪಡೆಯೊಂದು ಉಲ್ಲೆರ್…

ಯಕ್ಷಗಾನ ದ ಬಗ್ಗೆ ದಾಯೆ ಪನೊಂದು ಉಲ್ಲೇ ಪಂದ್ ಎನ್ನಿಯರ..?
ಯಕ್ಷಗಾನ ಕ್ಷೇತ್ರೋ ಡ್ ಪುಗರ್ತೆ ನ್ ಪಡೆಯೊಂದು ಇಪ್ಪುನಾರ್ ಮೆರ್..
ತೆಂಕಕಾರಂದೂರು ದ ಲಿಂಗಪ್ಪ ಶೆಟ್ಟಿ ಬೊಕ್ಕ ಚಂದ್ರಾವತಿ ಶೆಟ್ಟಿ ಮುಕುಲೆನ ಮಗೆ ಪ್ರಭಾಕರ್ ಶೆಟ್ಟಿ..

ಮೆರೆಗ್ ಎಲ್ಯ ಇಪ್ಪುನಗನೇ ಕಲಾರಂಗೋ ಡ್ ಆಸಕ್ತಿ ಬುಲೆಯುಂಡು..ಅಂಚಾದ್ 9ನೇ ಕ್ಲಾಸ್ ಡ್ ಇಪ್ಪುನಗನೇ ಯಕ್ಷಗಾನ ಕಲ್ಪುವೆರ್..14 ವರ್ಷೋದಿಂಚ ಯಕ್ಷಗಾನ ಕ್ಷೇತ್ರೋ ಡ್ ಬುಲೆಯೊಂದುಲ್ಲೆರ್…
ಶ್ರೀ ಕ್ಷೇತ್ರ ಧರ್ಮಸ್ಥಳ ಲಲಿತಾ ಕಲಾ ಕೇಂದ್ರೋ ದ ಗುರುಕುಲೆನ ಸುಬ್ಬಣ್ಣ ಕೋಡಿ ಕೃಷ್ಣ ಭಟ್ ಇಂಬೆರ್ ನ ಒಟ್ಟುಗ್ ನಾಟ್ಯ ಅಭ್ಯಾಸ ಮಲ್ಪುವೆರ್..
ಪ್ರತಿಭಾ ಕಾರಂಜಿ, ಜೈನ್ ಮಿಲನ , ತುಳುನಾಡ ವೈಭವ , ಆಟಿಡೊಂಜಿ ಕೂಟ ,ನವಶಕ್ತಿ ವೈಭವ, ಇಂಚಿತ್ತಿ ಕಾರ್ಯಕ್ರಮ ಡ್ ಪ್ರಸಾದನ ಸೇವೆ ಮಲ್ದೆರ್.,ಅವೆತೋ ನೃತ್ಯ ಕೂಟೋ ಡ್ ಬೊಕ್ಕ ನಾಟಕ ತಂಡೋ ಡ್ ಮೇಕಪ್ ಮ್ಯಾನ್ ಅದ್ ಬೇಲೆ ಮಲ್ದೆರ್.
ಅತೆ ಅತ್ತಂದೆ ಕೆಲವೊಂಜಿ ಹವ್ಯಾಸಿ ಯಕ್ಷಗಾನ ಕಲಾಸಂಘೋ ಡ್ ಗೌರವ ಕಲಾವಿದ ಅದ್ ಅಭಿನಯ ಮಲ್ದೆರ್.
ಮೆರ್ ನ ಯಕ್ಷಗಾನ ಕೂಟಲು : ನಾಟ್ಯ ಲಹರಿ ಯಕ್ಷಗಾನ ತಂಡ, ಯಕ್ಷನಿಧಿ ಮೂಡಬಿದ್ರೆ, ಯಕ್ಷ ವ್ಯಾಸಮ್ ಕಾರಿಂಜ, ಕದಳಿ ಯಕ್ಷ ತಂಡ ಕದ್ರಿ ,ಯಕ್ಷ ಚಿಗುರು ಅಜಿಲ ಮುಗೇರ್ ಈ ಕೂಟೋ ಡ್ ಮುಖವರ್ಣಿಕೆ ಬೊಕ್ಕ ವೇಷಧಾರಿ ಅದ್ ಕಜ್ಜೋ ಮಲ್ದೆರ್..
ಮೆರೆ ಗ್ ಮಸ್ತ್ ಸಂಘ ಸಂಸ್ಥೆಲೇರ್ದ್ ಮಾನದಿಗೆಲಾ ತಿಕ್ಕ್ ದ್ಂಡ್..
ಯಕ್ಷಗಾನ ಮೇಳ ಆಯಿನ ಕರ್ನಾಟಕ ಮಂಗಳಾದೇವಿ ಮೇಳೋ ಡ್ ತಿರುಗಾಟ ಮಲ್ದೆರ್..
