ಸಿರಿಬಾಗಿಲು ಯಕ್ಷವೈಭವ.

ಸಾಂಸ್ಕೃತಿಕ ಉಚ್ಚಯ : ಸಿರಿಬಾಗಿಲು ಯಕ್ಷವೈಭವ ಮುಗಿತಲದ ಲೇಸ್

ಕಾಸ್ರೋಡು : ಜುಲೈ 22: ಗಡಿನಾಡ್ ಕಾಸ್ರೋಡು ಸಿರಿಬಾಕಿಲ್ ಡ್ ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಭವನಡ್ ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಪ್ರತಿಷ್ಠಾನದ ವತಿರ್ದ್ ಕರ್ನಾಟಕ ಗಡಿಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಒಟ್ಟು ಸೇರಿಗೆಡ್ ನಡತಿನ ನಾಲ್ ದಿನತ ಸಾಂಸ್ಕೃತಿಕ ಉಚ್ಚಯ ‘ಸಿರಿಬಾಗಿಲು ಯಕ್ಷ ವೈಭವ’ ಮುಗಿತಲ ಲೇಸ್ ನಡತುಂಡು .

ಮುಗಿತಲದ ಲೇಸ್ ಎಡನೀರು ಮಠಾಧೀಶರಾಯಿನ ಸಚ್ಚಿದಾನಂದ ಭಾರತೀ ಸ್ವಾಮೀಜಿ, ಬೊಕ್ಕ ಉಪ್ಪಳ ಕೊಂಡೆಯೂರು ಮಠದ ಯೋಗಾನಂದ ಸರಸ್ವತಿ ಸ್ವಾಮೀಜಿ ಮೆರೆನ ಆಶೀರ್ವಚನದೊಟ್ಟುಗು ನಡತುಂಡು

ಲೇಸ್ ದ ಗುರ್ಕಾರ್ಮೆನ್ ಹಂಗಾರಕಟ್ಟೆ ಯಕ್ಷಗಾನ ಕೇಂದ್ರದ ಕಾರ್ಯದರ್ಶಿ ರಾಜಶೇಖರ ಹೆಬ್ಬಾರೆರೆ ವಹಿಸೋದಿತ್ತೆರ್ . ಗಡಿನಾಡ ಸಂಗೀತ ವಿದ್ವಾಂಸೆಯಾಯಿನ ಶಕುಂತಲಾ ಕೆ. ಭಟ್ ಕುಂಚಿನಡ್ಕ ಮೆರೆಗ್ ‘ಸಿರಿಬಾಗಲು ವೆಂಕಪ್ಪಯ್ಯ ಪ್ರಶಸ್ತಿ’ ಕೊರ್ದು ಮಾನದಿಗೆ ಮಲ್ತೆರ್.

ಪ್ರತಿಷ್ಠಾನ ಬುಡುಗಡೆ ಮಲ್ತಿನ ಏಳ್ ಕೃತಿದ ಬಗ್ಗೆ ನಡತಿನ ವಿಚಾರ ಸಂಕಿರಣಡ್ ರಾಧಾಕೃಷ್ಣ ಕಲ್ಚಾರ್ ವಿಟ್ಲ, ಡಾ. ನಾಗವೇಣಿ ಮಂಚಿ, ಲಕ್ಷ್ಮೀ ಮಚ್ಚಿನ, ರಾಘವೇಂದ್ರ ಉಡುಪ ನೇರಳೆಕಟ್ಟೆ, ಕುಮಾರ ಸುಬ್ರಹ್ಮಣ್ಯ ಮುಳಿಯಾಲ, ಪಾಲ್ ಪಡೆದಿತ್ತೆರ್ .

ಲೇಸ್ ಡ್ ಡಾ. ಶ್ರುತಕೀರ್ತಿರಾಜ್ ಉಜಿರೆ ನಿರೂಪಣೆ ಮಲ್ತೆರ್ . ಪ್ರಸನ್ನ ಕಾರಂತ ದೇಶಮಂಗಲ ಸೊಲ್ಮೆ ಸಂದೈತ ಮಲ್ತೆರ್ . ಬಿನ್ನೆರ್ ಆದ್ ಮಾಂಡೋವಿ ಮೋಟಾರ್ಸ್ ದ ಮೆನೇಜರ್ ಶಶಿಧರ ಕಾರಂತ, ಕನ್ನಡ ಸಾಹಿತ್ಯ ಪರಿಷತ್ತು ಗಡಿನಾಡು ಘಟಕದ ಗುರ್ಕಾರ್ಲಾಯಿನ ಡಾ. ಜಯಪ್ರಕಾಶ ನಾರಾಯಣ ತೊಟ್ಟೆತೋಡಿ, ಕರ್ನಾಟಕ ಬ್ಯಾಂಕ್ ಸಿಬ್ಬಂದಿ ಸುಜಿತ್, ಶೀನ ಶೆಟ್ಟಿ ಕಜೆ, ಸಿರಿಬಾಗಿಲು ವೆಂಕಪ್ಪಯ್ಯನವರ ಹಿರಿಯ ಪುತ್ರಿ ಮಂಗಳ ಗೌರಿ ಕುದ್ರೆಪ್ಪಾಡಿ ಪಾಲ್ ಪಡೆದಿತ್ತೆರ್ .