ಮಲ್ಪೆ ಕೊಳ ಫ್ರೆಂಡ್ಸ್ ಮೊಕ್ಲೆನ ವತಿಡ್ದ್ ಶ್ರೀ ಕಿಷ್ಣನ ಜನ್ಮಾಷ್ಟಮಿದ ಪ್ರಯುಕ್ತ ಪಿಲಿವೇಷ ನಲಿಕೆ ಪಂತೊ

ಮಲ್ಪೆ ಕೊಳ ಫ್ರೆಂಡ್ಸ್ ಮೊಕ್ಲೆನ ವತಿಡ್ದ್ ಶ್ರೀ ಕಿಷ್ಣನ ಜನ್ಮಾಷ್ಟಮಿದ ಪ್ರಯುಕ್ತ ಪಿಲಿವೇಷ ನಲಿಕೆ ಪಂತೊ ಅಗಸ್ಟ್ 19 ತಾರೀಕುದಾನಿ ಮಲ್ಪೆ ಬೀಚ್ ಡ್ ನಾಡೋಜ ಜಿ.ಶಂಕರ್ ವೇದಿಕೆಡ್ ನಡತುಂಡ್.ಕಾರ್ಯಕ್ರಮದ ಉದಿಪನ ಮಲ್ತಿನ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತಕೆರಾಯಿನ ನಾಡೋಜ ಡಾ.ಜಿ.ಶಂಕರ್ ಮೇರ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್. ಕಾರ್ಯಕ್ರಮೊಡ್ ಸ್ವರ್ಣ ಪೀಠಿಕಾಪುರ,ಗೌರಿಗದ್ದೆ,ಕೊಪ್ಪ ದತ್ತಾಶ್ರಮದ ಶ್ರೀ ವಿನಯ್ ಗುರೂಜಿ ಉಪಸ್ಥಿತರಿತ್ತುದ್,ಜವನೆರೆನ ಕೂಟ ಒಟ್ಟಾದ್ ಮಲ್ಪುನ ಈ ಲೇಸ್ ಪ್ರತೀವರ್ಷಲಾ ನಡಪಡ್.ನಮ್ಮ ತುಳುನಾಡ್ದ ಜಾನಪದ ಕಲೆ ಆಯಿನ ಪಿಲಿವೇಷ ನಲಿಕೆಗ್ ಒಂಜಿ ಪೊಸ ದೇಕಿ ತಿಕ್ಕಡ್ ಪಂಡುದ್ ಎಡ್ಡೆಪ್ಪು ಬಯಕಿಯೆರ್.
ಕಾರ್ಯಕ್ರಮೊಡ್ ಮಲ್ಲ ಬಿನ್ನೆರಾದ್ ಉಡುಪಿ ನಗರಸಭೆತ್ತ ಒತ್ತುಗುರ್ಕಾರ್ದಿಯಾಯಿನ ಶ್ರೀಮತಿ ಲಕ್ಷ್ಮೀ ಮಂಜುನಾಥ್ ಕೊಳ,ಕಾರ್ತಿಕ್ ಗ್ರೂಪ್ ಮಲ್ಪೆದ ಮ್ಯಾನೇಜಿಂಗ್ ಡೈರೆಕ್ಟರ್ ಶ್ರೀ ಹರಿಯಪ್ಪ ಕೋಟ್ಯಾನ್,ಕನ್ನರ್ಪಾಡಿ ಶ್ರೀ ಜಯದುರ್ಗಾಪರಮೇಶ್ವರಿ ದೇವಸ್ಥಾನದ ಮುಕ್ತೇಸರೆರಾಯಿನ ಶ್ರೀ ಕ್ರಷ್ಣಮೂರ್ತಿ ಆಚಾರ್ಯ,ದ.ಕ‌ ಬೊಕ್ಕ ಉಡುಪಿ ಜಿಲ್ಲಾ .ಮೀನು ಮಾರಾಟ ಫೆಡರೇಷನ್ ದ ಅಧ್ಯಕ್ಷೆರಾಯಿನ ಶ್ರೀ ಯಶ್ಪಾಲ್ ಸುವರ್ಣ,ಮಲ್ಪೆದ ಠಾಣಾಧಿಕಾರಿ ಶ್ರೀ ಶಕ್ತಿವೇಲು, ಮಲ್ಪೆದ ಮತ್ಸ್ಯೋದ್ಯಮಿಲಾಯಿನ ಆನಂದ ಪಿ.ಸುವರ್ಣ, ಕೊಲ್ಲೂರುದ ಧಾರ್ಮಿಕ ಮುಖಂಡೆರಾಯಿನ ಶ್ರೀ ಹರೀಶ್ ತೋಳೂರ್,ಹಿಂದೂಯುವಸೇನೆದ ಅಧ್ಯಕ್ಷೆರಾಯಿನ ಮಂಜುನಾಥ್ ಸಾಲ್ಯಾನ್,ಮಿಥುನ್ ಕುಂದರ್,ಶಾನ್ ರಾಜ್,ಸನತ್ ಸಾಲ್ಯಾನ್,ಶ್ರೀ ಹರೀಶ್,ವಿಕ್ಕಿ ಮೊಬೈಲ್ ಉಡುಪಿದ ಮಾಲಕೆರಾಯಿನ ವಿವೇಕ್ ಜಿ.ಸುವರ್ಣ,ಬಲ್ಲಾಳ್ ಮೊಬೈಲ್ ದ ಮಾಲಕೆರಾಯಿನ ಸಂದೇಶ್ ಬಲ್ಲಾಳ್,ಪ್ರವೀಣ್,ಪ್ರಶಾಂತ್ ಕೊಳ,ಚರಣ್,ಶೀತಲ್ ಕುಂದರ್,ಸಿದ್ದು ಸಾಲ್ಯಾನ್,ಸಂತು ಕೊಳ,ಸುದೇಶ್ ಶೆಟ್ಟಿ ಉಪಸ್ಥಿತರಿತ್ತೆರ್.ಮಲ್ಪೆ ಕೊಳ ಫ್ರೆಂಡ್ಸ್ ದ ಅಧ್ಯಕ್ಷೆರಾಯಿನ ಗಣೇಶ್ ಸಾಲ್ಯಾನ್ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರ್.