ಅವೆರ್ದ್ ಬೊಕ್ಕ ಕೆಲವು ಸಂಘ ಸಂಸ್ಥೆಡ್ ಹವ್ಯಾಸಿ ಕಲಾವಿದ ಅದ್ ಅಭಿನಯ ಮಲ್ದೆರ್,ಇಂದುವೇ ಸಂದರ್ಭೋ ಡ್ ಪ್ರತಿಷ್ಠಿತ ಸಂಸ್ಥೆ ಆಯಿನ ಶ್ರುತಿ ಕಲಾ ಆರ್ಟ್ಸ್ ಕಾವಳ ಕಟ್ಟೆ ಈ ಸಂಸ್ಥೆ ಡ್ ಪಾಲ್ ಪಡೆಯೊಂದು ಪ್ರಸಾದನ ಕಲಾವಿದೆರ್ ಅದ್ ಗುರುತಿಸವೊಂದು ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟ ದ ಕಾರ್ಯಕ್ರಮ ಡ್ ಪಾಲ್ ಪಡೆಯೊಂದೆರ್ ಮೆರ್…
ಅತೆ ಅತ್ತಂದೆ ನಾಟಕ ,ಯಕ್ಷಗಾನ ಗೊಂಬೆ ಬಳಗ ಬೊಕ್ಕ ಮಸ್ತ್ ರಂಗ ಕ್ಷೇತ್ರೋ ಡ್ ಸೇವೆ ಮಲ್ದೆರ್.
ಅಂಚನೇ ಚಂದನ ವಾಹಿನಿ ಡ್ ಪ್ರಸಾರ ಅವೊಂದು ಇತ್ತಿನ ಶ್ರೀ ರಾಮಾಯಣ ದರ್ಶನಂ ಯಕ್ಷಗಾನ ಧಾರವಾಹಿ ಡ್ ಪಾತ್ರಧಾರಿ ಅದ್ ಬೊಕ್ಕ ಕಿರುತೆರೆ ಕಲಾವಿದೆರ್ ಅದ್ ಪುಗರ್ತೆ ಪಡೆಯಿನ ನಾಟಕ ಡ್ ಪೊಣ್ಣ ವೇಷೋ ಡ್ ಅಭಿನಯ ಮಲ್ತ್ ದ್ ಜನಕುಲೆನ ಉಡಲ್ ಗೆಂದಿನಾರ್..
ಭರತನಾಟ್ಯ ,ಫಿಲ್ಮ್,ಜಾನಪದ, ಯಕ್ಷಗಾನ ,ನಾಟಕ ಕಥಾಕಳಿ ನೆಟ್ಟ್ ಮೇಕಪ್ ಮ್ಯಾನ್ ಅದ್ ಬೇಲೆ ಮಲ್ದೆರ್…
ಮೆರೆ ಗ್ ಶ್ರುತಿ ಆರ್ಟ್ಸ್ ಮಾಲಿಕೆರ್ ಆಯಿನ ದಿವಾಕರ್ ದಾಸ್ ಬೊಕ್ಕ ಸಿಬ್ಬಂದಿ ವರ್ಗದಕುಲ್, ಶಿಕ್ಷಕೆರ್, ಪೋಷಕೆರ್, ಜೋಕುಲ್ ಪ್ರೋತ್ಸಾಹ ಮಲ್ಪುವೆರ್ ಪನ್ಪೆರ್ .
“ಯಕ್ಷಗಾನ ಪಂಡ ದೇವೆರ್ ನ ಕಲೆ..ಇಂದು ನಮಕ್ ಒಲಿಯೋಡಂಡ ಪೂರ್ವ ಜನ್ಮೋ ಡ್ ಪುಣ್ಯ ಮಲ್ತ್ ಇಪ್ಪೋಡು..ಒಲಿಯಿನ ಕಲೆ ನ್ ಭಕ್ತಿ ಭಾವೋಡ್ ನಡಪವೊಂದು ಪೊಂಡ ಮಾತ್ರ ಪುಣ್ಯ ಪಡೆಯೆರೆ ಸಾಧ್ಯ. ಆಯಿಟ್ ಲ ಎನ್ನ ಮೋಕೆದ ಕಲೆ ಟ್ ಒಂಜಾಯಿನ ಮುಖವರ್ಣಿಕೆ ಬೊಕ್ಕ ಪ್ರಸಾದನ ಕಲೆ ನ್ ಆರಾಧನೆ ಮಲ್ಪೆರೆ ಯಾಂಕ್ ಮಸ್ತ್ ಪೆರ್ಮೆ ಅವೊಂದುಂಡು ಪನ್ಪೆರ್” ಇಂದು ಪ್ರಭಾಕರ್ ಶೆಟ್ರೆನ ಪಾತೆರ…
ಮೆರೆ ಗ್ ನನಲತ್ ರಂಗಭೂಮಿ ಡ್ ಕಲಾಸೇವೆ ನ್ ಮಲ್ಪುನ ಅವಕಾಶ ತಿಕ್ಕಡ್ ಪನ್ಪಿನ ಎನ್ನ ಎಡ್ಡೆಪ್ಪು….

ಬರವ್:ಅಶ್ವಿನಿ ಟಿ ಕುರ್ನಾಡ್ (ಕನಸು)